blaðið - 22.02.2006, Blaðsíða 14

blaði
Útgáfufélag: Ár og dagur ehf.
Stjórnarformaður: Sigurður G. Guðjónsson.
Ritstjóri: Ásgeir Sverrisson.
Fréttastjórar: Aðalbjörn Sigurðsson og Erna Kaaber.
STYRKIR TIL
ÆTTLEIÐINGA II
Á Islandi er sú skoðun viðtekin að þeir sem eignist börn með „hefð-
bundnum“ hætti öðlist ákveðinn „rétt“ og þar með íjárhagslega kröfu
á hendur ríkisvaldi og skattgreiðendum. Þessi er enda raunin líkt og al-
kunna er. Auðvald sem alþýða þiggur orlofslaun vegna fæðingar af skatt-
greiðendum. Þetta fyrirkomulag er engan veginn yfir gagnrýni hafið en
flestum finnst það næstum því ábyggilega gott.
Á þessum hinum sama stað var í gær fjallað um þá tillögu að ríkisvaldið,
þ.e.a.s. skattborgarar, niðurgreiði kostnað kjörforeldra við að ættleiða
barn erlendis frá. Líkt og rakið var hníga nokkur rök að þeirri skoðun.
Öll eru þau á hinn bóginn grundvölluð á þeirri kennisetningu að einstak-
lingar og hópar eigi (margvíslegar og sífellt fleiri) fjárhagslegar kröfur á
hendur skattgreiðendum.
Ef gefið er að foreldrar eigi rétt á því að ríkisvaldið, þ.e.a.s. skattgreiðendur,
komi þeim til hjálpar við að fjölga þessari undursamlegu þjóð sýnist blasa
við að sjálf „aðferðin" skipti engu máli.
Þessi eru sterkust rök þeirra, sem nú hvetja til þess að ættleiðingar erlendis
frá verði niðurgreiddar.
Nú skal þess freistað að snúa hugsuninni við. Ef „hefðbundnir“ for-
eldrar og kjörforeldrar eiga kröfu um aðstoð, orlof og styrki á hendur
ríkissjóði hlýtur sú spurning að vakna hvort þeir Islendingar, sem bein-
línis ákveða að eignast ekki börn, eigi ekki sambærilega kröfu á hendur
skattgreiðendum.
Ef sú ákvörðun að eignast barn felur í sér sjálfvirka kröfu um ríkisút-
gjöld, þ.e.a.s. um niðurgreiðslur á hendur skattborgurum, hljóta þeir, sem
ákveða að eignast ekki barn, að eiga kröfu um einhverjar „bætur“ með
vísun til þess að „réttur" viðkomandi til að krefjast fjármuna af hinu opin-
bera sé „vannýttur" með sama hætti og Tryggingastofnun gerir t.a.m. nú
gagnvart öldruðum og öryrkjum. Vissulega hljómar þetta undarlega en
niðurstaðan er rökrétt þegar hinni viðteknu forsendu er beitt.
Tillaga Guðrúnar Ögmundsdóttur, þingkonu Samfylkingar, og félaga
um að kjörfeldrum verði veittir styrkir vegna ættleiðinga erlendis frá er
sérlega áhugaverð. Hún bregður sterku ljósi á samtímann, ríkjandi gildis-
mat og viðtekin viðhorf. Umræða um „rétt“ manna til að gera „kröfur" á
hendur öllum hinum í málefnum, sem varða einkalíf og forgangsröðun
viðkomandi hefur magnast mjög á íslandi á undanliðnum árum. Sú spurn-
ing hvort ríkisvaldinu er eitthvað óviðkomandi er enda æ sjaldnar borin
fram.
Auglýsingastjóri: Steinn Kári Ragnarsson. Ritstjórn & auglýsingar: Bæjarlind 14-16,201 Kópavogur.
Aöalsími: 5103700. Símbréf á fréttadeild: 510.3701. Símbréfá auglýsingadeild: 510.3711.
Netföng: vbl@vbl.is, frettir@vbl.is, auglysingar@vbl.is.
