Litli Bergþór - 01.05.2001, Blaðsíða 3
/------------------------------------------------------------------------------\
Ritstjómargrein
Um þessar mundir eru liðin þúsund ár frá fyrstu framreiðslu veitinga til þess sem fór um garð hér í
sveit er húsmóðirin á Bergstöðum veitti Bergþóri risa í Bláfelli sýrudrykk þar við túnfótinn. Greiðsla hans
var ekki með þeim hætti er nú tíðkast en verðmæti engu að síður er hann lofaði velgengni í búskapnum ef
drykkur væri til reiðu en að vísu óhappi ef út af brygði.
Ekki mun veitingaþjónusta hafa verið umfangsmikil hér næstu níu aldir eftir þetta, en heldur lifnaði
yfir henni við samgöngubætur í tengslum við konungskomuna 1907. Þá var farið að selja slíka þjónustu á
bæjum við Kóngsveginn og í húsinu sem byggt var í tilefni af þessum atburði vestan við hverasvæðið við
Geysi. A þeim slóðum hafa veitingar yfirleitt verið falar síðan. Tímamót urðu í þeirri starfsemi þegar
Sigurður Greipsson byggði skólahúsið fyrir íþróttaskólann á Söndunum og notaði einkum á sumrin til
veitingasölu.
Endurreisn þessarar starfsemi hófst svo með byggingu söluskálans 1972 og síðan hafa eigendur hans
stöðugt verið að auka þjónustuna á svæðinu neðan við hverasvæðið. Stórir áfangar voru endurbygging
gamla skólahússins og bygging Geysistofu.
A þessum þremur áratugum hefur gestaþjónusta aukist mikið í Tungunum og aldrei meira en á
síðustu árum. Má þar nefna Gistiheimilið við Geysi, starfsemina við Réttina í Úthlíð, bátaferðir á Hvítá,
dýragarðinn í Slakka og breytingu sláturhússins í Laugarási í gestamóttökuna Iðufell. Umfangsminni
starfsemi er einnig á Galtalæk, í Laugagerði og í Kjarnholtum. Veitingaþjónusta í Aratungu og
Skálholtsskóla byggir á eldri grunni en þessi starfsemi.
Á síðasta ári risu svo hótel í Brattholti og veitingastaðurinn Klettur í Reykholti.
Þannig er stöðugt að bætast við ný starfsemi á þessu sviði og er ekki að sjá að hver staður taki gesti
frá öðrum, heldur eru líkur á að þeir styrki hver annan.
Boðið er upp á ólíka þjónustu svo sem gistingu allt frá tjaldstæði á grasflöt og upp í dragfínt herbergi
með baði. Nokkrar tegundir afþreyingar er einnig að fá, svo sem sund, bátsferð á fljóti, samvistir við húsdýr,
eftirlíkingu náttúruhamfara og íþóttakappleiki á sjónvarpsskjá.
Ljóst er að með þessu er verið að styrkja eina af stoðum atvinnu- og mannlífs í sveitinni og nýta þá
möguleika sem hér eru fyrir hendi. Efalaust eru enn ónýtt tækifæri á þessu sviði fyrir dugmikið fók með
þjónustulund. Lrklegt er að menningartengd ferðaþjónusta sé eitt af því sem unnt er að auka hér í þessari
söguríku sveit þar sem náttúruperlur eru fjölmargar og einnig áhugaverðar minjar frá fyrri tímum. Til að af
þessu geti orðið þarf að mennta leiðsögufólk sem vinnur í samstarfi við þá sem reka veitingaþjónustu, og
væntanlega verða þeir að hafa samstarf um að koma þessu í kring. Nauðsynlegt mun samt að frumkvæði að
slíku samstarfi komi frá hreppsyfirvöldum.
TRÉ OG RUNNAR
TRJÁPLÖNTUR - SKJÓLBELTAPLÖNTUR - LIMGERÐISPLÖNTUR
ÓLAFUR ÁSBJÖRNSSON
S. 486 8849 gsm 893-7402
GARÐYRKIUSTÖÐINVÍÐJGERÐI
.................REYKHOLTI
Litli - Bergþór 3