Litli Bergþór - 01.06.1991, Blaðsíða 22

Umhverfis jörðina... (5. þáttur)
"Lítil" ferðasaga í nokkrum þáttum,
eftir Geirþrúði Sighvatsdóttur á Miðhúsum.
Singapore - Malaysía - Súmatra.
Jœja góðir hálsar. í síðasta pistli var ég víst á leiðinnifrá Sri Lanka
til Singapore , og það var maí 1982.
SINGAPORE.
Flugið með Air Lanka til Singapore var lúxus,
og gaf forsmekkinn af því sem koma skyldi.
Singapore er með hreinustu og best skipulögðu
borgum. Skýjakljúfar, breiðstræti og trjálundir.
Fólkið, sem aðallega er kínverjar, er eins og klippt
útúr nýjasta tískublaði, hreint, slétt og fellt og
straufrítt. - Dömurnar málaðar og snyrtar,
mennirnir með slifsið og buxnabrotin í lagi. - Við
pössuðum ekki alveg inn í myndina þarna,
ómálaðar í krumpuðu bómullarfötunum okkar.
Til að halda borginni ómengaðri, eru lög, sem
banna að rusli sé hent á götuna, og þeir sem verða
uppvísir að því að henda t.d. sígarettustubb frá sér,
fá háar fjársektir. Eins er bannað að flauta, þannig
að umferðin gengur hljóðlaust og skipulega fyrir
sig. Aróður gegn hávaðamengun er allsstaðar,
við sáum m.a. ansi góða skyrtuboli með
áletruninni: "Varist hávaðamengun, notið
fingramál". Og undir var mynd af fingramálinu.
Við stoppuðum stutt í Singapore í þetta sinn,
ekki nema 4 daga. Og eftir að hafa komið
bakpokum okkar fyrir hjá enskum hjónum, sem
Gauja kannaðist við, skruppum við til Malaysíu
og Sumatra. - Sá skreppitúr tók reyndar þrjá og
hálfan mánuð,-
MALAYSÍA.
Við ferðuðumst fyrst frá Singapore norður eftir
austurströnd Malaysíu, til lítils bæjar, sem heitir
Beserah. Þarfórumviðm.a.ífiskitúreinndaginn,
með þeim innfæddu. Lögðum af stað um 6 leitið
um morguninn á báti á stærð við meðal trillu.
Litli - Bergþór 22
Klukkutíma stím var á miðin, sem voru hinumegin
flóans, alveg uppi í landsteinunum. Þarvar kastað
á 2 torfur af smáfiski (5-10 cm síli) með hringnót
og netið dregið inn með handafli, með aðstoð
hjálparbáts. Hálf frumstæð aðferð, en þó mun
tæknilegri en staura-fiskimennirnir á Sri Lanka,
sem dorga þessi sömu síli, en bara eitt og eitt í
einu.
Það tók þá eina 3-4 tíma að ná inn þessum
tveimur köstum, og afraksturinn, nokkrar körfur
af smáfiski, var síðan seldur á markaðinum í
næsta bæ. Ekki veit ég hvemig 12 manna áhöfn
og fjölskyldur þeirra fóru að því að lifa af þeim
112 malay síudollumm, sem þeir fengu fyrir fi skinn
(ca. 400 Ikr "82). Kannski ekki nema von að þeir
reyndu að drýgja tekjurnar, með því að selja
ferðamönnum aðgang að veiðiferðunum.
Frá Beserah fómm við enn lengra norður með
ströndinni, til Rantan Abang að skoða
risaskjaldbökur, sem á þessum árstíma (maí - júlí)
koma þar upp á ströndina til þess að verpa eggjum
sínum í sandinn. Þær koma eingöngu upp úr
sjónum á nóttunni, og aðeins á afmörkuðu svæði
þarna í kringum Rantan Abang. Þetta var í byrjun
varptímans og ekki margar skj aldbökur sem komu
upp, en þriðju nóttina sem við vöktum tókst okkur
þó að sjá eina. Risastórt ferlíki, um tonn að þyngd,
sem baksaðist um í sandinum, stynjandi og
blásandi. Þegar hún var búin að verpa, hafði hún
mikið fyrir því að grafa aukaholur, til að villa um
fyrir eggjaþjófum, og baksaðist svo að lokum
örmagna aftur til baka og hvarf í sjóinn.