Prentun: Prentsmiöja Morgunblaðsins. Dreifing: íslandspóstur.
Mánudaginn 27. febrúar
Auglýsendur, upplýsingar veita:
Kolbrún Ragnarsdóttir • Sími 510 3722 • Gsm 848 0231 • kolla@bladid.net
Elleit Ágúst Pálsson • Sími 510 3746 • Gsm 869 9903 • elli@bladid.net
Bjami Daníelsson • Simi 510 3725 • Gsm 856 4299 • bjarni@bladid.net
14 I ÁLZT
MIÐVIKUDAGUR 22. FEBRÚAR 2006 blaöiö
'V^VWW

Sannleikurinn ægilegi
Það er ekki betur að sjá en að það
hljóti að vera hreint skelfilegt að
búa á Islandi, alla vega ef marka má
yfirlýsingar stjórnarandstöðunnar.
Ef eitthvað er að marka málflutn-
inginn á þeim bænum eru lands-
menn sligaðir af ofursköttum, ofríki
stjórnarliða algjört, landið þegar
horfið í eitt blátt mengunarský, hver
foss og spræna á válista, spilling og
valdhroki á borð við það sem verst
gerðist á hinum myrku miðöldum
og ráðherrar hafa á launaskrá menn
sem vinna við það eitt að búa til
lygar og blekkingar.
Já, ekki má gleyma að algjör
skömm er að því að byggja hátækni-
sjúkrahús, veita auknu fé til vega-
framkvæmda, nýsköpunar og fjar-
skipta á landinu.
Sumir stjórnarandstöðuþing-
menn eru náttúrlega neikvæðari
en aðrir og aðrir segja að heill þing-
flokkur byrji allar setningar á orð-
inu nei. Enn aðrir virðast fastir í ein-
hverju svartholi og ganga út frá því
sem visu að ætíð sé verið að fela fyrir
þeim einhvern stóran sannleik og
beita blekkingum, líklega eitthvað
sem kennt er á ræðunámskeiðum.
Varlaeralltí kalda koli?
Ég verð stundum dálítið hugsi yfir
málflutningi í þessum dúr, sem ein-
kennist aðallega af þrennu. í fyrsta
lagi að allt sem stjórnvöld geri sé illa
gert, ranglega gert eða ekki gert. í
öðru lagi að öllum líði illa, yfir öllu
og vegna alls. 1 þriðja lagi að því
hærra sem talað er, sterkari lýsingar-
orð notuð og orðaforðinn ljótari, því
sannara sé málið.
Siðast þegar ég leit út um glugg-
ann bjó ég í þessu sama landi og
stjórnarandstaðan en við mér blasir
allt annar raunveruleiki, allt önnur
sýn, allt annar sannleikur. En ég
hlýt náttúrlega að vera ómarktækur
í þessu, því sem upplýsingafulltrúi
forsætisráðuneytisins flokkast ég
Steingrímur S. Ólafsson
ýmist undir að vera spunameist-
ari, spunamaður, spunalæknir nú
eða hreinlega blaðamannaplatari
eins og einn stjórnarandstöðuþing-
maður skrifaði svo skemmtilega á
heimasíðunni sinni.
Ég hef lengi ætlað að spyrja hann
að því hvaða blaðamenn ég hafi
platað, en ætli ég geymi það ekki
þangað til ég fæ að vita frá hinum
stjórnarandstöðuþingmönnunum
hvernig ég hef spunnið fyrir fjöl-
miðla lon og don eins og þeir eru
svo duglegir að halda fram. En þetta
er svo sem í sama dúr og svo margt
annað, að hér gilda stóryrtu yfirlýs-
ingarnar og flottir frasar, fremur
en innihaldið, hvað þá að þurfa að
standa við stóru orðin eða eiga inni-
stæðu fyrir þeim.
Eða eru fleiri að plata?
