blaðið - 22.11.2005, Blaðsíða 20
28 I MENNING
ÞRIÐJUDAGUR 22. NÓVEMBER 2005 blaöi6
Jón Gnarr sendir frá sér greinasafn
Trúin og ábyrgð einstaklingsins
Þankagangur er heiti á bók sem
geymir safn greina eftir Jón
Gnarr. Flestar hafa greinarnar
birst í Fréttablaðinu en nokkrar
eru frumsamdar. Jón segist
leggja töluvert upp úr stílnum
við greinaskrifin. „Ég hef alltaf
verið hrifinn af fallegum stíl,“
segir hann. „Sjálfur reyni ég að
skrifa eins einfaldan og aðgengi-
legan stíl og ég mögulega get.
Ég er ekki að skrifa til ákveðins
hóps heldur skrifa þannig að
ungir jafnt sem aldnir geti lesið.
Ég skrifa fyrir manneskjur.“
Greinarnar eru af ýmsum toga
en trúarleg málefni eru fyrirferðar-
mikil. „Ég hef alltaf haft sterkan
vilja til trúar, þótt ég hafi oft og
tíðum ekki ræktað trúna,“ segir
Jón. „Út á við kann að hafa litið
svo út að ég hafi allt í einu frelsast
en svo var ekki. Á ákveðnum tíma-
punkti í lífi mínu ákvað ég að timi
væri kominn til að vera heiðar-
legur í trúnni og taka ábyrga
afstöðu til hennar.“
Sumum kann aðfinnast einkennilegt
að gamanleikari hafi sterka trú.
,Fólk hefur skringilegar hug-
myndir um gamanleikara en það
er líka í eðli grínista að láta fólk
hafa skringilegar hugmyndir
um sig og vinna í því að vera ein-
kennilegur. Ef fólk heldur að gam-
anleikari sé óútreiknalegur og ein-
kennilegur þá flissar það um leið
og það sér hann. En auðvitað fer
99..................
Effólk heldur að gam-
anleikari sé óútreikna-
legur og einkennilegur
þá flissarþað um leið
ogþað sérhann.
vel saman að vera trúaður og vera
grínisti, það er ekkert ólíkara því
að vera trúaður og vera smiður."
Finnurðu fyrir því að fólki þyki ein-
kennilegt að þú sért trúaður?
,Ég er kaþólskur. Um daginn var
ég að ræða við guðfræðing sem
spurði mig hvernig ég gæti verið
kaþólskur vegna ýmissa gjörða
kirkjunnar á miðöldum og afstöðu
hennar til samkynhneigðra og
fóstureyðinga. Kaþólska kirkjan
hefur gert ýmislegt sem ég get fyr-
irgefið henni en ég skil að aðrir
geti ekki fyrirgefið það. Ég áttaði
mig á því að við guðfræðingur-
inn vorum ekki að tala sama mál.
Hann var að tala um vitsmuna-
legar forsendur, rök og sögulegt
samhengi sem ég var ekki að velta
fyrir mér. Þá skaut upp í kollinn á
mér hugsuninni um það af hverju
konunni minni þætti vænt um
mig þrátt fyrir allt sem ég hef gert.
Ég hef verið lyginn, óheiðarlegur,
smeðjulegur, hégómlegur og gráð-
ugur, en samt þykir henni vænt
um mig.
Oft hefur mér fundist að fólk
sem getur ekki viðurkennt trúna
setji hana í samband við atburði
sem það hefur upplifað hér á jörð-
inni. Börn upplifa foreldra sína oft
sem æðri mátt og óttast að ef þau
geri eitthvað af sér muni foreldr-
arnir refsa þeim. Fólk sem hefur
átt erfiða æsku á oft erfitt með
að treysta Guði. En í raun er ekki
Guði um að kenna heldur breysk-
leika fólks sem hefur frjálst val.
Reiði út í aðra, reiði út í aðstæður
og reiði út í lífið verða til þess að
egó fólks blæs út. Því finnst að
það eigi rétt á sérmeðferð á þess-
ari jörð, sér sig sem krónprins og
bíður eftir krýningunni. En um
leið og fólk tekst á við eigið sjálf
þá stendur Guð eftir.“
Sérðu sem kristinn maður miklar
meinsemdir í íslensku þjóðfélagi?
,Mér finnst að við mættum vera
meðvitaðri um sjálfsábyrgð ein-
staklingsins. Fólk virðist auð-
veldlega geta falið sig á bak við
hóphegðun og þarf því ekki að
axla ábyrgð sem einstaklingar.
Mannlegt samfélag er syndugt og
maðurinn er syndugur í eðli sínu.
Það mætti vera meiri meðvitund
um það í heiminum. Leiðin til að
sporna gegn syndinni er að vera
meðvitaður um hana.“
kolbrun@vbl.is
¥
Jón Gnarr.„Auðvitað fer vel saman að vera trúaður og vera grínisti, það er ekkert ólíkara
því að vera trúaður og vera smiður."
My Way vinsœlt í
breskum jarðarförum
í Bretlandi er algengt að dægurlög
séu flutt í jarðarförum. Um 40
prósent þeirrar tónlistar sem flutt er
við jarðarfarir þar í landi er þessarar
tegundar, sálmar eru 55 prósent
af tónlistinni en klassísk tónlist er
einungis 5 prósent. Nýlega var birtur
listi yfir vinsælustu dægurlögin í
breskum jarðarförum. I fyrsta sæti
er My Way með Frank Sinatra, en
flestir ættu að vera sammála um að
textinn falli vel að tilefninu. Wind
Beneath My Wings með Bette Midler
er í öðru sæti, Angels með Robbie
Williams í þriðja, My Heart Will Go
On með Celine Dion í fjórða sæti og
í fimmta sæti Simply the Best með
Tinu Turner.
Frank Sinatra. Lag hans My Way er vinsælt
jarðarfararlag I Bretlandi.
Áslaug Jónsdóttir hlýtur
Dimmalimm verðlaunin
Dimmalimm, íslensku
myndskreytiverðlaunin
2005 voru veitt í Gerðubergi
í fjórða sinn laugardaginn
19. nóvember við hátíðlega
athöfn. í ár var það Áslaug
Jónsdóttir sem hlaut þau
fyrir bókina Gott kvöld sem
gefin er út af Eddu útgáfu ehf.
Sýningin „Þetta vilja börnin
sjá!” var opnuð á sama tíma.
Verðlaunahafar frá
upphafi hafa verið:
Árið 2002 vann Halla
Sólveig Jónsdóttir fyrir bókina
Engill í Vesturbænum.
Árið 2003 vann Brian
Pilkington fyrirbókina Mánasteinar
í vasanum
Árið 2004 vann Áslaug Jónsdóttir
fyrir bókina Nei, sagði litla
skrímslið
Verðlaunin eru 300.000, kr.
Sýningin
stendur til 8. janúar og er
öllum opin.
SERBLAÐ
mánudaginn 28. nóv í Blaðinu
Hvað á að hafa í eftirrétt um jólin?
Ertu búin að finna rétta forréttinn?
Hvað verður á veisluborðinu?
Auglýsendur, upplýsingar veita:
• kolla@vb'
mággi@vbl