blaðið - 22.11.2005, Blaðsíða 15
blaðið ÞRIÐJUDAGUR 22. NÓVEMBER 2005
LESENDABRÉF I 15
Rukkað fyrir
að standa í röð
Breiðholtsbúi skrifar:
Ég fór í Smáralindina á sunnudag
til þess að taka út peninga af bók í
útibúi Landsbankans þar, en það
útibú er opið flesta daga ársins og
lengur en önnur útibú bankans.
Gjaldkerarnir voru indælir og
duglegir, en samt verð ég að kvarta
undan þjónustunni og það geta
þeir tekið til sín, útibússtjórinn og
Björgólfur Guðmundsson í von um
að þeir láti laga það, sem úrskeiðis
hefurfarið.
Fyrir nokkru var farið að rukka sér-
stakt afgreiðslugjald í útibúinu utan
hefðbundins opnunartíma, kr. 150,
sem mér finnst alveg skiljanlegt, en þó
verð ég að segja eins og er að mér finnst
einkennilegt að allir greiða sama
gjaldið, sama hversu margar færslur
eru inntar af hendi og engu skiptir
hvort fólk er viðskiptavinir bankans
eða ekki. Fyrir mann eins og mig, sem
hef verið í viðskiptum við Landsbank-
ann í 35 ár, virkar það eins og ég sé að
borga tvisvar fyrir sama hlutinn.
En látum það vera. Það sem mér
blöskrar er að þrátt fyrir að nóg sé
að gera eru aðeins tveir gjaldkerar að
störfum ogbiðtíminn alveg fáránlegur.
Af einhverjum ástæðum er jafnan
mikið af fólki af erlendum uppruna í
Smárahndarútibúinu á sunnudögum,
sem er að senda peninga á heimaslóðir
eftir því sem ég kemst næst. Ekki nema
gott eitt um það að segja, en þetta eru
flóknar og tímafrekar færslur.
Ég kom í útibúið um tvöleytið og
fékk afgreiðslunúmer. Það voru 20 á
undan mér. Það var ekki fyrr en um 50
mínútum síðar, sem ég fékk afgreiðslu
til þess að taka út nokkur þúsund
krónur. Sú aðgerð tók ekki nema eina
mínútu, en færslurnar 20 á undan
höfðu tekið 5 mínútur hver. Þarna
er einhver flöskuháls, sem hlýtur
að mega laga, en það er ekki gert því
svona er þetta helgi eftir helgi. Eða er
bankanum alveg sama um tíma okkar
Iviðskiptamannanna? Það má kannski
minna þá á að tími er peningar!
f
Oflangur
afgreiðslutími
Sigurveig hringdi:
„Ég er alin upp í sveit og man þá tíma
þegar farið var í kaupstað í mesta lagi
einu sinni í mánuði. Þá var keyptar
helstu nauðsynjar og þær látnar
duga þar til næst var farið í kaupstað.
Mjólkin var fryst, sama með brauðið og
ávextir voru því vart til nema nokkra
daga í mánuði. Þetta krafðist auðvitað
nokkurrar skipulagningar, en ekkert
sem móðir mín réði ekki við.
í dag fara allir á taugum ef ekki er
opið í næstu matvöru- eða fataverslun
nánast allan sólarhringinn. Þetta er sér-
Istaklega slæmt nú rétt fyrir jólin, þegar
opnunartími er almennt lengdur og
þar er ekkert heilagt. Opið á sunnu-
degi frá því snemma að morgni langt
fram á kvöld. Það eru bara við neyt-
endur sem borgum fyrir þetta í hærra
vöruverði. Ég held að það væri réttast
að setja lög sem segja að allar verslanir
eigi að vera lokaðar á sunnudögum, án
undantekningar”.
ITómir strætis-
vagnar
Lesandi hafði samband við Blaðið og
vildi koma á framfæri áhyggjum af
almenningssamgöngum hér í borg.
Flann sagðist verða fyrir miklu ónæði
af strætisvögnum, sérstaklega eftir
að nýtt leiðarkerfi var tekið í notkun.
Við það hefði ferðum þessara gulu og
Istóru bíla fjölgað verulega í götunni
hans í Breiðholtinu. Þeir væru farnir
að aka snemma á morgnanna og væru
keyrandi langt fram á kvöld. Hann
sagði að það væri í sjálfu sér í góðu lagi,
ef ekki kæmi til að vagnarnir væru iðu-
lega alveg - eða nánast alveg tómir.
Lesendabréf til Kolbrúnar Bergþórsdóttur:
Ekki neyóarkall úr Hafnarfirði
Sæl vertu Kolbrún.
Lengi hef ég verið aðdáandi þinn
fyrir þann hæfileika að gera allt sem
þú festir á blað, áhugavert til lestrar.
