Bændablaðið - 11.04.2000, Blaðsíða 2
2
BÆNDABLAÐIÐ
Þriðjudagur 11. apríl 2000
Hann Rúnar Þorkelsson mjólkurbílstjóri var að dæla mjólk á bænum Fit sem er undir Vestur-Eyjaföllum þegar
Bændablaðið bar að garði. Rúnar nær líka í mjólk í Hraungerðis- og Sandvikurhrepp og hluta af Skeiðum.
Aðspurður sagði Rúnar að færðin hefði verið ill í vetur og þó hefði Flóinn verið sínu verstur. Við hlið hans
stendur Baldur Óskarsson, bóndi.
Fimmtugasti árgangur Handbðkar bænda
Ut er komin Handbók bænda fyrir árið 2000 sem er 50. árgangur
ritsins.
I tilefni af afmælinu var leitað víða fanga um efni með það að
markmiði að birta sem heildstæðast leiðbeiningaefni fyrir íslenskan
landbúnað. Má þar nefna efni um fóðrun allra helstu tegunda búfjár
hér á landi sem og efni um kynbætur þeirra. Itarlegt efni er um beit
nautgripa og smitsjúkdóma í sauðfé og fjölbreytt efni um jarðrækt,
garðrækt, bútækni, hagfræði, auk ýmislegs annars efnis.Þá er í tilefni
afmælisins dreift um bókina „þankakomum" um lífið og tilveruna,
lesendum til gagns og gamans. Ritstjóri Handbókar bænda er Matthías
Eggertsson.
HANDBÓK
BÆNDA
2000
50. árgangur
Framhotsfreship Iramlengdur
Þar sem aðeins einn kjörlisti
hefur borist til Búnaðarþings
þremur vikum fyrir aðalfund
gaf stjórn Búnaðarsambandsins
tve8Rja vikna frest til að fleiri
kjörlistar geti borist í samræmi
við 5. tl. 13. gr.í samþykktum
Bændasamtaka íslands. Frestur-
inn rennur út á morgun, 12. apríl.
Aðalfundur Búnaðarsambands
Suðurlands verður í Leikskálum,
Vík í Mýrdal þann 19. apríl n.k. og
hefstkl. 10.30 f.h.
Eftirfarandi listi hefur verið
boðinn fram til Búnaðarþings:
Sunnlenski bændalistinn
l.Sveinn Ingvarsson, Reykja-
hlíð, Skeiðahreppi
2. Sólrún Ólafsdóttir, Kirkju-
bæjarklaustri II, Skaftárhreppi
3. Eggert Pálsson, Kirkjulæk II,
Fljótshlíðarhreppi
4. Sigríður Jónsdóttir, Gýgjar-
hólskoti, Biskupstungum
5. Bergur Pálsson, Hólmahjá-
leigu, A-Landeyjahreppi
6. Guðni Einarsson, Þórisholti,
Mýrdalshreppi
7. Jóhannes Sveinbjömsson,
Heiðarbæ, Þingvallasveit
8. Anna Birna Þráinsdóttir,
Varmahlíð, V-Eyjafjallahreppi
9. Aðalsteinn Sveinsson, Kols-
holti, Villingaholtshreppi
10. Guðni Ragnarsson, Guðna-
stöðum, A-Landeyjahreppi
11. Ólafur Þ. Gunnarsson, Giljum,
Mýrdalshreppi
12. Hrafnkell Karlsson, Hrauni,
Ölfusi
Fyrirspurn um kostnað við fjarkennslu:
Dæmi um að nemendur séu látnir
borga fyrir fjarkennsluáfanga
Svanfríður Jónasdóttir spurði
fyrir skömmu mennt-
amálaráðherra á Alþingi hvaða
reglur giltu í framhaldsskólum
um greiðslu kostnaðar við kaup
á áföngum í fjarkennslu sem
ekki er unnt að bjóða upp á í
heimaskóla. Tilefni fyrirspurn-
arinnar var að samkvæmt
upplýsingum fyrirspyrjanda
væru dæmi þess að nemendur
væru látnir borga hluta eða all-
an kostnað við fjarkennslu þrátt
fyrir að kennslan ætti að vera
nemendum að kostnaðarlausu
samkvæmt lögum.
I svari ráðherra kom fram að í
reiknilíkani sé gert ráð fyrir að
kostnaður við kaup á áföngum í
fjarkennslu sé greiddur eins og
greitt er fyrir aðra kennslu
viðkomandi skóla. Gildi þá einu
hvort áfanginn eða námið sé í boði
heimaskóla eða ekki.
