Unga Ísland - 01.10.1939, Blaðsíða 19

UNGA ÍSLAND
123
Bókaúlgáfa Unga íslands
Eins og kaupendum Unga íslands
mun vera kunnugt, af lestri blaðsins,
hefir í því birst saga undanfarið hálft
annað ár, eftir Stefán Jónsson kenn-
ara, sem nefnist Vinir vorsins.
Saga þessi segir frá dreng, sem bor-
inn er og barnfæddur upp í sveh, líf-
inu í sveitinni, vinunum og leikbræðr-
unum, kaupstaðarferðinni og svo fram-
vegis. Efnið þarf ekki að rekja hér,
því að það er áreiðanlegt, að allir þeir,
sem kaupa og lesa Unga Island láta
ekkert fram hjá sér fara af því, sem
segir af Skúla Bjartmar í Vinum vors-
ins.
Saga þessi hefir hlotið svo rniklar
vinsældir á meðal kaupenda Unga ís-
lands, að fáar sögur hafa orðið jafn
vinsælar. Þetta er ekkert undarlegt.
Höfundurinn þekkir allt, er að íslensku
sveitalífi lýtur og mál lians og stíll svo
lifandi, að öllum líkar vel að lesa.
Vinsældir þessarar skemmtilegu sögu
og kostir hennar allir hafa valdið því,
að ritstjórn Unga íslands hefir ákveð-
ið að gefa hana út í sérprentun, og er
nú þegar byrjað á því verki.
Upplagið er mjög takmarkað sökum
pappírserfiðleika, sem stafa af sam-
göngu- og gjaldeyrisvandræðum á hin-
um alvarlegu tímum, sem vér lifum á,
en frágangur allur verður í besta lagi
og vqndaður vel og bókin því mjög
eiguleg hvað ytri búning snertir.
Það er vafalaust, að þetta mun vera
ein besta barnabókin, sem gefin verður
út á íslenskum bókamarkaði á þessu
ári og því marga fýsa að eignast hana.
En að sjálfsögðu munu kaupendur
Unga íslands eiga þar forgangsrétt,
nieðan hægt er. En með því að blaðið
setur töluverða fjárhæð fasta á þennan
hátt og lætur því best að bókin seljist
bæði fljótt og vel, vill það hér með
heita á kaupendur sína að vinna vel og
ötullega að því að bókin seljist, með
því til dæmis, að benda á hana sem
mjög ákjósanlega afmælisgjöf og jóla-
gjöf, en þið, sem lesið hafið þessa bráð-
skemmtilegu sögu, vitið að þið vinnið
blaðinu ykkar gagn á þann hátt og
jafnframt ráðið þeim vel, sem þið ráð-
leggið að kaupa bókina: VINIR VORS-
INS.
Nokkur heilræði
Alveg ems og hreinsa þarf eldstóna
og bera öskuna burtu, þannig þarf að
losa líkamann við úrgangsefnin daglega
• •
Það er holt fyrir líkamann ef þú dag~
lega ferð hálfrar klukkustundar göngu,
eða iðkar einhverjar íþróttagreinir, svo
sem sund, leikfimi, skíðaferðir og
skauta.
• •
Börn þurfa 10 til 12 tíma svefn á
hverri nóttu, en fullorðnir 7 til 8 tíma
svefn.
• •
Það er óholt að hafa of hátt undir
höfðinu er þú sefur. Það kreppir háls-
vöðvana, heftir blóðrásina og þú hvílist
ekki. Koddinn þinn á ekki að vera
þykkri en því, sem nemur axlarbreidd.
• •
Baðaðu þig að minsta kosti einu sinni
í viku. Hreinlætið eykur á vellíðan þína
og er nauðsynlegt heilsu þinni.