Gildir þá einu hvort ég er sammála
eða ekki. Ekki er ég duglegur við að
blása úr brjósti mér á blað, skoðanir
mínar á mönnum og málefnum, þótt
á stundum finnist mér nóg um. En
svokallað „neyðarkall” til formanns
krata fyllti mælinn í þetta sinn.
Fyrir skömmu hélt Samfylkingar-
fólk í Hafnarfirði prófkjör og í að-
draganda þess mættu allir frambjóð-
endur á fund og gerðu grein fyrir sér
og sínum áhugamálum. Að loknu
prófkjöri kom hópurinn aftur saman
og fór yfir útkomuna. Voru flestir
sáttir og hétu því að virða niðurstöð-
una. Einn lýsti sérstakri ánægju með
að enginn frambjóðenda á kynning-
arfundinum, hefði tekið sérstaklega
fram, hvaðan hann „kæmi”. Þetta tók
annar frambjóðandi til sín og baðst
afsökunar á að hafa ekki sagt frá því
á framboðsfundinum, að hann kæmi
úr Rangárvallasýslu, þar sem ættirnar
stæðu traustum fótum. Sá sem vakti
athygli á þessu tók þá aftur til máls og
sagðist hafa átt við, að fólk hefði áður
verið í Alþýðuflokki, Alþýðubanda-
lagi, Kvennalistanum eða Þjóðvaka.
Þetta vakti nokkra kátínu, en allir
voru sammála um að þetta væri liðin
tíð og kæmi komandi sveitarstjórnar-
kosningum ekkert við.
Mér datt þessi saga í hug þegar þú
talar um „gömlu kratana - les hægri
kratana” og hinar miklu áhyggur af
vinstri sveiflu. Við, Samfylkingar-
fólk í Hafnarfirði hugsum hins vegar
fyrst og ffemst um að halda meiri-
hlutanum í bæjarstjórninni og halda
áfram að stjórna í anda jafnaðar og
félagshyggju. Okkar pólitík er nú ekki
flóknari en það.
Hér talar enginn eða skrifar um
gamla tíð með eftirsjá. Við kvöddum
sundurlyndisdrauginn með stæl
og unnum bæinn með meirhluta
atkvæða í síðustu kosningum. Stefnu-
skráin var skýr og í anda jafnaðar-
stefnu og þannig ætlum við að vinna
næstu kosningar. Hættu nú þessu væli
Kolbrún mín eða viltu kannski frekar
flokk eins og flokkinnhans Davíðs,
þar sem allir skriðu undir teppið og
þora ekki undan því enn, þótt guðfaðir-
inn sé kominn í hóp blýantsnagara.
Það er bæði hægt að vera ósammála og
sammála í flokki og þetta með vinstri
og hægri - hafði það ekki eitthvað með
sætaröðun í franska þinginu að gera
fyrir rúmum 200 árum?
Svo máttu alveg hafa gott viðtal við
„hafnfirskan krata” (Samfylkingar-
mann) á næstunni.
Reynir Ingibjartsson.
„ruu 1 iviui uit i\ui 1 nw oui v v^i cjlu
sent fundarboð með símanum“
BlackBerry 7290'“
BlackBerry 7100g,M
BlackBerry.
Sérhæft, þráðlaust samskiptatæki
sérstaklega hannað til að vinna með
gögn auk þess að vera farsími.
Tækið hefur einfalt og þægilegt
lyklaborð og stóran skjá.
ijfojÉ
mCí Windows Mobiie
Microsoft s(mi
sem gerir þér
kleift að vinna með
tölvupóst o.fl í
Microsoft umhverfi.
Agnar Már Jónsson, forstjóri Opinna ker
Síminn býður sérhæfð þráðlaus samskiptatæki sem hjálpa þér að nálgast nauðsynlegar upplýsingar
og gögn og sinna starfi þínu nánast hvar sem þú ert.
Auk farsima færðu öruggan og auðveldan aðgang að tölvupósti, dagbók, tengiliðaskrá og netþjóni
fyrirtækis þíns. Einnig getur þú skoðað og unnið með skjöl í Word, Excel eða Powerpoint svo dæmi
sé nefnd.
^ppenHand
Hugbúnaður sem veitir
aðgang að tölvupósti,
dagbók o.fl. Openhand
er hægt að keyra á
nokkrum mismunandi
gerðum GSM síma.
Thc RIM and BleckBerry famille* of related marks, Images ond symbols are the
exclusive properties of and trademarks of Rcsearch In Motlon used by permission.
Ráðgjafar Símans hjálpa þér að velja þá lausn sem hentar þér best. Hafðu samband við viðskiptastjóra
þinn eða ráðgjafa okkar í 800 4000 og sjáðu hvað við getum gert fyrir þig og þitt fyrirtæki.
800 4000 - siminn.is
Síminri