Litli Bergþór - 01.04.2009, Blaðsíða 21

Formannspistill mars 2009
Ég vil í upphafi pistils míns minnast Arnórs
Karlssonar heiðursfélaga Ungmennafélagsins sem
andaðist 25. febrúar síðastliðinn. Arnór var fæddur í
Efstadal í Laugardal 9. júlí 1935.
Fyrir hönd félagsins vil ég þakka Arnóri alla hans
þáttöku í starfi félagsins sem hefur í gegnum árin
verið á svo mörgum sviðum. Nægir þar að nefna,
skógrækt, leiklist, aðkomu að uppbyggingarmálum,
uppfræðslu, félagsstarfi almennt og varðveislu
heimilda t.d. með samantekt á sögu félagsins,
sem varðveitt er á heimasíðu Umf.Bisk. Arnór
var nákvæmur og rökfastur maður, hann unni
ungmennafélagshugsjóninni, landinu, þekkti ógrynni
örnefna og kennileita, geymdi þannig hafsjó af
fróðleik sem við svo mörg vildum búa yfir. Blessuð
sé minning hans.
87. héraðsþing HSK var haldið á Hvolsvelli
28. febrúar. Þangað fóru tveir fulltrúar, þau Helgi
Kjartansson og Freydís Örlygsdóttir. Rétt til setu á
þinginu áttu 101 fulltrúi frá 57 aðildarfélögum HSK.
Nýbúinn er aðalfundur íþróttadeildar sem var
vel sóttur. I veglegri skýrslu stjórnar og þjálfara
kemur vel fram umfang og fjöldi íþróttagreina og
iðkenda. Lýsi ég mikilli ánægju minni með starfið
og tel að vel sé staðið að málum. Eitt er það sem
við öll þurfum að hugsa um í sambandi við þann
kost að geta sent börnin okkar á íþróttaæfingar eftir
skóla sem ungmennafélagið stendur alfarið fyrir.
Iþróttadeildin ræður þjálfara til þess að halda utan
um hverja grein, þó svo að kostnaði sé haldið í
lágmarki þá er það allnokkur kostnaður sem verður
til sem þarf að standa skil á. Þess vegna er brýn
nauðsyn að foreldrar standi skil á æfingagjöldum
barna sinna. Það verður að segjast að æfingagjöld
hér eru mjög sanngjörn. Til þess að deildinni megi
takast að halda svo öflugri starfsemi úti verða
foreldrar að sýna málinu skilning og standa skil á
gjöldunum. Nóg um það í bili. Breytingar urðu á
stjórn fþróttadeildar þ.e. Alice Petersen og Kristín
Björg Guðbjörnsdóttir hættu og inn komu Ingibjörg
G. Einarsdóttir og Agla Þyrí Kristjánsdóttir.
Formaður deildarinnar er Helga María Jónsdóttir.
Færi ég þeim bestu þakkir fyrir vel unnin störf og
býð nýtt fólk velkomið.
I öllum samfélögum og félagsstarfi er best að
sem flestir séu tilbúnir að gefa af sér og leggja sitt
að mörkum svo auðga og bæta megi mannlífið. Nú
vantar nýja manneskju í ritnefnd og endilega ef
einhver hefur áhuga setji sig í samband. Nú styttist
í aðalfund félagsins og hef ég hugsað mér að víkja
úr stjórn og gefa þannig öðrum tækifæri til að sinna
þessu gefandi starfi og láta gott af sér leiða.
Guttormur Bjarnason formaður
Kaffl Klettur
Reykholti
Erum með opið:
Föstudga 18-01
Laugardaga 13-02
Sunnudaga 13-21
Eldhúsið opið til kl. 21
Verið velkomin
Kaffi Klettur
Sími 486 1310
21 Litli Bergþór