Litli Bergþór - 01.04.2009, Page 14
Iþróttadeild Ungmennafélags Biskupstungna
Aðalfundur íþróttadeildar Umf. Bisk. var haldinn
þann 18. mars sl. í Bergholti.
Breytingar urðu á stjórninni þar sem Alice og
Kristín gáfu ekki kost á sér áfram. Agla Þyrí
Kristjánsdóttir og Ingibjörg Einarsdóttir voru kosnar
inn í þeirra stað. Stjórnin er því þannig skipuð að
Helga María er formaður, Agla Þyrí er gjaldkeri og
Ingibjörg er ritari.
A þessum fundi voru þeim krökkum veittar
viðurkenningar sem þjálfurunum þóttu skara framúr
í hverri grein fyrir sig árið 2008, en þau eru:
- Smári Þorsteinsson, fyrir glímu
- Jóna Sigríður Guðmundsdóttir, fyrir glímu
- Astrún Sæland, fyrir körfuknattleik
- Hjalti Pétur Jakobsson, fyrir körfuknattleik
- Margrét Björg Hallgrímsdóttir, fyrir fimleika
- Marta Margeirsdóttir, fyrir knattspyrnu
- Jón Oskar Jóhannesson, fyrir knattspyrnu
- Brynhildur Osk Óskarsdóttir, fyrir handknattleik
- Teitur Sævarsson, fyrir handknattleik
Stjórnin tilnefndi svo Jón Óskar íþróttamann Umf.
Bisk. 2008 og Margréti Björgu íþróttakonu Umf.
Bisk. 2008.
Það sem bar hæst í starfi íþróttadeildar á síðasta
ári var að á sumardaginn fyrsta varð félagið okkar
100 ára. Sérstök afmælisnefnd var skipuð sem
boðaði stjórn íþróttadeildarinnar ásamt stjórnum
hinna deildanna til fundar þar sem farið var yfir þær
hugmyndir sem voru um atburði í tilefni afmælisins.
Margrét og Jón Óskar, stoltir íþróttamenn ársins 2008.
Ljósm. Helga María Jónsdóttir
Það kom í hlut íþróttadeildarinnar að standa fyrir
skemmtun í íþróttahúsinu á afmælisdaginn. Þar
voru krakkarnir okkar með frábæra sýningu, í
öllum æfingagreinum, sem var vel skipulögð af
þjálfurunum. Líklega var það skólahreysti sem
vakti mesta kátínu en þar skoruðu krakkarnir á
foreldra sína í hinar ýmsu æfingar t.d. armbeygjur,
hreystigreip, kaðlaklifur o.fl. Kynnir á skemmtuninni
var Jón Bjarnason og hjálpaði hann krökkunum að
setja saman réttu tónlistina við sýninguna.
Æfingarnar sem voru í boði sl. ár voru á vorönn:
fótbolti, glíma, fimleikar, körfubolti, stelputímar
og júdó en á haustönn bættust við íþróttaskóli og
handbolti en júdóið og stelputímarnir duttu út. Við
getum verið ánægð með þetta úrval sérstaklega
miðað við stærð félagsins. Þátttaka var enn meiri en
áður sérstaklega á haustönn en þar kom handboltinn
sterkur inn en þó ekki á kostnað annara greina og er
það auðvitað ánægjulegt.
Sundnámskeið var haldið í sumar, Guðbjörg
Bjarnadóttir sundkennari frá Selfossi kom til okkar
þriðja árið í röð og gekk það vel hjá eldri hópnum.
Þar sem ekki var vilji til að minnka vatnið í lauginni
eins og hefur verið gert undanfarin ár þá skilaði
það sér ekki eins vel og oft áður fyrir yngri hópinn
þar sem þau náðu ekki til botns. Mjög mikilvægt er
að hægt verði að bjóða upp á þessi sundnámskeið
áfram í heimabyggð. Margir eru þeirrar skoðunar
að námskeið sem þetta eigi að vera skylda fyrir þau
börn sem eru að hefja skólagöngu að hausti og þá
helst þannig að hreppurinn styrki þau til þess eins og
þekkist í öðrum hreppum.
Fótboltaæfingar voru í sumar, einu sinni í viku
fyrir yngstu krakkana og tvisvar fyrir þau eldri.
Þjálfarinn í sumar var Ásdís Viðarsdóttir frá Selfossi
og gekk það mjög vel.
Lesa má skýrslurnar frá þjálfurum í Ársskýrslu
íþróttadeildar til að fá nánari upplýsingar um hverja
grein.
í desember fundaði stjórn íþróttadeildar með
stjórn björgunarsveitarinnar vegna hinar árlegu
flugeldasölu. Fram kom að mikil hækkun væri á
flugeldunum vegna gengisbreytinga og trúlega
yrði mikið tap á sölunni í ár. Einnig kom fram að
mikil óánægja væri innan björgunarsveitarinnar
með núverandi fyrirkomulag og væri vilji til að
sveitin stæði ein að þessari sölu í framtíðinni en
það væri stefnt að því að taka þetta fyrir á næsta
aðalfundi. Björgunarsveitin á húsnæðið og 70%
af sölunni en við aðeins 30% svo ef sveitin tæki
þá ákvörðun að vera ein gætum við lítið sagt við
því. Þegar þetta lá fyrir fórum við fram á að fá
Litli Bergþór 14