Siglingamál - 01.03.1978, Síða 10

Alþj óðasiglingamálastofhunin
IMCO
Grein 9.7
Hvað er IMCO.
Alþjóðasiglingamálastofnunin, IMCO,
er sú stofnun sameinuðu þjóðanna, sem
fer með þau mál er varða siglingamál í
víðtækustu merkingu þess orðs, eins og
nánar verður skýrt frá hér á eftir. Nú eru
rúmlega 100 lönd aðilar að IMCO, bæði
lönd sem eiga mikinn flota skiþa, en líka
lönd, sem njóta þurfa þjónustu skipa og
siglinga, og svo mjög mörg þróunarlönd,
sem eru að eignast eigin skiþakost og
efla siglingar og fiskveiðar.
Hlutverk IMCO.
Hlutverk Alþjóðasiglingamálastofnun-
arinnar er að vera vettvangur samstarfs
aðildarríkjanna um tæknileg mál, sem
varða sjóferðir og siglingar, og þá fyrst
og fremst til að auka sem mest má verða
allt öryggi á sjó og að stuðla að full-
komnun siglinga og flutninga á sjó um
heimshöfin. Að þessum markmiðum er
m. a. unnið með mjög fjölþættum gagn-
kvæmum tæknilegum upplýsingum og
skoðanaskiptum milli aðildarríkjanna um
öll þau mál, sem að gagni mega verða,
og með því að undirbúa og setja al-
þjóðlegar samþykktir um þessi atriði.
Hvert var upphafið?
Alþjóðasamþykkt sú, sem er stofnskrá
IMCO, var gerð á Alþjóðaráðstefnu sam-
einuðu þjóðanna um siglingamál, sem
haldin var í Genf árið 1948. Þessi alþjóða-
samþykkt átti rætur að rekja til vilja sigl-
ingaþjóða um að festa í form og skipu-
leggja í heild ýms atriði alþjóðasamstarfs
um siglingamál, sem þegar hafði þróast
en þá var í sundurlausum einingum.
Til að þessi IMCO-samþykkt tæki gildi
þurfti 21 ríki að staðfesta hana, og meðal
þeirra ríkja þurftu að vera 7, sem hvert
um sig ættu minnst eina milljón brúttó-
rúmlesta skipastól. Þessi skilyrði voru
uppfyllt 17. marz 1958, og fyrsta þing
IMCO var sett í London í janúarmánuði
1959. Þann 17. marz 1978, á fyrsta alþjóð-
lega siglingamáladeginum, verður IMCO
því 20 ára görnul alþjóðastofnun.
Hvernig IMCO starfar.
Æðsta vald innan IMCO er í höndum
þingsins, en þar eiga öll aðildarríki sæti
og hvert eitt atkvæði. Þing IMCO ákveð-
ur verkefnaval og skipuleggur starf
stofnunarinnar, og þingið þarf að stað-
festa allar ákvarðanir og ályktanir IMCO.
Þar eru og ákveðin gjöld þau sem hverju
aðildarríki ber að greiða til starfsins, og
fjárhagsáætlun gerð. Þingið kýs stjórn
IMCO og gerir ráðningarsamning við
aðalritara IMCO. Þingið kýs sér forseta,
er gegnir störfum í tvö ár.
Á 6. þingi IMCO árið 1969 var Hjálmar
R. Bárðarson, siglingamálastjóri, kosinn
forseti þingsins til tveggja ára (1969—
1971).
í upphafi var á þingi IMCO kosið í
siglingaöryggisnefnd stofnunarinnar og
átti þá takmarkaður fjöldi aðildarríkja
sæti í þeirri nefnd. Með nýlegri breytingu
á stofnskrá IMCO, sem tók gildi í ár
(1978), er seta í siglingaöryggisnefnd nú
heimil öllum aðildarríkjum IMCO.
Árið 1973 stofnsetti þing IMCO sér-
staka umhverfisvarnarmálanefnd sjávar,
sem m. a. hefur með höndum öll þau mál
er varða mengun sjávar frá skiþum og
varnir gegn henni. Sama nefnd samræm-
ir störf innan IMCO um varnir gegn meng-
un sjávar og hefur með höndum samstarf
við aðrar stofnanir um þau mál, þæði
innan og utan kerfis sameinuðu þjóð-
anna.
Þing IMCO er venjulega haldið í
London, og reglulegt þing er haldið ann-