Freyr - 01.08.1973, Qupperneq 13

Gömul verzlunarhús í Vestur-Grænlandi (Julianenab).
Landsráðsaðiljar grænlenzkir ferðuðust hér um
landið fyrir 8 árum og skoðuðu ísienzka háttu, sem
ef til vill gætu orðið fyrirmyndir í grænlenzku
starfi.
í maí í ár komu 7 Grænlendingar og dvöldu
um viku tíma hér, það var bæjarstjórnin í Ang-
magssalik ásamt túlk þeirra.
Angmassalik er aðeins 30 km frá Kulusuk, en
fjölfarið er héðan flugleiðis á sumrin, í dagsferðir
til Kulusuk, en örfáir hafa heimsótt Angmassalik
því að sjóferð þangað og þaðan aftur á flugstað
er tímafrek.
f Angmassalik eru um 800 íbúar, en í amtinu
öllu nálægt 2500 manns. f Angmassalik er enginn
búskapur en aðalatvinnan er veiðiskapur. Ný við-
horf er fyrirhugað að móta þar í atvinnuháttum,
m. a. f jölbreyttari vinnsla fisksins sem markaðs-
vöru en nú gerist. Sitthvað fleira atvinnulegs og
menningarlegs viðhorfs væri ef til vili unnt að
skapa þar og þróa á líkan hátt og hér hefur gerzt.
Vonandi eigum við eftir að efla samskipti við
þessa grannþjóð okkar, sem búin er ríkum kostum
og göfugu manneðli, með sterka hneigð á sviði
lista og menningarmála. G.
Umhverfis
Grænland
er laxinn
auðlind
hafsins.
F R E Y R
371