Bræðrabandið - 01.04.1984, Page 12

fullnægt eru veitt leyfi til ótakmark-
aðrar áfengissölu og þannig unnið að
vaxandi neyslu og aukinni misnotkun
áfengis.
Samkvæmt 30. grein áfengislaganna
eiga áfengisvarnanefndir að "vera
ráðgefandi um öll bindindis- og áfengis-
mál fyrir sveitarstjórnir, lögreglu-
stjóra, áfengisvarnaráð, ríkisstjórn og
aðra þá aðila, sem komið geta til greina
í því sambandi." Mjög hefur verið
gengið framhjá nefndunum í þessu efni og
er nauðsynlegt að það breytist og þær
verði virkar í stjórnun áfengismála svo
sem lögin bjóða.
Að öllu þessu athuguðu skorar
fundurinn á heilbrigðismálaráðherra og
dómsmálaráðherra að þeir hlutist til um
að framkvæmd áfengislaganna verði breytt
þannig að hún stefni að tilgangi þeirra
en ekki frá honum.
Oafnframt beinir fundurinn þeirri
eindregnu áskorun til menntamálaráðherra
að hann hlutist til um að ríkisfjölmiðl-
arnir gangi fram fyrir skjöldu með
aukinni fræðslu fyrir almenning.
Á framangreindum forsendum skorar
fundurinn á viðkomandi yfirvöld og
forystumenn í félags- og menningarmálum,
ekki síst fjölmiðlafólk, að skera upp
herör gegn neyslu allra vímuefna og taka
þátt í að svipta dýrðarhjúpnum af öllum
vímuefnum.
II. Fulltrúafundur Landsambandsins gegn
áfengisbölinu, haldinn 26. janúar 1984,
beinir því til Alþingis að samþykkja
ekki fram komna þingsályktunartillögu um
almenna atkvæðagreiðslu um hvort leyfa
skuli sölu áfengs öls hér á landi. Skal
bent á eftirfarandi rök í því sambandi:
Almenningur hefur yfirleitt ekki
skilyrði til að kynna sér mál þetta af
eigin raun og yrði því að treysta túlkun
annarra um þau áhrif sem áfengt öl hefði
á áfengisneyslu þjóðarinnar. Ýmsir
erlendir og innlendir aðilar, sem telja
sig munu græða fé á innf lutningi,
framleiðslu eða sölu áfengs öls, myndu
við undirbúning slíkrar atkvæðagreiðslu
leggja fram lítt takmarkað fjármagn til
að koma þeirri skoðun inn hjá sem
flestum kjósendum að áfengisvandamálið
myndi ekki vaxa við tilkomu áfengs öls,
heldur minnka eða jafnvel hverfa.
Fyrirfram er ógerlegt að meta hversu
miklu félags- og heilsufarslegu tjóni
áfengt öl til viðbótar annarri áfengis-
neyslu myndi valda. Af reynslu annarra
þjóða má ætla að það yrði gífurlegt því
að það hefur alls staðar bæst við
heildarneysluna en ekki komið í stað
annars áfengis.
III. Fulltrúafundur Landssambandsins
gegn áfengisbölinu, haldinn 26. janúar
1984, samþykkir eftirfarandi:
Sé áfengisneyslan í þjóðfélaginu svo
skaðleg sem þeir menn staðhæfa sem vilja
takmörkun hennar er full þörf að draga
úr henni eins og neyslu annarra vímu-
efna. Sé félagslegur og heilsufarslegur
skaði af völdum áfengisneyslunnar hins
vegar smávægilegur eins og formælendur
hennar virðast telja ættu þeir síst að
vilja draga úr rannsóknum á áhrifum
hennar. Því skorar fundurinn á þá að
taka rösklega undir kröfuna um hlutlausa
alhliða rannsókn á áhrifum áfengisneyslu
í samfélaginu.
Reykjavík, 6. febrúar 1984.
REYKINGATOLLURINN MIKLI
1.000.000 DAUÐSFÖLL ÁRLEGA
Áætlað er að í Evrópu einni saman
deyi árlega yfir 500.000 manns af völdum
reykinga. Á sama tíma og af sömu ástæðu
falla meira en 350.000 í Bandaríkjunum.
Vægasta áætluð tala fyrir allan heiminn
er vel yfir 1.000.000 - ein milljón
dauðsföll á ári - allt dauðsföll, sem
hægt væri að komast hjá ef menn reyktu
ekki.
12