Símablaðið - 01.12.1983, Síða 19

ator), sem notaður er við að ,,gata“ veður-
t'rettir og fréttaskeyti frá Veðurstofu og
Fréttastofu Útvarps. Eru þau síðan send
áfram til skipa með hjálp tækis, sem les
gatastrimilinn og þarf því ekki að senda
þessar fréttir út handvirkt. Mun þessi
Magnús Guttormsson, Bílaradió.
strimlagatari vera frá því í stríðslok, líkt og
ritvélin góða.
Magnús Guttormsson er við Landfar-
stöðvaþjónustuna, öðru nafni Bílaradióið,
sem hefur kallmerkið Gufunesradió. Hann
sagði mér að mikið væri að gera yfir sumar-
tímann, sérstaklega um helgar. Þá er einnig
komin ný þjónusta til sögunnar, en það er af-
greiðsla við áhafnir íslenskra flugvéla í leigu-
flugi erlendis. Tala þær hingað heim frá
Afríku, Saudi Arabíu, Libyu og fleiri stöð-
um.
Á ganginum fyrir framan Bílaradíóið
hangir forláta klukka á vegg. Mun hún hafa
verið smíðuð hjá Magnúsi Benjamínssyni, úr-
smið fyrir fjölda mörgum árum. Var hún í
Loftskeytastöðinni á Melunum og gekk þar
eins og klukka, þannig að ekki munaði nema
sekúndubroti á ári. Var hún sett eftir tíma-
merki frá London og klukkur landsmanna
stilltar eftir henni. Þegar nýja stöðin í Gufu-
nesi var sett á stofn, var klukkan flutt þang-
að. Gekk hún þar í tvær klst. og síðan ekki
söguna meir.
Eftir þessa ánægjulegu heimsókn hjá TFA,
leit ég við hjá Radíóflugþjónustunni, sem
flutti þangað um áramótin 1945—1946 og
staðsett er í hinum enda hússins og var þar
einnig mikið að gera.
Varðstjóri þennan dag var Árni Egilsson,
tæknifulltrúi. Hann sat þarna við stórt borð
umkringdur tölvum og prenturum. Árni
Gamli strimlagatarinn.
sagði að varðstjórar hefðu mun fleiru að
sinna, eftir að tölvuvætt var og væri oft þreyt-
andi að vinna við þær.
Loftskeytamennirnir sem starfa við Radíó-
flugþjónustuna skiptast í fimm hópa og eru
fimm til sjö manns á vakt í einu með varð-
stjóra. Flugþjónustan er tengiliður milli flug-
véla og flugstjórnarmiðstöðva.
Þetta er öryggisþjónusta og mjög strangt
eftirlit með öllu. Öll afgreiðsla við flugvélar
er tekin upp á segulbönd sem eru geymd,
þannig að alltaf er hægt að ganga að þeim ef
eitthvað kemur upp á. Viðskipti við flug-
stjórnarmiðstöð eru einnig tekin upp á segul-
band. Ef eitthvað fer úrskeiðis er því til dag-
bók, sem ekki er hægt að véfengja.
Starfið þarf að ganga mjög hratt og krefst
mikillar árvekni og nákvæmni. Þetta er þreyt-
andi starf, að mestu fólgið í því að hlusta og
tala.
Ég leit inn til strákanna, sem sátu önnum
kafnir í klefum sínum og reyndi að nema hvað
heyrðist í tækjunum, en gat ekki greint orða-
skil. En strákarnir fóru létt með það.
Það var gaman að heimsækja Fjarskipta-
stöðina í Gufunesi, og það var auðséð að allir
sem einn unnu störf sín af alúð og samvisku-
semi og gerðu sér fulla grein fyrir hinni miklu
ábyrgð sem á þeim hvílir.
Kristjana H. Guðmundsdóttir.
SÍMABLAÐIÐ 93