Símablaðið - 01.12.1983, Síða 41

anlegum viðskiptamönnum sem eru að leita
fyrir sér. Einnig getur maður sem vinnur einn
haft þessa tengingu við heimasímann sinn þar
sem einhver úr fjölskyldunni tekur við skila-
boðum.
TENGING VIÐ ANNAN SÍMA
ÞEGAR EKKI ER SVARAÐ
Þessi þjónusta er skyld þeirri síðasttöldu og
kemur að notum við svipaðar aðstæður. Til
viðbótar ofangreindu má telja sjálfvirkan
langlínulás, stillingu sem takmarkar lengd
símtala og kóða sem endurtekur síðasta núm-
er sem valið var.
ÁHRIF ÖRTÖLVUNNAR?
Upptalningin hér að framan gefur ein-
hverja hugmynd um þær framfarir sem að
undanförnu hafa átt sér stað á sviði síma-
tækninnar en þær hafa einmitt byggst á hinni
öru þróun örtölvutækninnar. En hver verða
áhrif örtölvunnar á störf símvirkja?
Fyrir aðeins 2—3 árum varð hér á landi all-
mikil umræða um tölvur og áhrif þeirra á at-
vinnulífið, bæði á Alþingi, í fjölmiðlum og
hjá verkalýðssamtökum. Margir voru svart-
sýnir og sögðu að tölvan myndi skapa at-
vinnuleysi. Núna hefur örtölvan rutt sér svo
víða til rúms og er orðinn svo sjálfsagður
hlutur í fyrirtækjum og stofnunum að öll slík
umræða hefur dofnað.
í síðasta tbl. Póst og símafrétta er þess get-
ið að á síðustu 5 árum hafi starfsfólki Póst- og
símamálastofnunarinnar fækkað um 4.2%
meðan þjóðinni hafi á sama tíma fjölgað um
5.8%. Osennilegt er að tölvutæknin hafi
orsakað þessa fækkun á svo skömmum tima
þó að út um alla stofnunina megi líta tölvu-
skjái og lyklaborð. Að sjálfsögðu hefur aukin
sjálfvirkni í símakerfinu og önnur hagræðing
komið þar við sögu. Hins vegar er ljóst að
þessi nýja tækni mun breyta mörgum störfum
og menntuninni sem til þeirra þarf og hugsan-
lega fækka fólki í einhverjum starfsgreinum
þegar fram líða stundir.
Ef við lítum á störf símvirkja, sjáum við að
þeir þurfa á stöðugri endurmenntun að halda.
Ný tækni krefst nýrrar þekkingar og á sviði
fjarskipta koma fram nýjungar með stuttu
millibili.
Áður en nýja AXE stöðin var sett upp fóru
sex símvirkjar til Svíþjóðar til þess að kynna
sér hina nýju tækni sem hún byggist á. Þeir
Kristinn Kristinsson, tæknifulltrúi, Óli Viðar
Thorsteinsen, símvirkjaverkstjóri, Sigmar
Jóhannesson, símvirkjaflokksstjóri og Sævar
Guðjónsson, símvirkjaflokksstjóri voru 18
vikur við nám hjá Ericsson-verksmiðjunum
og eru þeir nú að vinna við lokastig uppsetn-
ingarinnar í Múla. Þeir Gunnlaugur Helga-
son, símvirkjameistari og Halldór Heiðar
Agnarsson, svæðisumsjónarmaður í Kefla-
vík, sem dvalið hafa eitthvað skemur í Sví-
þjóð, vinna nú við uppsetningu AXE stöðvar-
innar í Keflavík.
Allstór hópur tæknimanna stofnunarinnar
hefur á hennar vegum farið á örtölvunám-
skeið og veitir ekki af þegar fjarskiptabúnað-
ur byggist æ meir á þessari nýju tækni. En
betur má ef duga skal til að halda í við hina
öru tækniþróun. Stofnunin verður að hafa
vakandi auga á menntunarþörf starfsmanna
sinna og jafnframt að skapa þeim góða
vinnuaðstöðu.
Auk þeirra yfirburða sem AXE stöðin
hefur yfir eldri stöðvar, hefur hún þann kost
að þurfa miklu minna rými. Gamla stöðin í
Múla hefur 16000 simanúmer og fyllir hún
tvo stóra sali. AXE- stöð með sama númera-
fjölda þyrfti ekki nema annan salinn hálfan
svo að kannnske á stofnunin eftir að vinna til
baka dýrmætt húsrými þegar fram líða stund-
ir sem nota mætti að hluta til að skapa starfs-
fólki rýmri og betri starfsaðstöðu.
Ekki þurfa símvirkjar að óttast að tölvu-
tæknin skapi atvinnuleysi í þeirra röðum. Hið
gagnstæða er einmitt líklegra þvi að næg
verkefni bíða þeirra um langa framtíð enda
auglýsti stofnunin eftir nemum í símvirkjum
á árinu og í haust hófu 27 nám í Póst- og síma-
skólanum.
Nóvember 1983,
Andrés Sveinsson
SÍMABLAÐIÐ 115