En ef það er jafn slæmt að búa á Is-
landi og þeir halda fram í ræðum og
riti, þá er líklega rétt að benda þeim
á að fyrir utan blaðamannaplatara
eins og mig, þá eru fleiri sem sjá Is-
land í öðru ljósi. Kemur upphefðin
kannski að utan í augum stjórn-
arandstöðunnar? Ef svo er, er rétt
að benda á að OECD setur Island i
6. sæti yfir ríkustu lönd heims. Að
Yale háskólinn setur ísland í 5. sæti
hvað varðar frammistöðu í umhverf-
ismálum í heiminum. Að ísland er í
5. sæti yfir frjálsustu hagkerfi heims
að mati Heritage Foundation. Að
sænska fjárfestingarstofan ISA og
kanadíska rannsóknarfyrirtækið
C. D. Howe Institute sýna að skatt-
byrði íslenskra fyrirtækja sé lægst á
íslandi af löndum Evrópu.
Þessar upplýsingar birtust allar
nú í janúar. Þetta er sannleikurinn
ægilegi. En kannski er heldur ekk-
ert að marka þessa aðila... þeir eru
kannski ekki bara blaðamannaplat-
arar, heldur þjóðarplatarar? Er ekki
rétt að segja þeim frá þvi?
Höfundur er upplýsingafulltrúi
forsœtisráðuneytisins.
Klippt & skorið
klipptogskorid@vbUs
Kosnlngabaráttan er greinilega
hafin hjá Samfylkingunni, en inn
á heimasíðu flokksins (www.sam-
fylking.is) bættist (gær grein eftir dr. Gauta
Eggertsson þar sem hann lýsir í ógnarlöngu
máli kynnum sínum af Degi bróður frá fyrstu
tíð. Af greininni að dæma hefur Dagur verið
hamhleypa til verka frá fyrstu tíð og er t.d.
skemmtileg lýsing á því hvernig Dagur byggði
á ógnarhraða upp getraunaveldi í Árbænum
og gerði hálft hverfiö að spilafíklum ef marka
má greinina! Allt var þetta þó gert í góðum
tilgangi, því ágóðinn rann til hverfisfélagsins
Fylkis, en Dagur lék einmitt fótbolta með fé-
lagínu og varð raunar íslandmeistari með Fylki
árið 1986.
Kompásþættir
Jóhannesar Kr.
Kristjánssonar
á NFS hafa vakið verðskuld-
aða athygli þeirra, sem ná
sendingum stöðvarinnar,
og mikið mun eins horft á
þá á Netinu. Nú síðast voru snörur lagðar fyrir
menn sem girnast táningstelpur og gengu
nokkrir í gildruna, þar á meðal einn starfs-
maður Nýsis, sem látinn var taka pokann sinn.
Fjölmiðlar greindu frá þessu undir fyrirsögn-
inni „Níðingur rekinn" eða ámóta. Gallinn var
kannski sá að undantekningalaust birtust
með myndir af Jóhannesi, en ekki alltaf með
myndatexta. Þetta minniróneitanlega á mann-
inn, sem fékk viðurnef nið þjófur eftir að stolið
varfráhonum.
Greint var frá því í
gær að hópur fjár-
festa undir forystu
hefði keypt bresku frétta- og
upplýsingaveituna M2Comm-
unications Ltd., en hópur-
inn tenglst Viðskiptablaðinu. Gunnlaugur
Árnason, ritstjóri Viðskiptablaðsins, verður
aðalritstjóri M2, en hann er þrautreyndur
úr fjármálafrumskógi City í Lundúnum. Um
lelð stofnaði Viðskiptablaðið fyrstu íslensku
fréttastofuna, lcelandic Financial News (IFN)
sem starfar á alþjóðavettvangi en hún mun
sérhæfa sig i fréttum af íslenskum fjármála-
markaði og dreifa þeim hjá samstarfsaðilum á
borð við Reuters og Dow Jones. Tímasetningin
hlýtur að teljast einstök: sama dag og lánshæf-
ismatiðféll og Úrvalsvisitalan fékkvænan skell
og gengi íslensku krónunnar riðaði loksins.