Litli Bergþór - 01.12.1990, Blaðsíða 11
Eins og mér sýnist.
Þegar ég fyrst kom í þessa sveit langaði mig að
kynnast félagslífinu og ganga í eitthvert eða
einhver félög.
Ég fór að grennslast fyrir um hvað hér væri á
boðstólum og spurði ráða hér og þar. Það sem mér
var helst bent á að forðast, var Kvenfélagið, því
með inngöngu í það myndi ég glata öllu mínu
frjálsræði þegar eitthvað væri um að vera í
sveitinni. Eftir því sem mér skildist yrði ég nánast
þræll Kvenfélagsins.
Mínar heimildamanneskjur sem ekki voru í
Kvenfélaginu létu sko ekki plata sig í eitthvert
“bakarafélag”.
Eftir 2 ár í sveitinni var ég orðin nokkuð forvitin
um hvað héldi konum í Kvenfélaginu fyrst þetta
væri svona mikill þrældómur og ákvað að prófa,
sérstaklega vitandi það, að fyrsta árið væri maður
bara áhorfandi að puðinu, einskonar
aðlögunartími, sem mér fannst mjög gott.
Nú þremur góðum Kvenfélagsárum síðar, skil ég
ekki af hverju ég byrjaði ekki fyrr.
BAKSTUR! Nei hann hefur sko ekki plagað
mig. Ég held svei mér þá að skólinn hafi oftar á
þessum tíma þurft á mínum “baksturshæfileikum”
að halda en Kvenfélagið.
Nefndarstarfið er skemmtilegt og fjölbreytt og
gefur einstaklingnum rúm til að njóta sín með
nýjar hugmyndir.
Margt má gera betur í Kvenfélaginu og konurnar
verða líka að vera virkar til að starfið geti verið
skemmtilegt. Það er líka þessi neikvæða mynd af
Kvenfélaginu sem búið er að mála á veggi sveitar-
innar, sem skemmir fyrir starfinu og er það miður.
Kvenfélög hafa áorkað miklu í tímanna rás, en nú
eru breyttir tímar, breyttir siðir og venjur. Það
þarf ekki að þýða að Kvenfélögin eigi ekki rétt á
sér, það þarf bara að gæða þau auknu lífi og það
kemur með nýju blóði.
Því segi ég þetta, kona góð, þú skiptir máli í okkar
starfi, komdu og kynnstu starfmu af eigin raun.
Með kveðju.
Guðrún, Daltúni.
HJÚPUR HF.
HJÚPUR HF.
Flúðum 801 Selfoss
Sinú 98-66780
Söluskrifstofa Bolholti 4
105 Reykjavík
Sími 91-680425
Einangruð hitaveiturör úr stáli
Einangrun fyrir plasthitaveitur
Leggjum plasthitaveitur
Ráðgjöf við hönnun hitaveitna
Litli - Bergþör 11