blaðið - 04.04.2006, Side 28

28 I BÍLgK--
ÞRIÐJUDAGUR 4. APRÍL 2006 blaöið
Reynsluakstur:
Renault modus
B&L
íslendingar hafa aðeins verið svona
og svona gefnir fyrir smábíla, þó þeir
hafi oft keypt þá í hrönnum, þegar
verðið hefur verið ómótstæðilegt. Má
raunar færa fyrir því rök að bíllinn
hafi fyrst orðið almenningseign þeg-
ar japönsku smábílarnir urðu á allra
færi á sínum tíma. Upp á síðkastið
hafa borgarbílarnir hins vegar verið
að sækja í sig veðrið, stundum sem
annar eða þriðji bíll á heimili. Þeir
eru vinsælir fyrir ungviðið og svo
hafa margir farið að líta á þá, sem
sitt framlag til aukinnar tillitssemi
gagnvart umhverfinu. Renault Mod-
us fyllir þennan flokk, en þó ekki.
Framleiðandinn stillir honum upp
sem fjölnotabíl og hann nálgast að
vera það, en rætur hans sem borgar-
bíls hafa samt vinninginn. Það verð-
ur að segjast eins og er að tilfinning-
ar blaðamanns voru blendnar, þegar
hann settist upp í Modus. Það eru til
margir fallegri bílar, hann leit út fyr-
ir að vera þröngur og maður efaðist
um að hann myndi duga til langferða.
En Modus kom skemmtilega á óvart.
Hann er næstum því fallega ljótur,
hann er til margra hluta nýtur og það
er bara talsvert skemmtilegt að aka
honum. Það er þá líka rétt að hafa í
huga að hann er byggður á grunni
Renault Clio, sem varla þarf að fara
um mörgum orðum.
Akstureiginleikar
Það er virkilega auðvelt að aka Rena-
ult Modus. Stýrið er leikandi létt og
beygjuradíusinn er þröngur. Hann
er ekki stór og dekkin eru alveg úti
í jöðrunum, þannig að það er hægt
að leggja honum nánast hvar sem.
Hann liggur vel á vegi og það er sama
hvort maður er að lúsast um þröngar
einstefnugötur eða á skriði á Kringlu-
mýrarbrautinni, maður hefur fullt
vald á bílnum og það vandræðalaust.
En hann er ekki gerður fyrir ólögleg-
an hraðakstur, þó bíllinn eigi meira
eftir er maður ekkert að fara mikið
upp fyrir hundraðið á honum. Mod-
us liggur ágætlega í beygjum og
hraðahindranir virðast ekki fara illa
í hann.
Vél og drif
Það er hægt að fá Modus með ýmsum
vélum. Sú minnsta er aðeins 1,2 lítra
og efast má um að hún dugi nema í
léttasta akstur. 1,4 lítra vélin ætti hins
vegar að duga flestum, en í reynslu-
akstursbílnum var 1,6 lítra bensínvél,
sem var hörkufín. Svo má fá 1,5 lítra
dísilvél. Sjálfsagt fá menn mest út úr
sjálfskiptu bílunum, en til reynslu
var bíll með sjálfskiptingu. Hún var
allt í lagi, en það skortir talsvert upp
á viðbragðið úr kyrrstöðu eða ef skipt
er úr bakkgír í áfram. Hins vegar var
allt í lagi með skiptinguna þegar bíll-
inn er kominn á skrið.
LJtlit
Sem fyrr segir eru til fallegri bílar, en
það verður að hafa í huga að lausnirn-
ar eru bara svo og svo margar þegar
lagt er upp í að hanna bíl af þessari
stærð. Eftir á að hyggja held ég að
Renault hafi bara tekist nokkuð vel
upp. Það er ekki mikill svipur á hon-
um, en maður fær á tilfinninguna að
notagildið hafi setið í fyrirrúmi. Ekk-
ert að því.
Rými
En það er að innan sem maður áttar
sig á því hvað Modus er um margt
sniðugur bíll. Hann er margfalt
stærri að innan en utan, það er rúmt
fram í og aftur í fer ágætlega um tvo
fullorðna eða þrjá krakka og það
er mjög hátt til lofts. Það er mikið
af búnaði í bílnum, en það fer lítið
fyrir honum. Plastið er eilítið yfir-
drifið í innréttingunni og sætin virð-
ast svolítið fátækleg, en þau duga
samt furðuvel á langferð. Útsýnið
er alveg frábært og ökumaðurinn
hefur næma tilfinningu fyrir því
hvar hann er staddur í samhengi við
umhverfið. Mælaborðið er á eilítið
óvenjulegum stað, en það situr ofan
á borðinu og fyrir miðju. Efasemd-
ir um þá staðsetningu hurfu fljótt
í akstri. Græjurnar fylgja með og
geislaspilarinn les MP3-diska, sem
kom ánægjulega á óvart, en græjun-
um má stýra frá stýrinu, sem kemur
í góðar þarfir. En miðað við verðið
hefði maður búist við að það væri að-
eins meira lagt í innréttinguna
Farangur
Sem fyrr segir fer ágætlega um
mannskapinn, en bíllinn er stýfður
að aftan, þannig að farangursrýmið
er af mjög skornum skammti. Það
má hlaða eins og 4-5 stútfullum
innkaupapokum þangað, en ekki
miklu meiru. Hins vegar má leggja
aftursætin alveg fram og búa til heil-
mikið pláss þannig að gólfið er alveg
flatt. Afturhlerinn er gríðarstór,
sem getur komið sér vel, en það þarf
að vara sig aðeins á honum vegna
stærðarinnar. Það er of auðvelt að
rota ungana með honum þegar opn-
að er.
