Akranes - 01.09.1945, Blaðsíða 20
116
AKRANES
WSB&f'
ANNÁLL AKPANESS
Gjafir og greiðslur til blaðsins, sem það þakkar
innilega.
Hr. Guðni Einarsson Reykjavík fyrirfram-
greiðsla kr. 100,00.
Ing. Flygenring f. III. og IV. árg. 100 kr.
Ó. F., Akranesi 100 kr.
Eggert Ólafsson, Rvk. 50 kr.
Stefán Guðmundsson óperusöngvari
hélt hljómleika hér í Bíóhöllinni sunnudaginn
2. þ. m. fyrir fullu húsi áheyrenda. Söngur hans
vakti almenna óskipta ánægju, og virtist hann
sækja sig eftir því sem lengra leið, og endaði
með ágætum.
Söngvaranum var færður blómvöndur af litilli
stúlku, dóttur Ellerts Ásmundssonar. Friðrik
Hjartar skólastjóri kvaddi sér hljóðs í nafni
söngfélaganna hér og viðstaddra. Bauð hann
söngvarann velkominn heim eftir langa útivist
og óskaði honum heilla og áframhaldandi frama.
Allir viðstaddir tóku undir með ferföldu húrra
Stefáni til heiðurs.
Fritz Weisshappel annaðist undirleik af venju-
legri leikni.
Iþróttaáhugi æskunnar
hér á Akranesi og afrek hennar eru nú meiri
en nokkru sinni áður. í knattspyrnukappleikjum
utan héraðs hafa íþróttamenn okkar getið sér
góðan orðstír í sumar.
Ungfrú Hallbera Leósdóttir fór fyrir hönd í.
R. Akraness til þess að taka þátt í keppni í 80
m. hlaupi kvenna á septembermótinu í Reykja-
vík laugardaginn 7. sept. Þrátt fyrir óhagstætt
veður og að hlaupið var á móti vindi, varð Hall-
bera fyrst, og rann hún skeiðið á 11,9 sek. Þetta
er sæmilegur tími, þegar tekið er tillit til allra
aðstæðna. Síðastl. sumar, þegar Hallbera varð
önnur í samskonar keppni, hafði hún að vísu
betri tíma, eða 11,4 sek, en þá voru líka skilyrði
betri til keppni, enda veður hið bezta. Hallbera
var sú eina, sem fór til keppni héðan. Hún virð-
ist vera mjög efnilegur hlaupari, og er ekki ó-
líklegt að hún síðar geti orðið íslandsmeistari,
ef hún fengi góða þjálfun.
Á næstunni mun gerð nánari grein fyrir í-
þróttastarfinu á þessu ári, hér í blaðinu.
Þorgeir íbscn kennari
er fyrir skömmu kominn heim frá Ameríku,
en þar hefur hann dvalið um eins árs skeið til
þess að nema og kynna sér kennslumál þar
vestra. Lætur hann vel af þessari ferð, sem hann
telur sig hafa haft mikið gagn af. Slíkar ferðir
eru ákaflega nauðsynlegar og gagnlegar þeim,
sem leggja sig alla fram um að hafa þeirra full-
komin not. — Vonandi segir hann lesendum
blaðsins eitthvað skemmilegt úr þessu ferðalagi.
Dánardægur.
Guðjón Tómasson frá Vinaminni, sem um
margra ára skeið hefur átt heima á Bergþóru-
götu 9 í Reykjavík er nýlega látinn. Hann var
fæddur á Bjargi, uppalinn hér og lengi búsettur.
Hinn 22. sept. andaðist á Vífilsstöðum ungfrú
Anna Jóna Hendriksdóttir, f. 14. 3. 1930. — Hún
var efnileg stúlka, en hefur um mörg ár átt við
vanheilsu að stríða.
Frú Valgerður Jónsdóttir, kona Ásgeirs Guð-
mundssonar á Baugsstíg 6 andaðist 27. sept. —
Þau hjón fluttu hingað 1943 norðan úr Stranda-
sýslu.
Daníel Þjóðbjörnsson múrari andaðist á Landa-
kotsspítala 6. okt., eftir alllanga vanheilsu.
Ásmundur Jónsson rafvirki frá Dvergasteini
andaðist á heimili sínu í Reykjavík 11. október,
eftir langa og þunga sjúkdómslegu.
Jakobína Jakobsdóttir á Elliheimilinu andað-
ist hinn 10. október. Hún var lengi bústýra
Halldórs heit. Magnússonar í Hjarðarnesi hér á
Akranesi.
Þau fóru bæði í sömu gröf.
Jón Þorláksson fyrrum bóndi á Arkarlæk and-
aðist í Reykjavík 1. sept. rúmlega 82 ára að
aldri, f. 12. 7. 1863. Hinn 10. sama mánaðar and-
aðist svo kona hans Guðrún Sigurðardóttir á
spítala í Reykjavík eftir skamma legu. Hún var
fædd 23. 10. 1880. Þau voru bæði góð hjón og
gegn, og bjuggu hér nokkur síðustu árin, en þau
voru bæði í kynnisferð hjá uppeldisdóttur sinni
í Reykjavík, er þau létust.
Afli báta héðan á sildveiðum fyrir norðurlandi
hefur verið sem hér segir:
Ólafur Bjarnason 4336% mál.
Mb. Svanur 3080 mál og tunnur.
Mb. Fylkir 2793 mál og tunnur.
