Litli Bergþór - 01.12.1990, Blaðsíða 10

Minning
Guðmundur Ingimarsson
Nú fer að fækka þeim sem fæddir eru fyrir og um
aldamótin. Einnþeirra, Guðmundurlngimarsson,
oftastkallaðurfráEfri-ReykjumíBiskupstungum,
kvaddi þennan heim eftir níutíu ár og þrem dögum
betur. Eg hygg að hann hafi verið orðinn hvíldinni
feginn, enda þrekið búið. Guðmundur var
heiðursfélagi í Ungmennafélagi Biskupstungna.
Því finnst mér rétt að minnast hans í Litla-
Bergþóri, blaði Ungmennafélagsins. Hann gætti
sjóðs félagsins í nokkur ár og einnig var hann
bókavörður í bókasafni félagsins í Aratungu.
Þegar Guðmundur var gjaldkeri U.M.F.Bisk. í
kringum 1920 var krónan þess virði að þörf var á
góðri gæslu hennar, sem ég efast ekki um að hafi
verið í góðum höndum hans.
Leiðir okkar Guðmundar, eða Munda eins og
hann var oftast kallaður, lágu fyrst saman 1955 er
hann flyst að Torfastöðum til Ketils Kristjánssonar
og Ingibjargar Einarsdóttur systurdóttur sinnar.
Hann fékk að hafa kindur hjá mér og þar með
hófust okkar kynni. Mundi var góður fjármaður
og hafði yndi af kindum. Mundi bjó víða en stutt
á hverjum stað. Hann bjó í Hólum, erfiðri jörð,
einnig í Mjóadal fyrir norðan. Einnig bjó hann á
Efri-Reykjum og ráðsmaður var hann á fjárbúi
Sauðs sf. á Þóroddsstöðum í Grímsnesi. Áður
hafði Mundi verið fjármaður á fjárræktarbúinu
að Hesti í Borgarfirði. Hann starfaði einnig að
garðyrkjustörfumáSyðri-ReykjumogáEspiflöt.
Hin síðari ár vann hann byggingavinnu á
Laugarvatni, meðan þrek leyfði. Síðan áttiMundi
heimili hér allmörg ár og átti jafnan kindur.
Mundi var vel greindur og hafði fengið menntun
í Flensborgarskóla, sem þótti góð skólaganga á
hans uppvaxtarárum. Hann var vel ritfær og
hafði góðarithönd. Hann vann aðbyggðalýsingu
Suðurlands ásamt fleirum. Hann átti margt
góðra bóka og las jafnan mikið.
Mundi var eins og einn af heimilisfólki hér á bæ
í mörg ár. Ég held að þar hafi ekki borið skugga
á. Ég á Munda margt að þakka, því hann var
góður á heimili, snyrtimenni og skemmtilegur.
Þá hygg ég að bömum mínum hafi þótt vænt um
hann og hafi það verið gagnkvæmt.
Ég votta aðstandendum hans samúð. Þökkfyrir
samfylgdina.
Sigurjón Kristinsson,
Vegatungu.
NÝLA6NIR
TEIKNINGAR
VIÐHALD
Jens Pétur Jóhannsson
LÖGGILTUR RAFVERKTAKI
LAUGARÁSI BISKUPSTUNGUM
V.SÍMI: 98-68984
H.SÍMI: 98-68845
Litli - Bergþór 10