Dagblaðið Vísir - DV - 27.02.2004, Qupperneq 18

-f
r 18 FÖSTUDAQUR 26. FEBRÚAR 2004
Lokstap
hjá Nets
Lawrence Frank, þjálfari
New Jersey Nets, beið sinn
fyrsta ósigur í fyrrinótt þeg-
ar liðið beið lægri hlut fyrir
Minnesota Timberwolves,
81-68. New Jersey Nets
hafði unnið fyrstu þrettán
leikina undir stjórn Franks
en sigurgangan stöðvaðist
gegn sterku liði Minnesota
sem var drifið áfram af
stórleik varamannanna
Troy Hudson og Fred Hoi-
berg. „Það hata allir að tapa
en því miður er það nauð-
synlegur raunveruleiki í
þessu starfi. Ég var nokkuð
viss um að við myndum
ekki fara taplausir í gegnum
þennan vetur," sagði Frank
eftir leikinn.
. Sluppu báðir
við leikbann
Þeir Gunnar Einarsson,
fyrirliði Keflavíkur, og Ja Ja
Bay, KFÍ, sluppu báðir við
leikbann þegar aganefnd
KKÍ fundaði um brott-
rekstur þeirra félaga í leik
Keflavíkur og KFÍ síðast-
liðið laugardagskvöld. Þeim
Gunnari og Bay lenti saman
í upphafi seinni hálfleiks
með þeim afleiðingum að
þeim var vikið úr húsi.
* Aganefnd KKÍ vísaði
hins vegar kærunum frá,
samkvæmt frétt á KKÍ-
síðunni, en engin nánari
skýring var gefin á því af
hverju þeir sluppu við
leikbann - sem er venjan
þegar slík mál koma upp.
Eina tækifærið
að sjá Rúnar
Á morgun fer fram Bik-
* armót í frjálsum æfingum í
áhaldafimleikum í fþrótta-
miðstöð Bjarkar í Hafnar-
firði. Flest af okkar fremsta
fimleikafólki í áhaldafim-
leikum verður á meðal
keppenda.
Þetta verður væntanlega
eina mótið sem Rúnar Alex-
andersson tekur þátt í hér á
íslandi í vetur en næstu
helgar á eftir mun hann
keppa á Heimsbikarmót-
um. Bikarmótið er liða-
keppni en á sama tíma fer
fram Þorramót sem er ein-
staklingskeppni og þar bæt-
ast við nokkrir einstaklingar
* sem ekki eru í liðunum.
Sport DV
Veigar Páll Gunnarsson, leikmaður KR, er að eigin sögn á leiðinni til norska liðsins SÍ&1
morgun þar sem hann mun æfa með norska liðinu með samning í huga. Veigar Páll teli
aðrir aðilar sem koma að málinu virðast telja hann vera samningsbundinn vesturbæjar
KR-ingurinn Veigar Páll Gunnarsson segist vera á leiðinni til norska
félagsins Stabæk, félagsins sem hann bafnaði samningi við fyrir jól. Hann
hefur ekki skrifað undir KSÍ-samning við KR og er því að eigin mati frjáls
ferða sinna. Aðrir eru ekki á sama mál og telja að Stabæk verði að greiða KR
fyrir Veigar Páll. Hann hefur ekki rætt við KR-inga þótt hann sé á leiðinni
út á morgun en Stabæk hefur sent KR fax þar sem ósskað er eftir viðræðum
um Veigar Pál.
KR-ingurinn Veigar Páll Gunn-
arsson vill ganga til liðs við norska
úrvalsdeildarliðið Stabæk. Hann
sagði í samtali við DV Sport í gær að
hann myndi halda á morgun til La
Manga á Spáni, þar sem leikmenn
Stabæk dvelja við æfingar, og æfa
með liðinu í nokkra daga.
Tveggja ára samningur við KR
Þetta er ekki í fyrsta sinn sem
Veigar Páll er orðaður við Stabæk en
hann fór út til liðsins í fyrrahaust. Þá
var honum boðinn samningur en
honum hugnaðist hann ekki og
ákvað í staðinn að skrifa undir nýjan
tveggja ára samning við KR í byrjun
síðasta mánaðar. Þá sagði hann í
viðtali við DV Sport:
„Ég fékk tilboð frá Stabæk í Nor-
egi sem mér fannst ekki spennandi.
Ég lagði dæmið þannig upp að ég
gat alveg eins verið hérna heima og
unnið með fótboltanum. Samingur-
inn sem ég gerði við KR er fínn og ég
held að báðir aðilar séu sáttir með
hann.“
Eitthvað virðist Veigari Páli hafa
snúist hugur í þessu máli enda kom
Stabæk með annað og betra tilboð
til Veigars Páls, að hans eigin sögn.
Nýtt og betra tilboð
„Nýja tilboðið frá þeim var mun
betra heldur en það fyrra og miklu
meira í takt við það sem ég hafði
hugsað mér. Ég er búinn að eiga tvö
góð ár með KR og er kominn á þann
aldur að ég hef gott af því að prófa
eitthvað nýtt,“ sagði Veigar Páll.
