Freyr - 01.03.1958, Blaðsíða 14

FREYR
erfiða. Of lágur vinnsluhiti orsakar m. a. mikið slit í strokkum, mikla elds-
neytiseyðslu ásamt blöndun eldsneytis í smurolíuna að þarflausu, sam-
tímis því sem vinnsla vélarinnar verður minni en ella. Hafið auga með
hitamælinum og notið kælisskýlu, svo að réttur vélarhiti fáist.
Athugið kælivatnið áður en sett er í gang.
Yfirborð vatnsins í kælikerfinu má ekki lækka svo mikið, að dælan geti
ekki dælt vatninu í hring í kerfinu. Þegar vatnsmagnið minnkar, gufar
það vatn, sem eftir er, upp sífellt örar og örar, vegna þess að hitamagnið,
sem það flytur burtu, er nær því jafn mikið allan tímann. Þess vegna
kemur hætta á ofhitun hreyfils fyrr til sögunnar en menn skyldu ætla.
Athugið vatnið og gætið þess, að kælikerfið sé ávallt vel fyllt með hreinu
vatni.
ATH.! Takið aldrei lokið af kælinum, þegar sýður á vélinni. Það er
mikil hætta á að menn brenni sig.
Hellið aldrei köldu vatni á ofhitaðan hreyfil, því að þá getur vélarblokk-
in sprungið.
Gætið þess, að vatnsdælan leki ekki.
Vatnsdælur á dráttarvélahreyflum eru margvíslegar að gerð og smíði.
Á sumum dælum eru skiptanleg þétti í þéttihylki. Með því að herða að
rónni á þéttihylkinu má herða að þéttinu. Róin á þéttihylkinu á að vera
skrúfuð það þétt, að ekki leki, en ekki þó svo fast, að þéttið brotni. Ef
dælan lekur, þrátt fyrir vel herta ró, verður að skipta um þétti.
Smyrjið vatnsdæluna á þann hátt, sem mælt er fyrir í notkunarreglun-
um. Sé dælan smíðuð þannig, að kælivatnið komist í snertingu við smurn-
inguna, er notuð sérstök vatnsdælufeiti.
Athugið vatnshosur og festingar þeirra einu sinni í mánuði.
Gætið þess, að slöngur séu heilar og slönguklemmurnar vel þéttar.
Skiptið um gallaðar slöngur. Herðið vel að slönguklemmunum. Leki á
vatnsdælu og vatnshosum eru venjulegustu orsakir þess, að kælivatnið
minnkar.
Mikilvægt er, að kveikiukerfið sé í góðu lagi.
f blöndungs- og s. n. Hesselman-hreyflum kveikir rafneisti frá kerti í
eldsneytisblöndunni í strokknum. Til þess að bruninn fari fram á réttum
tíma og neistinn séu nógu öflugur til þess að kveikja í eldsneytisblönd-
unni, verður rafkerfið að vera í góðu lagi. Galli í kveikjukerfinu veldur
óhjákvæmilega annað hvort orkutapi í hreyflinum eða stöðvun hans. f
fyrra tilfellinu verður eldsneytiseyðslan auk þess óeðlilega mikil og erfitt
að ræsa hreyfilinn.