blaðið - 09.03.2006, Blaðsíða 22

22 IFERÐALÖG
FIMMTUDAGUR 9. MARS 2006 blaðið
í nálægö viö íslenskar
náttúrup erlur
Úr Breiðuvík eru þœgilegar gönguleiðir á Látrabjarg og að Sjöundá.
Menningarsaga
Búlgariu laðar að
Fallegar strendur og lágt vöruverð gera
landið að sannkallaðri ferðamannaparadís.
Það er smekksatriði hvernig
fólk vill eyða sumarfríinu sínu,
sumir vilja heimsækja fjarlægar
strendur en aðrir vilja líta sér
nær og ferðast um eigið land. í
Breiðuvík við Patreksfjörð er
góð gistiaðstaða og stutt í fal-
legar gönguleiðir. Þar er líka
hægt að vera í friði og ró frá öllu
áreiti því Breiðuvík er einn af ör-
fáum bæjum á íslandi þar sem
ekki er sjónvarpssamband.
,Við bjóðum upp á víðtæka þjónustu
og getur fólk valið um gistingu í
herbergjum með eða án baðs, svefn-
pokapláss eða gistingu á tjaldstæði
á svæðinu1, segir Keran St. Ólason
sem rekur ferðaþjónustu í Breiðuvík
ásamt Birnu Mjöll Altadóttur konu
sinni.
„Við tókum við staðnum í apríl
1999 en ferðaþjónusta hefur verið
rekin á staðnum frá árinu 1982.1 ná-
grenni við Breiðuvík er fjöldi göngu-
leiða og ég býð upp á trússferðir þar
sem ég flyt farangur fólks á milli
staða. Ég hef til umráða 14 manna
bíl þannig að ég get keyrt fólk á upp-
hafsstað ferðar að morgni og flyt
síðan farangurinn á þann stað sem
fólk hyggst ljúka göngunni. Göngu-
leiðir í nágrenninu eru yfirleitt 4-7
tíma langar svo það má segja að
þetta séu þægilegar dagleiðir."
Stutt í áhugaverða staði
Keran segir vinsælt að ganga á Látra-
bjarg sem er skammt frá Breiðuvík
en einnig er hægt að ganga út í
Kollsvík sem er gömul gönguleið.
,Þá hefur verið vinsælt að ganga að
Sjöundá þar sem mesta morðdrama
íslandssögunnar átti sér stað. Á Sjö-
undá eru rústir af þeim bæjum sem
þar stóðu en einnig er þar minn-
isvarði. Fyrir þá sem vilja fræðast
meira um Sjöundá hefur verið bent
á Úlfar Thoroddsen á Patreksfirði
sem veit margt um staðinn. Frá Sjö-
undá er hægt að ganga áfram inn í
Stálfjall en þar voru brúnkolsnámur
í upphafi 20 aldar. Þá er hægt að
ganga inn á Rauðasand og þaðan út
í Keflavík.
í Breiðuvík er boðið upp á allan al-
mennan mat og einnig er hægt að
láta útbúa nesti fyrir daginn. Ef fólk
pantar mat með fyrirvara er hægt að
koma með séróskir en alla jafna er
ekki hægt að velja mat af matseðli."
Keran segir að til gamans megi geta
þess að vestasti bar Evrópu sé stað-
settur í Breiðuvík.
Mestur hluti ferða-
manna útlendingar
,Tveir þriðju hlutar þeirra gesta
sem koma í Breiðuvík eru erlendir
ferðamenn en þeim fslendingum
sem heimsækja okkur fer fjölgandi.
Flestir ferðamenn koma frá Þýska-
landi en það er að aukast að Frakkar
og Hollendingar komi líka. Það er
mikið bókað hjá okkur yfir sumarið
svo það er best að bóka tímanlega.“
Keran segir það lensku hjá íslend-
ingum að vilja koma með stuttum
fyrirvara og að þeir láti stjórnast af
veðrinu. „Það kemur auðvitað fyrir
að hópar detta út og þá er hægt að
komast að með stuttum fyrirvara. f
Breiðuvík var aukið við gistirýmið
fyrir tveimur árum og þar eru nú 12
hótelherbergi með góðri aðstöðu. í
gamla húsinu er hægt að fá herbergi
án baðs en í því húsi var rekið vist-
heimili fyrir drengi. Á tjaldstæðinu
er ný snyrtiaðstaða og þar er grillað-
staða og eldhús fyrir tjaldgesti."
Hversvegna koma ekki fleiri íslend-
ingar tilykkar?
„Ég held að margir setji fyrir sig
að keyra um verstfirska vegi sem
margir telja verri en þeir eru í raun.
Vegakerfið hefur batnað til muna og
nú er um 5 tíma akstur frá okkur til
Reykjavíkur."
h ugrun@bladid. net
,Ferðir til Búlgaríu eru mjög vin-
sælar hjá okkur núna en við hefjum
beint flug þangað í maí“, segir
Hildur Gylfadóttir, sölustjóri hjá
Terra Nova ehf.