Svanfríður segir að minni
framhaldsskólar séu stundum í
þeirri stöðu að geta ekki ráðið
kennara til að kenna ákveðinn
áfánga. í slíkum tilvikum sé það
góður kostur að geta keypt áfang-
ann í fjarkennslu. „Þessi kennsla á
ekki að kosta nemandann neitt
frekar en önnur kennsla. Ef
skólamir eru að láta nemendur
taka þátt í kostnaðinum við þetta
er í raun verið að brjóta fram-
haldsskólalögin.“
Svanfríður segir skólameistara
hafa sagt í samtölum við hana að
ef nemendur vilji flýta fyrir sér í
námi sé eðlilegt að láta þá borga
íjarkennsluáfanga. „Miðað við það
sem gerist í öðmm skólum er Ííka
rangt að láta nemendur greiða fyrir
slíka áfanga því nemendur í litlu
skólunum úti á landi eiga að
sjálfsögðu að hafa sama rétt á að
flýta fyrir sér í námi og nemendur í
stóru skólunum."
Svanfríður segir ástæðuna fyrir
því að skólamir geri þetta
eingöngu þá að þeir fái ekki nægt
fjármagn til að standa undir þeirri
kennslu sem þeim ber. „Það er þá
mál sem fjárlaganefndin og ráðun-
eytið verða í sameiningu að takast
á við.“
Orflúraí haughús
virðist geta sparað
heilmikla vinnu
Örflóra var fyrst sett í kálfaflór í Holtsseli
fyrir um tveimur árum og virtist þá sem
um áhugavert hjálparefni væri að ræða.
Þegar þvegið var út úr flórnum eftir það
var skíturinn það sundurlaus á því svæði
sem örflórunni hafði verið hellt yfir, að
hann rann fyrirstöðulaust út. Hinn hlut-
inn sat eftir en venjulega fór allt úr
flórnum í einum stump.
Guðmundur Jón Guðmundsson, bóndi í
Holtsseli segir að þá hafi litlu magni (10 1)
hellt yfir hauga sem stóðu eftir í húsinu aðal-
lega undir geldneytum. Virtist það hafa þau
áhrif að þegar farið var að hræra upp næst
var mjög lítið mál að ná þessum haugum í
sundur en það hafði áður ekki tekist nægi-
lega. vel, þótt mikið hafi verið til þess reynt.
í vor var svo 25 lítrum blandað saman
við það sem var eftir í húsinu þegar hætt var
að keyra. Sumu af því var reyndar hellt þar
yfir sem haugamyndun var venjulega vand-
amál. Af því virtist vera mjög góður árangur.
Þannig náðist meiri árangur við hræringu
undir geldneytunum á tveimur tímum í haust
en tveimur dögum fyrir ári. Þó var nánast
engu vatni bætt í haughúsið nú, en venjan
hefur verið sú að það hefur runnið úr 40 mm
slöngu í húsið nánast allan tímann meðan
keyrt er.
Guðmundur Jón Guðmundsson í Holtsseli ásamt dóttur sinni, Úrnu Mjöll.
I bréfi sem blaðinu barst frá Sigurði Sigurðarsyni, dýralækni, segir að samþykki
yfirdýralæknis liggi nú fyrir til „prófunar í 2-3 ár á efninu ÖRHREINSIR eða
„MICROZYME" í haughús á bænum Holtsseli í Eyjafirði. Efnið hefur hingað til
verið notað í niðurföll og frárennsli alifuglasláturhúsa og í saurtanka. Það hefur
ekki hingað til verið notað í haughús og dreifingu á tún með haug. Af efninu eru
tvær gerðir, önnur með yfirborðsvirkni(-surfactant-), hin ekki. Sú gerð sem er
með yfirborðsvirkni er varasöm, getur við endurtekna notkun spillt jarðvegi og
gróðri. Slík hætta ætti ekki að vera fyrir hendi við notkun á þeirri gerð, sem er
án yfirborðsvirkni. Bakteríur sem eru í báðum gerðum eru umhverfisbakteríur,
til hér á iandi og ekki taldar hættulegar heilsu búfjár. Leyfi yfirdýralæknis tekur
til notkunar á þessum bæ í takmörkuðum mæli og í 2-3 ár og bundið því skilyrði
að fylgst verði með jarðvegi og gróðri þann tíma“
Sigurður segir að hann hafi rætt við Bjarna Guðleifsson á Möðruvöllum í
Hörgárdal sérfræðing hjá Rala og hann hefur lýst sig reiðubúinn að sjá um slíkt
eftirlit.
í janúar gaf svo færi til að keyra skít í
flög og á nýrækt sem venjulega er ekki fært
um að vorinu. Eftir klukkutíma hræringu var
orðið það hrært að hægt var að byija keyrslu
og var verulegur litur á jörðinni undan
skítnum sem er oft ekki eftir fyrstu ferðimar.
Engir haugar sáust í húsinu og fnykur eða
brennisteinsvetnislykt virtist vera í sögulegu
lágmarki. Venjan hefur verið sú að mikil og
slæm lykt hefur setið í mjaltagryfjunni þegar
farið er að mjólka eftir að hrært hefur verið
upp í haughúsinu en nú var þar aðeins smá
mykjulykt. Guðmundur segir að notkun
efnisins valdi ekki hitamyndun í mykjunni.
„Það eina sem við sjáum er að samloðun
verður mjög lítil,“ sagði Guðmundur.
Innflytjandi efnisins er Framtak ehf. í
Hafnarfirði.