Veigar Páll skrifaði, eins og áður
hefur komið fram, undir tveggja ára
launasamning við KR í janúar. Hann
hefur hins vegar ekki skrifað undir
svokallaðan KSÍ-samning við félagið
og það gerir málið ansi flókið, bæði
fyrir leikmanninn og félagið.
Veigar PálJ sagði í samtali við DV
Sport í gær að hann teldi sig geta
farið frá KR þar sem hann væri ekki
með KSÍ-samning. Geir Þorsteins-
son, framkvæmdastjóri KSÍ, sagði í
samtali við DV Sport í gær að al-
menna reglan væri að ef leikmaður
væri eingöngu með launasamning
við félag en ekki með KSÍ-samning
væri hann laus allra mála. „Það ber
þó að líta á að sérhvert mál getur
haft ýmsar hliðar sem getur veikt
eða styrkt stöðu viðkomandi ein-
staklings eða félags,“ sagði Geir sem
sagðist ekki geta tjáð sig um mál
Veigars Páls og KR þar sem hann
þekkti ekki staðreyndir málsins
nógu vel.
Svona mál kom upp í fyrra þegar
markvörðurinn Þórður Þórðarson
fór til ÍA frá KA án vandræða, jafnvel
þótt hann ætti eftir eitt ár af
samningi sínum við Akureyrarliðið,
þar sem hann var ekki með
undirskrifaðan KSÍ-samning.
Ekki talað við okkur
Kristinn Kjærnested, stjórnar-
maður KR-Sports, sagði í samtali við
DV Sport í gær að Veigar Páll væri
samningsbundinn KR fram í októ-
ber á næsta ári. „Við skrifuðum
undir samning við hann þess efnis
að hann myndi spila með KR þar til
í október 2005 og þess vegna er í
hæsta máta óeðlilegt að líta ekki á
hann sem leikmann KR. Aðspurður
„Nýja tilboðið frá
þeim var mun betra
heldur en það fyrra og
miklu meira í takt við
það sem ég hafði
hugsað mér. Ég er
búinn að eiga tvö góð
ár með KR og er kom-
inn á þann aldur að
ég hefgott afþví að
prófa eitthvað nýtt."
sagðist Kristinn ekki geta gefið upp
ástæðuna fyrir því að Veigar Páil
hefði ekki enn skrifað undir KSÍ-
samning. Hann sagði að Veigar Páll
hefði ekki rætt við KR varðandi
fyrirhugaða ferð til Spánar og menn
gætu sjálfir dæmt um hvort það væri
eðlilegt. Kristinn sagði að menn
innan KR-Sports væru ekki farnir að
velta fyrir sér hvað þeir vildu fá fyrir
Veigar Pál enda væru samninga-
viðræður á milli félaganna á
byrjunarstigi.
Enginn samningur
Tom Schelvan, yfirmaður knatt-
spyrnumála hjá Stabæk, sagði í
samtali við DV Sport í gær að Veigari
Páli hefði ekki verið boðinn
samningur hjá Stabæk en staðfesti
að félagið ætti von á því að hann
kæmi út til Spánar til að æfa með
liðinu í nokkra daga. Schelvan sagði
aðspurður að hann gerði sér grein
fyrir því að Veigar Páll væri
samningsbundinn KR og að þeir
yrðu að komast að samkomulagi um
kaupverð. „Við höfum sent þeim fax
þar sem fram kemur að við höfum
áhuga á leikmanninum en höfum
ekki fengið svar ennþá,“ sagði
Schelvan.
Hann sagði að Veigar Páll væri
spennandi leikmaður sem myndi
henta Stabæk vel en ítrekaði að það
ætti eftir að ná samkomulagi við KR.
Fax frá Stabæk
Sigurður Helgason, fram-
kvæmdastjóri KR-Sports, staðfesti í
gær að hann hefði móttekið fax frá
Stabæk varðandi Veigar Pál. „Við
fengum fax frá þeim í gær og
sendum svar út í dag. Boltinn er því
hjá þeim eins og staðan er nú.“
Arnór Guðjohnsen, umboðs-
maður Veigars Páls, sagði í samtali
við DV Sport í gær að Veigar Páll
væri búinn að ná samkomulagi við
Stabæk og að boltinn væri hjá
félögunum. „Ég veit ekki hvernig
þau mál standa enda er það ekki í
mínum verkahring að skipta mér af
málum KR og Stabæk. Félögin verða
að leysa þau sjálf,“ sagði Arnór.
Eftir stendur að Veigar Páll er á
leiðinni til Stabæk án þess að hafa
fengið leyfi hjá KR sem er að semja
við Stabæk um verð á leik-
manninum sem telur þó að hann sé
ekki samingsbundinn því - öfugt við
félagið???
oskar@dv.is