„Flugvöllurinn er 17 km frá Golden
sands ströndinni og það er gist á
góðum hótelum með sundlaugar-
görðum og góðri aðstöðu. Það er
margt hægt að skoða í Búlgaríu en
landið á sér spennandi menningar-
sögu og þarna má finna mikið af
rústum og minjum sem eru allt að
7000 ára gamlar. Búlgaría var til
skamms tima undirokuð af Tyrkjum
og menningin í landinu minnir að
mörgu leyti á menningu Tyrklands
og Grikklands þó Búlgaría hafi
haldið ákveðnum menningarein-
kennum. Búlgaría var áður undir
strjórn kommúnista en í landinu er
nú farið að gæta vestrænna áhrifa.
Verðlag í Búlgaríu er mjög hagstætt
og því er uppihald þar ódýrt.“
Hildur segir veðráttu í Búlgaríu
vera svipaða og á Spáni og að á
árum áður hafi fyrirmenni frá Rúss-
landi farið til Búlgaríu í lúxusferðir.
,,Flug og gisting til Búlgaríu kostar
39.995 ef miðað er við tvo fullorðna
og tvö börn. Golden sands ströndin
er mjög skemmtileg og umhverfið
fallegt enda er mikið farið að bóka
í ferðirnar þangað í vor.
Auk ferða til Búlgaríu býður ferða-
skrifstofan Terra Nova m.a. upp á
ferðir til Kýpur allan ársins hring
en þær eru vinsælar í kringum jól
og páska.“
h ugrun@bladid. net
Mánudaginn 13. mars
Allt um mat...pantið auglýsingu tímanlega
Auglýsendur, upplýsingar veita:
Kolbiún Ragnaisdóttir • Sími 510 3722 • Gsm 848 0231 • kolla@bladid.net
Ellert Ágúst Pálsson • Slmi 510 3746 • Gsm 869 9903 • elli@bladid.net
Bjami Daníelsson • Sími 510 3725 • Gsm 856 4299 • bjami@bladid.net
Hreysti, dáð og lúnir fætur
Þrjátíu klukkustunda ganga dróttskáta um helgina.
Flestir tengja ferðalög við sumar-
frí á suðrænum slóðum. Þó eru
til annarskonar ferðalög sem
taka styttri tíma og taka jafnvel
töluvert á. Þesskonar ferðalög
geta líka verið skemmtileg því
hvað er betra en að teyga fjallaloft
í góðra vina hópi og eiga jafnvel
möguleika á verðlaunum. Nú um
helgina munu dróttskátar víða
að landinu taka þátt í 30 klukku-
stunda fjallgöngukeppni sem fer
fram á Hellisheiði og nærliggj-
andi svæðum.
„Keppnin er opin dróttskátum
og meðlimum björgunarsveita á
aldrinum 15-18 ára en þeir sem hafa
áhuga á að fá sér góða gönguferð um
helgina eru velkomnir með“, segir
Guðmundur Finnbogason stjórn-
andi keppninnar. „Keppnin byrjar
á föstudaginn en þá verður lagt upp
frá skíðaskála Víkings í Sleggjubeins-
skarði. Þegar keppendur mæta á stað-
inn verður kort afhjúpað og þá munu
þeir velja sér leið sem liggur á milli
skíðaskálans og Þrymheima. Mark-
miðið er að stoppa á sem flestum
stöðvum á milli þessara staða og
leysa verkefni en þetta er lagt upp
eins og ratleikur. Keppendur reyna
að ná eins mörgum póstum á sem
styðstum tíma en þeir sem mæta
of seint fá færri punkta. Það er ekki
hægt að velja alla póstana en kepp-
endur fá ákveðinn stigafjölda fyrir
hvert verkefni sem þeir leysa. Keppn-
inni lýkur á sunnudaginn i Hvera-
gerði og þá verða afhent verðlaun og
grillað."
Aukastig fyrir að gista í tjaldi
Guðmundur segir svona keppni
skipta öllu máli og sé kjarninn í drótt-
skátastarfinu. „Stór hluti skátastarfs-
ins er útlíf og þarna gefst skátum og
meðlimum björgunarsveita færi á
að nota þá þekkingu sem þeir hafa
aflað sér í skátastarfinu. Skátarnir
og Landsbjörg eru í mjög góðu sam-
starfi og þeir skátar sem farið hafa
í björgunarstörf hafa þótt liðtækir í
þeim störfum.
í keppninni eru gefin stig fyrir
þá gistiaðstöðu sem liðin kjósa sér.
Þannig fást aukastig fyrir þau lið
sem gista í tjaldi. Þau lið sem taka
þátt í dróttgöngunni eru 15 en 45
keppendur eru skráðir til leiks.
Liðin eru af höfuðborgarsvæðinu,
Akranesi, Selfossi og Keflavík og í
fyrsta skipti er lið frá herstöðinni
í Keflavík. Áhugasömum er bent á
að mæta við skíðaskála Víkings kl
19:00 á föstudaginn en keppnin hefst
á laugardagsmorgun. Kjörorð keppn-
innar eru hreysti, dáð og lúnir fætur.
hugrun@bladid.net