blaðið - 07.10.2005, Blaðsíða 18

18 I BESTI BITIWN
FÖSTUDAGUR 7. OKTÓBER 2005 blaöiö
Mexíkanskur skyndibiti
Burríto af bestu gerð
Fyrir nokkrum árum breyttist landslagið á íslenskum skyndibita þegar mexíkanski
skyndibitinn hóf innreið sína. Mexíkanski maturinn varð þegar í stað vinsæll enda hafa
íslendingar alltaf verið opnir fyrir nýjungum. Þrátt fyrir að í fyrstu væri undrast yfir
pönnuköku með kjöti og grænmeti í varð Burritos vel þekkt og í dag er vart til það manns-
barn sem ekki hefur bragðað Burritos, hvort heldur sem er í heimahúsi eða á veitingastað.
Blaðið fór á stúfana og athugaði hvað það væri sem er svo gott við Burritos.
Mexíkanskur í sér- Saðsamt og Fljótlegt og Ferskt á
flokki á Mama's Tacos Ijúffengt á Red Chili gott á Serrano Culiacan
Mama's tacos er heimilislegur og hugguleg-
ur veitingastaður að Lækjargötu ío. I kjallara
hússins er hægt að kaupa mat til að taka með
sér heim eða borða á staðnum en á efri hæð-
unum eru veitingasalir. Eigendur staðsins eru
mexíkanskir og er annar eigandinn líkams-
ræktarþjálfari og leggur því sérstaklega mik-
ið upp úr þvi að hafa hollan en góðan mat. Á
Mama's Tacos er mikið úrval rétta og þar má
til dæmis nefna Big Burrito með fahita græn-
meti og kjúklingi. Big Burrito er vægast sagt
frábærlega gott auk þess að líta vel út. Það er
augsýnilegt að þeir sem elda kunna til verka
auk þess sem tortillan er klárlega heimabökuð
og ljúffeng eftir því. Big Burritos kemst eins
nálægt því að vera fullkomin og hægt er.
Big Burrito með fahita grænmeti og kjúk-
lingi kostar 995 krónur.
Red Chili er viðkunnanlegur staður að Lauga-
vegi 176 sem opnaður var í ársbyrjun. Staður-
inn er augsýnilega vinsæll enda jafnan margt
um manninn þar. Andrúmsloftið er vinsam-
legt og skemmtilegt. Matseðillinn er fjölbreytt-
ur þar sem hægt er að fá alls kyns mat og til
dæmis eru nokkrir mexíkanskir réttir á boð-
stólum. Burrito með hrísgrjónum, kjúklingi,
lauk, papriku, ostasósu, salsasósu og guaca-
mole ásamt salati og nachos er góður og sað-
samur réttur. Ostabragðið er mikið og gott
sem gerir Burritoið óvenju ljúffengt.
Burrito með hrísgrjónum, kjúklingi, lauk,
papriku, ostasósu, salsasósu og guacamole
ásamt salati og nachos kostar 1190 krónur.
Serrano í Kringlunni hefur verið opinn í tæp-
lega þrjú ár og nýtur mikilla vinsælda á með-
al hungraðra viðskiptavina. Þetta er tilvalinn
staður til að grípa með sér fljótlegan en góðan
mat. Það sniðuga við Serrano er að hægt er að
velja hvað maður vill í Burrito og aðra rétti þar
sem lítið mál er að breyta út af matseðlinum.
Á matseðlinum má til dæmis finna Burrito
með hrísgrjónum, kjúklingi, gulum baunum,
pintobaunum, osti og grænmeti sem er mjög
bragðgóður. Hrísgrjónin eru sterk en góð auk
þess sem kjúklingurinn er lystugur. Salsasós-
an ber af enda fersk og tælandi.
Burrito með hrísgrjónum, kjúklingi, gul-
um baunum, pintobaunum, osti og græn-
meti kostar 649 krónur lítill en 849 krónur
stór.
Culiacan er vel útlítandi og flottur staður að
Faxafeni 9. Staðurinn er nýtískulegur og töff
og á án efa eftir að trekkja marga að. Culiacan
sérhæfir sig í góðum og ferskum mexíkönsk-
um mat sem er alltaf vinsæll. Á Culiacan er
hægt að fá Burrito með pintobaunum, hrís-
grjónum, kjúklingi og grænmeti sem bragðast
vel. Burrito er ágætis skyndibiti sem seðjar
svangan maga. Hann er bragðsterkur en það
er bara afhinugóða.
Burrito með pintobaunum, hrísgrjónum,
kjúklingi og grænmeti kostar 830 krónur.
svanhvit@vbl.is
RAV4 aukahlutapakki að andvirði 185.000 kr. fylgir með
Nú færð þú glæsilegan RAV4 með veglegum aukahlutapakka að andvirði
185.000 kr., heilsársdekk, dráttarbeisli, vindskeið, aurhlífar og krómgrind á
afturljós. Komdu, prófaðu RAV4 og upplifðu meira en þú hafðir látið þig
dreyma um. Þú gerir ekki betri kaup fyrir veturinn!
Verð frá 2.690.000 kr.
Mánaðarleg greiðsla frá 35.990 kr.*
Heilsársdekk Krómgrind Vindskeið Aurhlífar Dráttarbeisli
á afturljós
* m.v. 10% útborgun og 84 mánaða bflasamning hjá Glitni.
í samstarfi við
Glitnir TODAY TOMORROW TOYOTA

Toyota, Nýbýlavegi 4-8, sími 570 5070