Almanak Hins íslenska þjóðvinafélags - 01.01.1942, Blaðsíða 46

Þetta allt er gert Englendingum í hag. Þeir losna
við mikil og erfið eftirlitsstörf og geta notað flota
sinn og flugvélar annars staðar. Hernám íslands er
sérstaklega athyglisvert, því að með því hefur
Ameríka blandað sér hernaðarlega í málefni Norð-
urálfunnar.
Þá er framkoma Roosevelts í Kyrrahafsmálunum
ekki siður ákveðin, og vígbúast Bandaríkjamenn þar
á ýmsum stöðum, og þeir hafa þegar byrjað við-
skiptalegt stríð við Japani.
Á hinum sögulega fundi á Atlantshafi hafa þeir
Churchill og Roosevelt markað þær línur, sem þeir
ætlast til, að stjórnarfarið í alþjóðamálum þróist
eftir. En það er erfitt að spá nokkru um fram-
kvæmdirnar, en ekki verður annað sagt en að ekki
blási byrlega fyrir lýðræðishugmyndinni i heimin-
um nú sem stendur.
Roosevelt stendur nú á hátindi frægðar sinnar.
Mótspyrnan heima fyrir er nú að mestu úr sögunni.
Forsetinn er alls staðar viðurkenndur sem fulltrúi
Bandaríkjanna og stjórnmálahugsjóna þeirra. Hon-
um hafa verið fengin meiri völd i hendur en dæmi
eru til áður. Hann hefur öflugan herstyrk til þess að
styðjast við, og auk þess fjármagn og vöruframleiðslu
Bandaríkjanna að bakhjarli.
Roosevelt stendur nú sem hinn voldugi fulltrúi
lýðræðisþjóðanna gegn einræðisþjóðunum. Fram-
tíðin verður að skera úr því, hve sigursæll hann
verður í þeirri baráttu.
Hallgrímur Hallgrímsson.
(44)