Litli Bergþór - 01.04.2009, Blaðsíða 22
Unglingadeildin Greipur
Árið 2008 var viðburðaríkt hjá Greipi og ætla ég
hér að telja upp það helsta sem gerðist. í upphafi árs
var farið upp á Lyngdalsheiði í smá jeppaferð og
snjóhúsagerð þar sem unglingunum var sýnt hvernig
ætti að grafa sig í fönn. Gufuskálar fengu að finna
fyrir Greipi í marsmánuði, en þangað var farið ásamt
nokkrum öðrum unglingadeildum og heil helgi notuð
til æfinga. Á Gufuskálum er besta aðstaða á landinu
til æfinga fyrir björgunarsveitarmenn og því ákaflega
gott fyrir meðlimi Greips að komast þangað. Áður
en við tókum sumarfrí héldum við okkar eigið
slútt þar sem við fórum í siglingu niður Hvítá og í
„paintball“ upp í Rauðaskógi.
Haustið byrjaði á ferð til Vestmannaeyja þar
sem við vorum með sömu unglingadeildum og á
Gufuskálum fyrr um árið. Þar var sama prógrammið
og öll helgin tekin undir æfingar og skemmtun.
Teknar voru æfingar sem hentuðu vel umhverfinu
í Vestmannaeyjum s.s. sig, björgun á hafi úti,
hellaskoðun, ganga upp á Heimaklett og margt fleira.
í október tókum við inn nýliða í unglingadeildina,
það gerðum við upp á Laugarvatni. Búin var til
þrautabraut fyrir nýliðana, þeir fengu svo að spreyta
sig á klifurveggnum í húsi Ingunnar og endað var á
gosi og pizzu.
Unglingadeildirnar á Suðurlandi fóru í
sameiginlega ferð inn í Gíslaskála í nóvember, en
þessa ferð skipulagði unglingaráð svæðis þrjú sem
er Suðurland, en unglingaráðið skipa tveir meðlimir
úr hverri unglingadeild á Suðurlandi. Svo var árið
endað með þátttöku í áramótabrennunni í Reykholti
þar sem meðlimir í Greips fór upp á Kistuholt og
voru með blysasýningu.
Starfsemi unglingadeildar Greips snýst fyrst
og fremst um að halda úti góðum félagskap og
um leið að kynna björgunarsveitarstarfið fyrir
unglingunum. Þessi kynning á starfinu felst meðal
annars í því að kynna grundvallaratriði í rötun og
áttun, skyndihjálp, björgun og leit og undirbúningi
fjallaferða s.s. hvernig best sé að klæða sig, hvað á
Unglingamir að horfa á varðeld sem var gerður í eyjum. Ljósm. Ástrún Sœland.
Litli Bergþór 22