Freyr - 01.09.1946, Side 24

266
FRE YR
fyrir mánaðarmót ágúst-sept. Af heyjum er
fengurinn 1100—1200 hestburðir, kornupp-
skeran er áætluð um 140 tunnur, kartöflu-
uppskera 200—250 tunnur og svo ýmislegt
annað smávegis, sem er í tilraunum, svo
sem grasfræ, grænfóður og fleira.
Með fáum orðum sagt: Uppskeran á
Sámsstöðum stendur ekki í þetta sinn að
baki því, sem gerizt í öðrum löndum á
lanjgtum suðrænna breid'darstigi. Þetta
getur lánazt hér á landi, en auðvitað því
aðeins að búskapurinn sé stundaður með
atorku, og að byggt sé á bæði þekkingu og
reynslu. Ég hygg að ekki sé ofmælt þó að
sagt sé, að hér fari allir þessir eiginleikar
saman hjá þeim, sem standa fyrir búsfor-
ráðum. Slíka menn þurfum við marga hér
á landi.
„Fögr er Hlíðin“, mælti Gunnar, þegar
hann leit til baka á leiðinni í útlegðina.
,Heim vil ek aftr snúa“. Það var fegurð
Fljótshlíðarinnar og ást Gunnars á land-
inu, sem töfraði og togaði í hann, svo að
hann vildi heldur heima vera en fara,
hvað sem annars koma vildi.
Það er sól og sumar, þegar ég ek um
Fljótshlíðina í þetta sinn og ég skil vel,
Klemenz og Ingólfur Þorsteinsson slá því föstu,
aö uppskerutími hafranna sé í vcendum.
að fegurð hlíðarinnar hlýtur að töfra þá
sem þar eru upp aldir.
Sólin baðar akra og engi og skín á reisu-
legar, mjallhvítar byggingar, þegar ég ek
heim að Sámsstöðum.
Heima við íbúðarhúsið vex gróður sá,
sem prýða þarf hvert íslenzkt sveitaheim-
ili. Trén eru ekki gömul en þau eru þrótt-
mikil og í örum vexti og runnarnir gefa
fullþroskuð ber á þessu sumri.
Innan dyra yrkir húsmóðirin jörðina í
jurtapottum og upp úr þeim vaxa fjöl-
breyttar tegundir gróanda, sem teygir
stöngla og blöð móti birtunni og til lofts.
En umhverfis bæinn breiðir landið sig
með líðandi halla niður að ánni, sem nú
er því nær þurr. „Þar sem að áður akrar
huldu völl, ólgandi Þverá veltur yfir
sanda“, kvað Jónas. í sumar hefir fyrir-
hleðsla fyrir Þverá verið fullgerð, til þess
að hindra frekara landbrot, af hennar
völdum, en orðið er í Fljótshlíðinni. Fyrir
landareigninni eru því árfarvegir og sand-
ar, sem vonandi gróa upp innan skamms.
Þá verður landnámsmanninum á Sáms-
stöðum fengið nýtt verkefni til meðferð-
ar, að nema það land og hagnýta á við-
eigandi hátt.
í dag eru það hinir fyrrnefndu 40 ha.,
sem eru til nytja, en þeir skiptast þannig,
að 30 ha. eru graslendi, í 4 ha. var sáð
byggi og í 3 ha. höfrum, á þessu sumri. Þá
er 1 y3 ha. kartöfluakrar, en frærækt og
tilraunir þekja um 2 ha. lands.
Á Sámsstöðum er ekki aðeins rekinn
venjulegur íslenzkur búskapur, heldur er
þar og stunduð tilraunastarfsemi. Þeim,
sem þekkir nokkuð til þess, hve vinnu-
frek tilraunastarfsemi er, er það torskilin
gáta, hvernig Klemenz annar öllum þeim
fjölþættu störfum, sem þar er að leysa,
svo liðfár sem hann er.
Hér er sem sé skortur á vinnuafli eins
\