Litli Bergþór - 01.05.2001, Blaðsíða 5

Hvað segirðu til?
Að þessu sinni verða sagðar helstu fréttir úr sveitinni frá
jólaföstu og fram á hörpu.
Ekkert lát hefur verið á góðu tíðarfari. Aðeins einu sinni
hefur snjóað eitthvað sem orð er á gerandi, en það var um
miðjan desember. Sá snjór olli þó litlum erfíðleikum því hann
féll í logni og bráðnaði áður en hvessti. Dálítið frost hefur
verið öðru hvoru og mun hafa komið nokkur klaki í jörð og
stuttar rokhrinur en ekki nein skaðaveður en oftast lygnt,
úrkomulaust og hiti frá frostmarki og upp í nær 10° hita.
Sumar og vetur frusu ekki saman í byggð a.m.k , en í
sumarbyrjun lítur út fyrir að vel vori. Jarðklaki er orðinn lítill
og þarf ekki mikil hlýindi til að hann hverfí.
Helgihald á hátíðum var með hefðbundnum hætti; messað á
öllum kirkjum og tvisvar í Skálholti. Næstsíðasta dag ársins
var árleg jólatrésskemmtun í Aratungu í umsjá
Skálholtssóknar.
Þorrablót var haldið af Haukadalssókn á fyrsta þorradag.
Það var fjölmennt en ekki þó til baga. Bæði heimamenn og
aðkomnir skemmtu og hljómsveit lék fyrir dansi fram eftir
nóttu.
Helstu viðburðir í menningarlífinu voru messa í
Skálholtskirkju og samkoma í Skálhotsskóla til minningar um
sálmaskóldin Valdimar Briem og Matthías Jochumsson í
byrjun febrúar og skömrnu seinna tónlistardagskrá, sem nefnist
„Ur djúpunum í Torfastaðkirkju.
Menningarsamkoma var einnig íþrótta- og útivistardagur í
Reykholti um miðjan janúar. Tilefnið var tveggja ára afmæli
íþróttahússins og 25 ára afmæli Reykholtslaugar. Börnum var
boðið að skemmta sér í íþróttahúsinu undir leiðsögn
fþróttakennara og nokkurra elstu nemenda Reykholtsskóla, en
þeir eldri voru leiddir í gönguferð austur á og austur fyrir
Reykholt. Að þessu loknu var öllum boðið í laugina.
Ungmennafélagið, starfsfólk íþróttasmiðstöðvarinnar og
íþróttakennarar Reykholtsskóla stóðu fyrir þessu.
Ráðstefna um menningartengda ferðaþjónustu var haldin á
Hótel Geysi undir lok febrúar. Þar flutti samgönguráðherra
ávarp og á annan tug fólks hélt fyrirlestra um ýmsa þætti þessa
máls.
I byrjun mars beitti Lionsklúbburinn Geysir sér fyrir fundi
“um drauga, tröll og aðrar forynjur, sem tengjast Tungunum”,
og var Bjami Harðarson frá Lyngási fyrirlesari.
I byrjun bænadaga og páska vom messur í öllum kirkjum
prestakallsins og að þeim meðtöldum a.m.k. 9 samkomur í
kirkjunum. Húsfyllir var í Skálholtskirkju á þremur þeirra.
Auk vígslubiskups, sóknaprests, organista, Skálholtskórs og
kammerkórs Biskupstungna komu þar að einir 4 söngvarar,
nokkrir hljóðfæraleikarar, handhafí móðurmálsverðlauna sem
kennd eru við Jónas Hallgrímsson og forsætisráðherra.
Karl Sigurbjömsson biskup Islands vísiteraði
Skálholtsprestakall síðast í mars. Hélt hann ásamt prófasti
Amesprófastadæmis, Ulfari Guðmundssyni, fundi í kirkjunum
með sóknamefndum og fleirum í söfnuðunum og biskup
predikaði í messum að þeim loknum. Einnig heimsóttu þeir
skólana í Reykholti og á Torfastöðum og biskup opnaði
sýningu um sögu Haukadals í Geysisstofu.
Skálholtskór, Söngkór Miðdalskirkju og Söngsveit
Hveragerðis héldu að vanda skemmtun í Aratungu síðasta kvöld
vetrar. Þar sungu þessir kórar hver fyrir sig og allir saman
ásamt kór Menntaskólans að Laugarvatni, og að því loknu var
dansað fram eftir nóttu.
Fermingar vorsins hófust með því að tvö ungmenni vom
fermd í Torfastaðakirkju fyrsta sunnudag í sumri. Aformað
mun að ferma einn pilt í Skálholtskirkju 13. maí og síðan þrjár
stúlkur og þrjá stráka þar á hvítasunnudag.
