Siglingamál - 01.03.1978, Blaðsíða 13
13
ýmsum ákvæðum um hönnun á nýjum
gerðum skipa, þar á meðal eru svifskip
og skíðaskip, og verið er að semja regiu-
gerðarákvæði um flutning á sarnan-
þjöppuðu eða fljótandi gasi í sársmíðuð-
um skipum.
Rannsóknir á smíði og búnaði olíu-
flutningaskipa hófust árið 1968, sem bein
afleiðing „Torrey Canyon“ slyssins. Til-
gangur þessara rannsókna er að stuðla
að slíkri hönnun olíuflutningaskipa, að
takmarka sem mest má verða olíumengun
sjávar, ef skip lenda í árekstri eða
stranda. Árið 1971 staðfesti þing IMCO
ákveðnar kröfur um fyrirkomulag farm-
geyma í stórum olíuflutningaskipum og
líka að takmarka stærð einstakra farm-
geyma olíuflutningaskipanna.
Flutningur á hættulegum varningi
með skipum.
IMCO hefur samið og birt alþjóðaregl-
ur um flutning á hættulegum varningi
með skipum. Hættulegum varningi er þar
skipt niður í níu flokka eftir því hve hætt-
an frá hverju efni er mikil, og hvert eðli
hennar er. Þá er í skránni efnafræðileg
samsetning hvers efnis, í hvaða formi
flutningurinn er og nákvæm ákvæði um
umbúðir, merkingu og staðsetningu hvers
efnis í farmrýmum skipa.
Fjórða þing IMCO árið 1965 staðfesti
þessar alþjóðareglur um flutning á hættu-
legum varningi með skipum. Þessar regl-
ur eru í lausblaðakerfi, og IMCO heldur
þeim við með því að stöðugar breytingar,
viðaukar og endurskoðun ákvæða er gef-
ið út, eftir því sem þróun þessara flutn-
inga gefur tilefni til. Allar þjóðir heims
munu nú nota þessar alþjóðareglur við
flutninga á sjó. IMCO vinnur einnig að
ýmsum öðrum atriðum um flutning á
hættulegum varningi.
Laus farmur.
IMCO hefur gengið frá alþjóðaákvæð-
um um flutning á lausum farmi í skipum.
Þar er t. d. um að ræða flutning á lausu
korni í lestum skipa, en líka járn og járn-
grýti o .fl. Skrá yfir einstök efni, sem
flutt eru sem lausafarmur, er í viðauka
við þessar alþjóðareglur, og skráin er
endurskoðuð reglulega eftir þörfum
vegna þróunar mála.
Fjarskiptaviðskipti skipa.
IMCO hefur unnið mikið að endurbót-
um á neyðar-fjarskiptakerfum skipa, og
um þetta atriði voru staðfest ákvæði á
þingi IMCO árið 1973, ásamt stefnu-
mörkun um þróun þessara mála í fram-
tíðinni.
Mjög mikilvægt atriði í þessu efni er
alþjóðagerfihnattakerfi fyrir siglingar,
sem nú er unnið að á vegum IMCO.
Siglingaöryggi.
Mikið af vinnu IMCO varðar sjálft
siglingaöryggi skipa. Þar ber fyrst að
nefna Alþjóðasiglingareglurnar, sem hafa
verið algjörlega endursamdar nýlega, og
frá þeim gengið á alþjóðaráðstefnu sem
IMCO efndi til árið 1972. Þessar alþjóða-
siglingareglur hafa nú tekið gildi. í þeim
eru meðal annars fyrirskipaðar reglur
um einstefnu-siglingaleiðir, þar sem
þröng skipa er mikil. Þá má nefna ákvæði
um hæfnisprófanir og viðurkenningar á
siglingatækjabúnaði skipa og siglinga-
Ijósum og merkingar á skipsflökum á
alþjóðasiglingaleiðum. Unnið er að al-