Mb. Sigurfari 2645 mál og tunnur.
Mb. Hermóður 1655 mál og tunnur.
Mb. Víkingur og Egill 1319 mál og tunnur.
Mb. Sjöfn 1208 mál og tunnur.
Mb. Ásbjörn 1200 mál og tunnur.
Mb. Valur 678 mál og tunnur.
Mb. Hrefna 650 mál og tunnur.
Síldarafli reknetabáta hér heima til 1. sept.:
Mb. Haraldur 232,820 kg.
Mb. Ægir 184,330 kg.
Mb. Ármann 158,410 kg.
Mb. Aldan 153,470 kg.
Mb. Höfrungur 110,550 kg.
Af aflanum hefur verið fryst til beitu 771,470
kg.
Saltað hefur verið til útflutnings 78,210 kg.
og hraðfryst til útflutnings 1900 kg.
Þakkarorð.
Fyrir mína hönd og konu minnar þakka ég
innilega Skógræktarfélagi Innri-Akraneshrepps
fyrir útvarpstæki og peningagjöf, er félagið
færði okkur.
Við óskum og vonum, að félagið lifi lengi, efl-
ist og þroskist til þess að geta sinnt ætlunar-
verki sínu, og öllum góðum málefnum, er það
tekur sér fyrir hendur að leysa.
Dægru í september 1945.
Guðjón Sigurðsson.
Tímaritið Verðandi,
fyrra hefti þessa árgangs, er um það að koma
út. í því er mikill fjöldi ágætra greina um hin
margvíslegustu efni að fornu og nýju.
í ritinu eru nú, og verður áframhaldandi, á-
gætar greinar um látna menn og lifandi víðs-
vegar af landinu.
Bjarnalaug
hefur verið opin frá 23. marz í vor til 31.
ágúst 1945. Á því tímabili hefur aðsókn verið
sem hér segir: Konur 1021, karlar 2051, drengir
1803 og stúlkur 2137. 219 mánaðarkort hafa verið
keypt. Auk þess voru námskeið, eins og áður
hefur verið getið.
Útgefandi, ritstjóri og ábyrgðarmaður:
Ólafur B. Björnsson.
Gjaldkeri: ÓBinn Geirdal.
AfgreiBsla: Unnarstíg 2. Akranesi.
Kemur út mánaðarlega 12 siður. Árg. 20 kr.
Prentverk Akraness h.f.
Nýlega var hægt að auka við heita vatnið,
sem rennur í laugina frá rafstöðinni og er laug-
in nú nokkru heitari en áður, eða 22—26 stig;
áður var hún 18—23 stig venjulega.
í haust mun verða haldið sundnámskeið fyrir
elztu bekki barnaskólans. Þau börn, sem enn
ekki hafa lokið fullnaðarprófi í sundi. Verður
það á vegum barnaskólans eins og vor-nám-
skeiðið.
Vegna þess að laugin er nú heitari en áður,
verður væntanlega hægt að hafa sund sem fast-
an lið í starfsskrá skólanna í vetur. Slík skil-
yrði eru óvíða hér á landi, að allir skólanemend-
ur úr þetta stórum bæ geti æft sund allan vet-
urinn.
Margir eru hræddir við kuldann í útilaug, en
sá ótti er með öllu ástæðulaus, þegar laugin er
yfir 20 stig og búningsklefar vel upp hitaðir.
Akurnesingar! Bjarnalaug býður ykkur vel-
komna. Æfið sundíþróttina ykkur til gagns og
ánægju.
Bænum gefin gufubaðstofa.
Sunnud. 14. okt. afhenti Rauða kross deild
Akraness bænum að gjöf gufubaðstofu þá, er
deildin hefur byggt í húsakynnum „Bjarnalaug-
ar“. Hafði hún kostað yfir 40 þús. kr. Verður
nánar sagt frá þessu hér í blaðinu síðar.
Hjónaefni.
Ungfrú Auður Þorbjörnsdóttir Suðurgötu 85
og Ólafur Þórmundsson, Bæ í Borgarfirði.
Nýlega opinberuðu trúlofun sína ungfrú Lauf-
ey Runólfsdóttir frá Borgarnesi og Edvard
Friðjónsson, Vesturgötu 65.
Sumarið hér sunnanlands
hefur verið með fádæmum erfitt að þessu
sinni. Heyfengur er því lítill og illur allstaðar
hér um slóðir. Kartöflur hafa hér verið mikið
skemmdar vegna hinna óvenjulega miklu rign-
inga.
Leiðrétting.
Svo sem lesendur minnast, var það dregið í
efa í síðasta blaði, að eftirfarandi vísa eftir
Jónatan Þorsteinsson væri rétt. Nú hefur dóttir
hans, Kristín á Varmalæk, sent mér vísuna, eins
og hún er rétt, og er ég henni þakklátur fyrir.
Vísan er svona:
Fallinn er vaskur að velli,
vinfastur, drenglyndastur,
Árni með orku firna
og andans þrek jafnt sem handa.
Skarð mun á Skaga orðið,
skaðlegt í bænda raðír,
góðmennið þá hið glaða
gengið er burt frá drengjum.
Afmæli.
Frú Guðrún Sveinsdóttir í Skuld átti 60 ára
afmæli 11. okt. s. 1. Hún hefur átt hér heima í
rétt 40 ár.
Myndirnar
á bls. 99, 101 og 102 eru úr bókinni ísland í
myndum.