Af framkvæmdum má nefna stækkun á fjósi á Heiði á
síðasta hausti, sem fram fór innan húss þar sem hlöðu var
breytt í fjós með mjaltagryfju og var svo lítið áberandi að fyrir
fórst að geta hennar í síðasta blaði. Meira áberandi er nýtt fjós í
Miklaholti, sem var tekið í notkun í ársbyrjun og er stórt,
vandað og vel búið tækjum m. a. tölvustýrðum mjaltaþjóni.
Nýtt gróðurhús hefur verið byggt í Gufuhlíð og annað í
Birkilundi og a. m. k. þrjú íbúðarhús er verið að byggja í
norðanverðu Reykholtshverfi.
Nokkuð heimtist af fé á þorra. I hópi 19 kinda sem
Laugdælingar fundu undir lok janúar innarlega í
Efstadalshögum voru 12 frá Austurhlíð en hinar úr Laugardal
og Grímsnesi. Nokkru seinna var dilkær frá Uthlíð sótt í
tangann milli Syðri-Kálfár og Brúarár. Yfirleitt var þetta fé vel
á sig komið en lambhrútar famir að slakna. Um svipað leyti var
náð í 8 kindur upp í Fellsfjall og eina að auki á túninu á Felli
nokkru síðar. Þær voru frá fjárbændum í sunnanverðri
Torfastaðasókn. Sagt var að sumar þeirra hefðu verið famar að
leggja af. A þrettándanum hurfu 18 sauðir frá Úthlíð og fundust
þeir rúmum mánuði síðar austan í Bjamarfelli við Markagil á
mörkum Helludals og Neðradals. Sama dag og sauðimir fóru
frá húsi hurfu hrossin í austurbænum á Vatnsleysu og komu
þau ofan úr Bjamarfelli niður að Neðradal nokkrum dögum
síðar. Talið var víst að hrossin hefðu fælst vegna hávaða frá
sprengingum og flugeldaskotum austur í Hrunamannahreppi,
en óljóst er hvort sauðimir hafi tekið á rás af sömu sökum. Á
skírdag voru 5 kindur sóttar í skógræktargirðinguna í Haukadal.
Það var tvílemba frá Hlíðartúni, sem var kviðrifin heima í túni í
fyrrasumar, og einlemba frá Austurhlíð. Annað lambið undir
tvfiembunni var hrútur en hin gimbrar. Þær voru í dágóðum
holdum og bæði æmar og gimbramar famar að stálma.
Nokkuð hefur orðið vart við tófu í vetur þó sjaldan hafi
verið unnt að sjá slóðir þeirra í snjó. Vitað er um að 11 hafi
fallið fyrir skotum veiðimanna.
Síðla í janúar boðaði hreppsnefnd til sveitarfundar í
Aratungu, þar sem kynnt voru drög að fjárhagsáætlun
hreppsins, íyrirhugaðar framkvæmdir á yfirstandandi ári og
hugmyndir að nöfnum á götum í Laugarási og Reykholti. Þrátt
fyrir þröngan fjárhag hreppsins eru forystumenn bjartsýnir m.
a. vegna um 8% fjölgunar íbúa í sveitinni á síðasta ári.
Þegar leið á febrúar fór vatn að verða lítið í kaldavatnsveitu
sveitarinnar, sem á upptök sín vestanvert í múlanum suður úr
Bjarnarfelli. Um tfma var bmgðið á það ráð að dæla vatni út
Tungufljóti ofan við Tungnaréttir inn í leiðsluna og einnig var
vatn flutt á tankbfi í geymi í Reykholti. Náttúran hjálpaði upp á
sakimar í bili með auknu vatni í uppsprettunni væntanlega af
völdum rigningarskvetts um þetta leyti. Síðar var vatni veitt í
röri inn í leiðsluna úr bæjargilinu í Austurhlíð. Nú mun
ákveðið að leggja nýja lögn úr uppsprettu í landi Haukadals við
Tungufljót á móts við landamerki milli Brúar og Hóla.
Tungnatíðindi hafa gengið í endumýjun lífdaganna, en þau
koma út einu sinni í mánuði á vegum skrifstofu
Biskupstungnahrepps og nú skreytt litum á myr.dum og letri.
Þau flytja fréttir af starfi hreppsyfirvalda, framkvæmdum og
fleiru, og jafnan eru úrslit á hestamótum tíunduð þar.
Sveitarstjóri skrifar leiðara og fram kemur hvað Ólafur
Stefánsson á Syðri-Reykjum hefur verið að hugsa. f 3. tbl 2001
er m.a. greint frá íbúðarhúsabyggingum við Bjarkarbraut í
Reykholti, í Laugarási og víðar og að samtals sé verið að hanna
eða byggja 15 íbúðarhús í sveitinni.
A. K.
Litli - Bergþór 5