Siglingamál - 01.03.1978, Blaðsíða 6
ÖryggisÍökar við línuspil
og radarspeglar á opnum bátum
Grein 9.4
í gildandi reglum um grandara og línu-
spil (Stj.tíð. B, nr. 382/1973) er gerð
krafa um að öryggisbúnaður sé settur á
línuspil á nýjum fiskiskipum, þannig að
ef maður festist í spilinu, komist hann
ekki hjá að snerta arm, sem samstundis
stöðvar spilið. Þetta gildir nú einnig um
eldri skip, eftir því sem frekast er fært,
og ávallt ef endurnýjuð eru línuspil eða
kerfi breytt.
Þrátt fyrir þessi tilmæli reglnanna eru
mörg eldri skip ennþá án öryggisbúnað-
ar við línu- og netaspil, og hafa orðið
nokkur slys, sem ef til vill hefðu ekki
orðið, ef öryggisbúnaður hefði verið við
spilin.
Vandinn hefur verið sá, að ýmsir tækni-
legir annmarkar hafa verið á að leysa
þetta mál á eldri spilbúnaði, nema með
töluverðum tilkostnaði, þegar um lág-
þrýstivökvakerfi hefur verið að ræða.
Siglingamálastofnun ríkisins hefur því
um alllangt skeið reynt að finna raunhæfa
lausn á þessu máli, og er nú svo komið,
að ýmsar þeirra aðferða, sem athugaðar
hafa verið, virðast geta leyst þetta vanda-
mál tæknilega séð, án þess að það kosti
gerbreytingu á lágþrýstispilkerfum eldri
skipa. Þess vegna hefur siglingamála-
stjóri með bréfi til samgönguráðuneytis-
ins dags. 22. febr. 1977 sent ráðuneytinu
tillögu að nýjum reglum, þar sem kraf-
an um öryggisbúnað við línu- og neta-
spil nær til allra fiskiskipa 15 brl. og
stærri, sem búin eru línuspili til línu- og/
eða netaveiða.
í sömu tillögum að reglum eru ný
ákvæði, þar sem gerð er krafa um að
allir opnir bátar skuli búnir radarspeglum
úr málmplötum, og skulu þeir vera að
minnsta kosti 25 cm að þvermáli.
Þá eru fyrri ákvæði um grandaraspil
tekin upp í þessar reglur, en lagt er til
að eldri reglurnar um sama efni verði
felldar úr gildi.
Til fróðleiks eru hér birt efnisatriði
þessara nýju reglna, en þau eru þannig:
1. gr.
Grandaraspil.
Skuttogarar skulu búnir grandaraspil-
um eða öðrum búnaði jafngildum, sem
kemur í veg fyrir slysahættu af toghler-
um, sem hífðir eru í gálga.
2. gr.
Öryggisbúnaður við línu- og netaspil.
Á fiskiskip, 15 brl. og stærri, sem búin
eru línuspili til línu- og/eða netaveiða,
skal settur sérstakur öryggisbúnaður,
þannig gerður að spilið stöðvist sam-
stundis, ef maður dregst inn að spil-
koppnum með veiðafærunum. Stjórn-
lokar slíkra spila skulu þannig úr garði
gerðir, að ekki þurfi að snúa handfangi
þeirra úr lokunarstöðu meira en 90° til
hvorrar handar, eftir því hvernig spilinu
er ætlað að snúast hverju sinni.
3. gr.
Radarspeglar.
Opnir bátar skulu búnir radarspeglum
úr málmplötum. Skulu þeir vera að
minnsta kosti 25 cm að þvermáli.
Vegna þess vanda sem verið hefur um
öryggisloka-búnað fyrir lágþrýst spil,
hefur Siglingamálastofnunin í eftirfarandi
grein tekið saman yfirlit yfir þær úrlausn-
ir, sem til greina kemur að viðurkenna,
en í hverju einstöku skipi geta aðstæður
verið mismunandi, og því er nauðsynlegt
að hafa samráð við Siglingamálastofnun-
ina áður en kerfi er breytt.
Senda má inn teikningu af kerfisbreyt-
ingunni, og/eða ræða um tillögur til
lausnar þessa vanda við Siglingamála-
stofnunina.
Siglingamálastjóri.