Litli Bergþór - 01.04.2009, Blaðsíða 17
vegar sló pabbi alltaf með sláttuvélinni.“
Allra fyrsta vinnan eða verkið sem Sigurjón man
eftir er frá árinu 1940 þegar hann var sex ára. Þá
þurfti að fara að Syðri-Reykjum og sækja plöntur
sem höfðu verið í uppeldi í gróðurhúsunum þar,
en þeim átti að planta út í ný reistu gróðurhúsinu
á Brautarhóli. Farið var fótgangandi að Syðri-
Reykjum og að minnsta kosti þrír eða fjórir vagnar
fluttu plönturnar til baka. Ekki var þorandi að
mynda vagnalest því það var enginn vegur til að aka
heldur var blaut braut sem hestarnir fetuðu eftir. Ef
einum hesti hlekktist á væri víst með að þeim næsta
hlekktist líka á og plönturnar voru of viðkvæmar og
dýrmætar til að nokkur áhætta væri
tekin með það. Sigurjón teymdi
Létti gamla sem fetaði blauta
brautina en hann sjálfur stiklaði
móann við hlið brautarinnar.
Þetta hefur verið að vori til,
einhverntímann á milli páska og
hvítasunnu.
Búið á Brautarhóli var ekki
vinnuaflsfrekt. Það var til
dæmis sárasjaldan kaupamaður
á Brautarhóli og kaupakona var
eitthvað eitt sumar. Stafaði það af
því að krakkarnir uxu úr grasi og
fóru að taka til hendinni og vinna
um leið og þau gátu.
Aðspurður sagði Sigurjón nokkra
verkaskiptingu hafa viðgengist milli
kynjanna á æskuheimili sínu.
„Karlkynið var meira úti í
gegningum og vinnu og stelpurnar
voru meira innanhúss að hjálpa mömmu. Þetta var
svona gegnum gangandi yfirleitt alls staðar. En sums
staðar þar sem voru færri stelpur voru strákarnir inni
að hjálpa mömmunni eins og til dæmis í Neðri-Dal
þar sem að voru eintómir strákar. Þar var því skipt á
milli þeirra að vera inni að hjálpa mömmu sinni og
það hefur sjálfsagt verið víðar.“
Að öðru leyti var sátt með systkinunum með
verkaskiptinguna. „Það þótti bara svo sjálfsagt
að gera það sem þurfti að gera. Stelpur og strákar
unnu saman við rakstur en strákarnir slógu frekar.
A þurrkdegi voru strákar jafnt með hrífur eins og
stelpurnar. Það var samt ýmist hverjir fóru á milli
það er að segja fluttu heyið heim. Ég held að ég hafi
nú gert meira af því heldur en systur mínar.
Fyrsta starfið mitt var að sækja og reka kýrnar
í hagann. Maður fékk það starf bara um leið og
maður gat það. Þá var ég líklega um sjö til átta ára
gamall. Ég man eftir því þegar ég var að koma frá
því að reka kýrnar austur í Stekkatún. Þá var hlið
fyrir neðan skólann og það þurfti að reka þær í
gegnum hliðið og þær fóru svo sjálfar austur í tún.
Einhverntímann var ég á leiðinni heim frá því og þá
hef ég verið svona 10 eða 11 ára og ég gerði það oft
að syngja hástöfum á leiðinni heim. Ég veit ekki fyrr
en það kemur einhver aftan að mér og segir: „Mikið
syngur þú Sigurjón“. Þá var það Stefán skólastjóri
og ég náttúrulega steinþagnaði og passaði mig eftir
þetta! Þetta hefur verið fyrir 1946 því að Stefán fór
það ár.
Störfin voru alltaf þau sömu frá ári til árs. Þetta
Kristrún og Kristinn unnu samhent við byggja upp fjölþættan búskap á Brautarhóli frá
því þau komu þangað 1932. Ljósm. Sigurjón Kristinsson.
Raflagnir - Viðgerðir
Tek að mér nýlagnir, hönnun raflagna og alla
almenna rafvirkjavinnu ásamt tækjaviðgerðum.
Efnissala og varahlutaþjónusta.
Fljót og góð vinna.
Sumarbústaðaeigendur athugið að ég sæki
um öll leyfi fyrir heimtaug að
sumarhúsum og lagningu raflagna.
Jens Pétur Jóhannsson
LÖGGILTUR RAFVERKTAKI
GSM 899 9544
HEIMASÍMI 486 8845
Verkstæði sími 486 8984
GSM 893 7101
17 Litli Bergþór