Freyr - 01.03.1958, Blaðsíða 22

106
FREYR
Sýningar og ráðstefnur 1958.
Enska landbúnaðarsýningin, The Rnyal Show, verður
haldin 1.—4. júlí í Bristol, en sú borg liggur um 150 km
vestan við London.
Alþjóðlega búvélasýningin, Salon International de la
Machine Agricole, verður í Strassbourg 29. marz—3. apríl.
Sýningarstjórnin hefur aðsetur í París.
Norrœna skógræktarþingið er haldið fjórða hvert ár,
og að þessu sinni í Svfþjóð 25.—30. ágúst. Búizt er við
um 1000 þátttakendum, og geta þeir valið á milli 23
námsferða í ýmsum héruðum Svíþjóðar. Þ. 29. ágúst
verður sameiginlegur fundur í hljómleikahöll Stokkhólms
og um kvöldið samkvæmi í ráðhúsi borgarinnar.
Vélastöðvar verða e.t.v. lagðar niður
í Sovétríkjunum.
Vera kann, að fyrir dj'rum standi stórfelldar breyting-
ar í sveitum Ráðstjórnarríkjunum- Stungið hefur verið
upp á því, að véla- og dráttarvélastöðvarnar verði smám
saman Iagðar niður.
Þessar stöðvar hafa verið burðarás rússnesks land-
búnaðar um árabil. Sá, sem bar fram uppástunguna, var
rússneski stjórnmálafc-ringinn Nikita S. Krúsév. I ræðu,
er hann hélt nýlega, sagði hann að vélastöðvum ríkisins
bæri að selja samyrkjubúunum véla- og verkfærakost
sinn. Hann Iét svo um mælt, að framvegis ætti að reka
stöðvarnar eingöngu sem viðgerðastöðvar fyrir búvélar
og skyidu þær einnig hafa með höndum sölu á vélum og
varahlutum.
Vélastöðvarnar hafa lagt til nálega allar dráttarvélar,
sláttu-þreskivélar, jarðyrkjuverkfæri og önnur verkfæri,
sem notuð hafa verið á samyrkjubúunum í Sovétríkjun-
um. Þar að auki hafa þær haft mikið gildi sem pólitískt
aðhald í sveitum Sovétríkjanna.
Krúsév gat þess í ræðu sinni, að notagildi vélastöðv-
anna væri úr sögunni, og kvað rekstur þeirra hafa í för
með sér tvíverknað og sóun á fjármunum. Hann sagði,
að stöðvanna hefði verið mikil þörf á þeim dögum, þegar
sovézku samyrkjubúin hefðu verið tiltölulega smá. Nú,
sagði hann, eru samyrkjubúin stærri, sum allt að því
18000 ha. Enn kemur það til. mælti Krúsév, að ekki er
lengur þörf á því að nota vélastöðvarnar sem áróðurs-
vopn til þess að hvetja til stórbúskapar, því nú þvrfti
engan mann að sannfæra um gildi stórbúskapar með
vélanotkun.
Aðalfundar Stéttarsambands bœnda
getið í IFAP-News.
IFAP-NEWS nefnist blað, sain Alþjóðasamband bú-
vö'-uframleiðenda (IFAP) gefur út; flytur það fréttir af
búnaðarmálum frá aðildarríkjum.
Aðalgrein janúarblaðs IFAP-News 1958 fjallar um að-
alfund Stéttarsambands bænda, sem haldinn var s.l.
haust ! Hlégarði í Mosfellssveit. I greininni er getið
helztu mála, sem rædd vcru á fundinum, sagt frá verð-
Iagsgrundvelli búsafurða og getið bústofnsaukningar
bænda og vaxandi búvöruframleiðslu. Á forsíðu birtir
blaðið mynd af forsetahjónunum íslenzku, ásamt for-
mönnum Stétfarsambands bænda og Búnaðarfélags Is-
lands.
Mjólk rneð koniaksbragði.
I Frakklandi er nú hægt að kaupa mjólk með koníaks-
bragði. Lesendur hugsa nú e.t-v. með sér, að hér sé á
ferð ný uppfinning af cocktai! eða mjólkurhristingi (milk-
shake) — en svo er ekki. Fyrirtækið, sem selur þessa
vöru, hefur það markmið að kenna með þessu móti
Franseisum að drekka meiri mjólk. Smjör og ost kunna
þeir vel að meta, en forðast hinn holla, hvíta drykk.
Konlaksbragðið á nú að lokka menn til að taka upp
heilbrigðari sið.
Útgefendur: Búnaðarfélag íslands og Stéttarsamband bænda. - Útgáfunefnd: Einar
Ólafsson, Pdlmi Einarsson, Steingr. Steinþórsson. - Ritstjóri: Gisli Kristjdnsson. -
Ritstjórn, afgreiðsla og innh.: Lækjarg. 14 B, Reykjavík. Pósth. 390. Sími 19200.
BÚ NAÐARBLAÐ Áskriftarverð FREYS er krónur 75.00 árgangurinn. — Prentsmiðjan Edda h.f.