Freyr - 01.09.1969, Qupperneq 39

Niðurstaðan af þessum tilraunum sýndi,
að kýrnar í þeim flokkum sem fengu hey-
fóður eftir vild gáfu meiri mjólk og hærri
mjólkurfitu en kýrnar í kjarnfóðurflokkn-
um.
Nam sá munur að meðaltali öll árin 0,69
kg af mjólk og 0,14% af fitu eða 1,17 kg af
4% feitri mjólk, fyrir hverja kú á dag og
var sá munur stærðfræðilega raunhæfur.
Þessar niðurstöður styðja að fullu þá
skoðun, sem oft hefur verið bent á, að hér
sé hagkvæmast að fóðra mjólkurkýr með
eins miklu heyfóðri og unnt er, bæði þurr-
heyi og votheyi. Þeim mun betra sem hey-
fóðrið er, snemmslegið, súgþurrkað og vel
verkað, því stærri hlutdeild getur það átt
í heildarfóðri kúnna og kjarnfóðrið að
sama skapi minni.
Auk þess, sem hér hefur komið fram, er
heyfóðrið ávallt til muna ódýrara en að-
keypt kjarnfóður.
Síldarmjöl
Þá var og skýrt frá síldarmjölsgjöf handa
lömbum. Tilgangurinn með þessari tilraun
var að upplýsa hvort lömb þrifust — þeirra
fyrsta vetur — betur á kjarnfóðurblöndu
með 15% síldarmjöli til samanburðar við
kjarnfóðurblöndu með 25% af sojamjöli.
Báðar blöndurnar voru jafn eggjahvíturík-
ar, aðeins sá munur á þeim, að í annarri var
eggjahvítan að mestu úr dýraríkinu, síldar-
mjöli, en hin fóðurblandan hafði eingöngu
eggjahvítu úr jurtaríkinu. Fóðureggjahvít-
an úr dýraríkinu eins og fiskmjöli, kjöt-
mjöli og blóðmjöli, svo nokkuð sé nefnt, er
yfirleitt betri og eftirsóttari til fóðurs og
dýrari á heimsmarkaðinum en fóðureggja-
hvítan úr jurtaríkinu eins og olíukökum,
sojamjöli, baunum og mörgum fleiri eggja-
hvíturíkum jurtafræjum.
Þessi fóðrunartilraun stóð yfir í 4 ár og
tilraunaflokkarnir voru tveir.
Lömbin fengu að jafnaði 200 gr af kjarn-
fóðurblöndu á dag hvert lamb. Annað fóður
fengu tilraunaflokkarnir að jöfnu hvert ár,
bæði hvað snerti magn og gæði. Öll árin
þrifust lömbin, sem fengu síldarmjölsfóð-
urblönduna, betur en lömbin í hinum flokk-
unum. Einnig skiluðu þau, sem fengu síld-
armjölið, meiri og betri ull en lömbin í
samanburðarflokknum.
Frá því farið var að nota kjarnfóður að
nokkru ráði hér á landi hefur síldarmjöl
og annað fiskimjöl ávallt verið notað sem
aðaleggjahvítufóðrið og er það vel, því
ákjósanlegra eggjahvítufóður er ekki hægt
að fá. Þegar nú er farið að flytja inn ó-
malaðan og góðan maís í fóðurblöndur með
fiskmjöli þá gefur það auga ,leið, að auð-
velt er að framleiða hér — eins og líka er
gert — úrvalsgóðar fóðurblöndur og gæða-
meiri fóðurblöndur en nú eru fluttar er-
lendis frá, sem undantekningarlítið inni-
halda eintóma eggjahvítu úr jurtaríkinu.
Grænfóður
Þá var rætt um tilraunir með grænfóður-
ræktun og samanburð á því að beita mjólk-
urkúm á það annarsvegar og hinsvegar að
hirða grænfóðrið og fóðra kýrnar á því í
fjósinu.
Tilraunaniðurstöðurnar sýndu, að nýt-
ingin á grænfóðrinu var að sjálfsögðu mik-
ið meiri þegar það var fært til þeirra í fjós-
ið. Þá tróðst ekkert af því niður í svaðið,
einnig að það sparaði 20—40% af beitiland-
inu þegar kúnum var ekki beitt. Hinsvegar
er mikil vinna við að hirða og flytja græn-
fóðrið daglega í fjósið til kúnna. Er sú
vinna nokkuð komin undir því hvernig f jós-
in eru byggð og hve mikill tæknibúnaður
er fyrir hendi við hirðinguna.
í mörgum löndum, þar sem landrými er
lítið, eru mjólkurkýr fóðraðar ekki aðeins
á veturna í fjósunum heldur einnig á sumr-
in til að fá sem mest fóður af landinu.
í gangi er sama tilraun með mjólkurkýr
á Fagerholm í Danmörku.
Fjölmargt annað er til frásagnar af þess-
um fundi, en hér lýk ég máli mínu að þessu
sinni.
F R E Y R
353