Símablaðið - 01.12.1983, Page 35

Hvernig var kennslunni háttað?
Kennsla hófst kl. 9 fyrir hádegi og stóð til
kl. 16:30 eftir hádegi, með Wi klst. matar-
hléi. Kennslan fór fram á þann hátt, að einn
kennari sá um kennslu af segulböndum, til að
auka skilning okkar á töluðu máli. Annar
kenndi okkur málfræði og sá þriðji æfði okk-
ur í að tjá okkur á ensku.
Þessi skóli er eingöngu fyrir útlendinga og
voru þarna nemendur frá öllum heimsálfum.
Ég var eini Islendingurinn í skólanum og hitti
engan landa allan tímann, en ég eignaðist
marga kunningja, þótt allir nemendurnir
væru yngri en ég.
Við fórum saman í leikhús undir leiðsögn
kennara og einnig skruppum við einn dag yfir
til Boulogne í Frakklandi.
Auk þess ferðaðist ég ein um helgar með
áætlunarbílum um nærliggjandi héruð, en
þarna er umhverfi mjög fagurt og margt að
sjá.
Finnst þér þú hafa haft mikið gagn af þessu
námskeiði?
Já, mjög svo. En þó álít ég þetta vera held-
ur stuttan tima og hefði ég gjarnan viljað vera
lengur, til þess að ná betri tökum á málinu. En
þar sem ég notaði sumarfríið mitt til þessa
náms, þá átti ég ekki gott með að vera lengur,
þótt skólinn sé skipulagður þannig, að fólk
geti ráðið lengd námstimans.
Fékkstu styrk til fararinnar?
Ég fékk styrk úr Starfsmenntunarsjóði
BSRB og einnig úr Menningar- og kynningar-
sjóði FÍS, en að öðru leyti var ég á eigin veg-
um.
Þetta var mjög ánægjulegur tími og sé ég
ekki eftir að hafa eytt sumarleyfinu á þennan
máta.
Kristjana H. Guðmundsdóttir
Myndir: Ásgeir Valur Snorrason
Frá AXE-
stöðinni
F
1
Múla
F.v.: Kent Ekman, sænskur
ráðgjafi, Kristinn Kristinsson,
tæknifulltrúi, Sigmar Jóhann-
esson, símv.flokksstjóri, Sævar
Guðjónsson, símv.flokksstjóri
og Óli Viðar Thorstensen,
símv.verkstjóri.
í stjórnherbergi í nýju AXE-stöðinni í Múla.
Mvnd: Ásgeir Valur Snorrason.
SÍMABLAÐIÐ 109