Ljósmæðrablaðið - 01.12.1991, Síða 37

B-Streptococcar:
5—25% barnshafandi kvenna hafa
þessa sýkla. Helmingur barna þeirra
smitast en örfá verða alvarlega veik.
Þetta er sýking sem erfitt er að ráða við
hjá nýfæddum börnum. Þau fá sepsis,
heilahimnubólgu eða lungnabólgu.
Dánartíðni er há og þau sem lifa fá oft
varanlega skaða. Fyrirburar, þar sem
belgjarof verður fyrir tímann, eru sér-
staklega í hættu. Því ber að taka strok
frá leghálsi hjá öllum konum, þar sem
belgjarof verður fyrir tímann. Rann-
sóknir hafa sýnt að það minnkar hættu
á sýkingu, að þvo konum fyrir fæðingu
með klórhexidini.
Condyloma:
Vöxtur eykst yfirleitt á meðgöngu.
Utbrot geta orðið svo mikil að ekki sé
unnt að láta konuna fæða eðlilega.
Stundum er nauðsynlegt að fjarlægja
útbrotin á meðgöngutímanum. Ath!
blæðingarhætta. Condyloma er mjög
smitandi.
Eins og að ofan greinir, eru sýkingar
þessar oft einkennalausar og ber því
ljósmóður að temja sér ávallt reglur
þær sem gilda um almenna smitgát.
Þar gildir alltaf það sama gagnvart öll-
um líkamsvessa, svo sem blóði, leg-
vatni og slími. Hér hljóta að gilda tvær
meginreglur:
Notum hanska!
Góður handþvottur!
Sjá nánar leiðbeiningar frá Sýkinga-
varnanefnd Landspítalans.
Konur með hita af
óþekktum orsökum
Konum sem fá hita í fæðingu (> 38,0)
þarf að fylgjast sérstaklega með, m.t.t.
amnionitis:
Fylgjast vel með hita, púls og blóð-
þrýstingi.
Flýta fæðingu eins og unnt er (rjúfa
belgi).
Athuga legvatn, lit og lykt.
Stöðug síritun fósturhjartsláttar.
Láta aðstoðarlækni og sérfræðing
vita.
E.t.v. tekin blóðræktun og strok frá
leghálsi í ræktun.
Forðast inngrip eins og hægt er, svo
sem mænurótardeyfingu, áhaldafæð-
ingu og keisaraskurð.
Láta barnalækni vita.
Taka strok frá barni.
Takmarka umgang við konuna.
BGJ/EÓ
ljósmæðrablaðið ____________________________________________ 35