Fréttabréf Ættfræðifélagsins - 01.03.1996, Blaðsíða 13

- aðsent - aðsent - aðsent - aðsent - aðsent - aðsent - aðsent -
Kristín Nævelsdóttir
í fréttabréfi Ættfræðifélagsins 5. tbl. 1995 var
meðal annars fyrirspurn frá Friðriki Skúlasyni um
Kristínu N ævelsdóttur og mann hennar og bamsföður,
föður Kristjönu Jónsdóttur, sem seinna var húsfreyja
í Bjameyjum.
Þar sem ég hafði reynt að fínna þetta sama fólk,
vegna dóttur Kristjönu, var mér nokkur forvitni á að
sjá hvaða svör Friðrik fengi við þessu. Þar sem nú er
nokkuð um liðið og ekkert svar hefur borist, a.m.k.
ekki í Fréttabréfinu, ætla ég hér að setja niður það
litla sem mér hefur orðið ágengt.
Fyrstu heimildir mínar um Kristjönu húsfreyju í
Bjameyjum em í Breiðfirskum sjómönnum. Þar segir
að foreldrar hennar hafi verið Jón Jónsson og Krístin,
dóttir Níelsar Nevels, áður kaupmanns í Flatey. Nú
veit ég ekki hvaðan höfundur Breiðfirskra sjómanna
hefur þetta, en víst er, að Kristjana hefur verið
fædd í Ingjaldshólssókn um 1815, en vegna þess
hvað glatast hefur af kirkjubókum Nesþinga frá
þessum tíma, eins og Friðrik nefnir, er ekki hægt að
finna fæðingardag hennar og fá þar með fulla vissu
um foreldra hennar. Kristjana kom í Rauðseyjar í
Skarðsstrandarhr., Dal. árið 1832 og varþarvinnukona
til ársins 1841, en þá fluttist hún til Bjameyja, þar
sem hún átti svo heima upp frá því.
Ef við göngum út frá því að foreldrar Kristjönu
hafi verið fyrmefnd Jón og Kristín, skulum við fyrst
huga að Kristínu. Foreldrar hennar voru Valgerður
Bjamadóttir, eins og Friðrik veit, og Christian Nevel,
ekki Níels Nevel. Kristín var fædd í október 1783 í
Grundarijarðarkaupstað í Eyrarsveit, Snæf. Foreldrar
hennar þá skráðir, fyrmefnd Valgerður Bjamadóttir
og Christian Nevel, bæði ógift. Valgerður var þama
lausakona við búðina, en um þennan Christian Nevel
hef ég engar aðrar heimildir. Hann er ekki skráður í
sóknarmanntölum í Setbergssókn sem til eru frá
þessum tíma. Hann gæti þó eitthvað hafa verið við
verzluninaeðaeinfaldlega verið farmaður. Valgerður
var fædd um 1759, dó 19. febrúar 1836 á Blómstur-
völlum á Hellissandi. Um foreldra hennar veit ég
ekki, en þess má geta, að jafnaldra hennar og alnafna
átti heima í Gröf í Eyrarsveit á sama tíma og hún var
í Grundarijarðarkaupstað. Er vitað hverjir foreldrar
Valgerðar í Gröf voru.
Kristín Nevel var ýmist kölluð Nævelsdóttir
(Nefilsdóttir) eða Kristíansdóttir (Christíansdóttir), í
seinna tilfellinu t.d. við giftingu og á manntali 1835.
Hún giftist í nóvember eða desember 1814, Jóni
Jónssyni frá Lukku. Lukkavartil í Ingjaldshólssókn,
sennilega þurrabúð, og hefur Jón vafalítið verið
þaðan. Býli, sem Lukka hét var til í Staðarsveit,
Snæfi, en Jón var ekki þaðan, að því er ég best fæ séð.
Ég hef ekki getað fundið foreldra Jóns frá Lukku og
er því aðalspumingu Friðriks ósvarað. Jón Jónsson
hefur lifað stutt í hjónabandi, sennilega dáið 1817-
1819, en frá þeim árum eru ekki til dánarskrár úr
Nesþingum, nema rétt í byrjun árs 1817, því að
Kristín Nevel er orðin bústýra Guðmundar Jónssonar
sjómanns á Blómsturvöllum á Hellissandil821, og
þar átti hún heima þar til hún dó, 23. júlí 1846.
Eggert Th. Kjartansson.
r
Elsta íslenska ættarskráin
Þessi eru nöfn langfeðga Ynglinga og Breiðfirðinga:
i Yngvi Tyrkjakonungur. ii Njörður Svíakonungur. iii Freyr. iiii Fjölnir, sá erdó atFriðfróða. v Svegðir.
vi Vanlandi. vii Vísburr. viii Dómaldur. ix Dómarr. x Dyggvi. xi Dagur. xii Alrekur. xiii Agni. xiiii
Yngvi. xv Jörundur. xvi Aun hinn gamli. xvii Egill Vendilkráka. xviii Óttarr. xix Aðísl að Uppsölum.
xx Eysteinn. xxi Yngvarr. xxii Braut-Önundur. xxiii Ingjaldur hinn illráði. xxiiii Ólafur trételgja. xxv
Hálfdan hvítbeinn Upplendingakonungur. xxvi Goðröður. xxvii Ólafur. xxviii Helgi. xxix Ingjaldur,
dóttursonur Sigurðar Ragnarssonar loðbrókar. xxx Ólafur hinn hvíti. xxxi Þorsteinn hinn rauði xxxii
Ólafur feilan, er fyrstur byggði þeirra á íslandi. xxxiii Þórður gellir. xxxiiii Eyjólfur, er skírður var í elli
sinni, þá er kristni kom á Island. xxxv Þorkell. xxxvi Gellir, faðir þeirra Þorkels, föður brands, og
Þorgils, föður míns, en ég heiti Ari.
___________________________________________________________________________________________J
13