blaðið - 26.01.2006, Síða 8

8 I INNLENDAR FRÉTTIR
FIMMTUDAGUR 26. JANÚAR 2006 blaöiö
Framsóknarflokkurinn í Reykjavík
Alþingi:
Prófkjör á laugardag
Prófkjör framsóknarmanna vegna borgarstjórnarkosninga í vor
verður haldið á laugardaginn. Kosið verður í Laugardalshöll frá
klukkan 10-18. Rétt til þátttöku hafa allir félagar í framsóknarfélög-
unum í Reykjavik ásamt þeim sem skrifa undir yfirlýsingu þess efnis
að þeir aðhyllist stefnu flokksins í borginni. Allir þátttakendur skulu
hafa náð 18 ára aldri á kjördag sveitarstjórnakosninga 2006. Þátttak-
endur í prófkjörinu eru 11 talsins, sex karlar og fimm konur.
Anna Kristinsdóttir Gerður Hauksdóttir
Sækist eftir 1. sæti Sækist eftir 2.-4. sæti
Björn Ingi Hrafnsson
Sækist eftir l.sæti
Ásrún Kristjánsdóttir
Sækist eftir 2.-4. sæti
Óskar Bergsson
Sækist eftir 1. sæti
Hjörtur Gíslason
Sækist eftir 2.-6. sæti
Marsibil J. Sæmundardóttir Gestur Guðjónsson
Sækist eftir 2.sæti Sækist eftir 3.sæti
Eisa Ófeigsdóttir
Sækist eftir 2.-3. sæti
Brynjar Fransson
Sækist eftir 3.-6. sæti
Gestur Kr. Gestsson
Sækist eftir 2.-3. sæti
Auglýsingabann
fyrir börnin
Blaoio/Gundi
Þegar er búið að banna auglýsingar í kringum barnatíma í sjónvarpi í Noregi og Svíþjóð.
Auglýsingabann í kringum barna-
tíma í sjónvarpi getur verið eina
leiðin til að koma í veg fyrir að ósið-
legri markaðssetningu sé beint að
börnum. Þetta kom fram í svari Þor-
gerðar K. Gunnarsdóttur, mennta-
málaráðherra, við fyrirspurn
Jóhönnu Sigurðardóttur, alþingis-
manns, á Alþingi í gær um það hvort
ráðherra hygðist beita sér fyrir slíku
banni.
Unnið að rannsókn
I fyrirspurn Jóhönnu Sigurðardóttur
kom fram að í Noregi og Svíþjóð er
þegar búið að banna auglýsingar
í kringum barnatíma í sjónvarpi
sem beinast að börnum yngri en 12
ára. Þá benti Jóhanna á álit Umboðs-
manns barna frá því í nóvember á
síðasta ári þar sem auglýsingar á
sætindum og óhollu fæði í kringum
barnatíma voru gagnrýndar. í svari
ráðherra kom fram að útvarpsréttar-
nefnd væri nú að gera rannsókn á
auglýsingum í sjónvarpi og væru nið-
urstöður væntanlegar. Þá stendur
fyrir dyrum málþing fagaðila um
þetta málefni sem halda á í mars-
mánuði og taldi ráðherra vænlegast
að bíða með allar frekari ákvarðanir
þangað til. Ráðherra benti þó á að
sýni niðurstöður rannsóknar út-
varpréttarnefndar og málþingsins
að hóflegrar markaðssetningar sé
ekki gætt gætu stjórnvöld þurft að
grípa inn i. „Ef rannsóknin sýnir
að verið er að beina ósiðlegum aug-
lýsingum að börnum mun koma til
kasta Alþingis."
Ekki æskilegt að banna
Ingólfur Hjörleifsson, framkvæmda-
stjóri Sambands íslenskra- auglýs-
ingastofa (SÍA), segir ekki æski-
legt að stjórnvöld grípi inn í með
bönnum og boðum. Þá bendir hann
á að nú sé að hefjast samvinna milli
SÍA, umboðsmanns barna, tals-
manns neytenda og skólayfirvalda
um þessi mál. „Við erum að vinna
að þessum málum því við teljum að
það sé eðlilegra að breytingarnar
komi innan frá í sátt og í samvinnu
við alla aðila frekar en að það séu sett
einhver bannlög ofanfrá sem skila
kannski takmörkuðum árangri.“ ■
Fólksfjölgun:
7000 íbúar í Árborg
Lítill snáðifékk gjafirfrá bœjaryfirvöldum
Þau tímamót urðu í sögu
Árborgar og ekki síður í Iífi ungra
hjóna úr bæjarfélaginu, að lítill
drengur kom i heiminn þann 12.
janúar sl. Drengurinn bætist þar
með í hóp þriggja systra en hann
telst einnig vera Árborgarbúi
númer sjöþúsund. í tilefni tíma-
mótanna heimsóttu bæjarstjór-
inn og fleiri fyrirmenni snáðann
og komu færandi hendi eins og
sjá má á myndinni. Foreldrar
drengsins eru þau Guðrún Lilja
Magnúsdóttir og Björn Emil Jóns-
son og að sjálfsögðu fæddist hann
á fæðingardeild Heilbrigðisstofn-
unar Suðurlands. ■
ADESSO
2. hæö f Smáralind v/Vetrargaröinn
SALTFISKUR
á fimmtudögum
opið til kl. 21.00
1. Saltfisk-kókossteik með
kartöflumauki og plómusósu
2. Saltfiskur með hrísgrjónum
og súrsætri sósu
3. Saltfiskur að spænskum hætti
verðaðeins 1.590
Opið virka daga 10.00-19.00
fimmtudaga 10.00-21.00
laugardaga 10.00-18.00
sunnudaga 11.30-18.00
sími 544 2332
www.adesso.is
Verslanir:
Verðmunur
hefur aukist
Munur milli verslana á hæsta og
lægsta verði hefur aukist umtals-
vert frá því í upphafi síðasta árs.
Þetta kemur í ljós þegar verðkann-
anir ASÍ eru skoðaðar. Á vefsíðu
sambandsins kemur fram að verð
hafi lækkað talsvert milli mælinga
í febrúar og maí, sérstaklega í lág-
vöruverslunum. Síðan hefur verðið
hækkað nokkuð en könnun var
gerð í vikunni. Sveiflur í verði hafa
verið mestar í lágvöruverslunum á
timabilinu og þar hefur orðið mest
lækkun frá því á síðasta ári. Þegar
litið er á mun á hæsta og lægsta
verði kemur hins vegar í ljós að
hann hefur aukist frá því í febrúar í
fyrra. Þetta á við um flestar vöruteg-
undirnar sem kannaðar voru. ■