Öryggi
Það er Bosch-bremsukerfi í bílnum,
sem er alveg ágætt, og allar helstu
skammstafanir, sem máli skipta í
þeirri deild. Þó bíllinn sé smár er
hann vel hannaður með tilliti til
öryggis, byggingin gefur eftir við
árekstur þar sem við á, en farþeg-
arnir eru vel verndaðir. Sex loft-
púðar eru í bílnum.
Nytsemd og gæði
Það má hafa efasemdir um að
Modus uppfylli allar þær kröfur,
sem gerðar eru til fjölnotabíla,
en hann er býsna nytsamur til
flestra daglegra útréttinga og er fjöl-
hæfari en ætla mætti við fyrstu sýn.
Mikið af innvolsinu er fengið að láni
frá Clio og Megane, þannig að hann
reynist sjálfsagt endingargóður. Mod-
us er mjög haganlegur og gæti bæði
nýst sem fjölskyldubíll númer tvö
eða snattbíll fyrir fyrirtæki.
Blaðið/lngó
Renault Modus 1,6
B&L
Verö: 1.940.000
Fjölnotabíll
Eldsneyti: Bensín
Lengd: 3,79 m
Breidd:1,69m
Hæð: 1,59 m
Þyngd: 1.675 kg
Dyr:5
Vélarstærð: 1598cc
Hestöfl: 113
Kostir: Nytsamur og
furðu rúmgóður, vel útbú-
inn og skemmtilegur.
Gallar: Dýrari en sam-
keppnin, hægindi mættu
vera meiri.
Niðurstaða: Það er
eitthvað skemmtilegt
við Renault Modus sem
erfitt er að festa hönd
á. Þetta er ekki bíll fyrir
alla en fyrir suma er hann
alveg prýðilegur. Hann
er aðeins dýrari en sam-
keppnin (t.d. Honda Jazz),
óhætt að mæla með Hy-
undai Santa Fe til flestra
almennra fjölskyldunota.
Hann er vel útbúinn og
miðað við verð kemur
hann einstaklega vel út.
★ ★★★
Nýr formað-
ur Bílgreina-
sambandsins
Úlfar Steindórsson, fram-
kvæmdastjóri P. Samúelsson,
var kosinn formaður Bílgreina-
sambandsins á aðalfundi þess
um liðna helgi. Úlfar kemur
í stað Ernu Gísladóttur.Árni
M. Mathiesen, fjármálaráð-
herra, ávarpaði samkunduna
og einnig var flutt erindi um
mengun og mengunarkröfur.
Brimborg á
verðbrems-
unni
Að sögn Egils Jóhannssonar, for-
stjóra Brimborgar, hefur félagið
ekki hækkað verð á nýjum bfl-
um þrátt fyrir verulega gengis-
lækkun krónunnar undanfarna
daga og vikur. Gildir þetta um
allar gerðir nýrra bíla frá Brim-
borg,þ.e. Ford, Volvo, Citroén,
Lincoln eða Mazda. Ekki hefur
verið tekin ákvörðun um fram-
haldið, hvort eða hvenær nýir
bílar verða hækkaðir í verði.
Einn einn ofurbíllinn frá Svíþjóð
Svíar hafa upp á síðkastið látið æ meira til sín taka í hönnun ofurbíla, samanber Köning-
segg og BEBI. Hugmyndabíllinn Aero X frá Saab er nýjasta sönnun þess að Svíarnir eiga
erindi á ofurbílamarkaðinn, en hann stal senunni á bílasýningunni í Genf. Því miður er
ekki fyrirhugað að þessi tveggja sæta ofurbíll fari í framleiðslu, en minni útgáfa verður
sjálfsagt sett í framleiðslu eftir nokkur ár. Hins vegar er nokkur von til þess að hönnunin
smitist yfir á aðra Saab-bíla á næstunni. Þeir, sem ekið hafa þessari kerru, segja að útlitið
endurspegli eðli bílsins vel, það eina sem vanti séu vængirnir. Hurðirnar og framrúðan
lyftast í heilu lagi af bilnum, en útsýnið er engu Ifkt. Vélin er ekki heldur neitt slor, 2,8
Iftra 400 hestafla etanól-vél.
Evrópuöku-
skírteini
eftir 26 ár
Samgönguráðherrar Evrópusam-
bandslandanna hafa orðið ásáttir
um að koma á einu ökuskírteini
sem gildi innan alls Evrópu-
sambandsins. Skírteinið nýja
verður að öllum líkindum búið
örgjörva til að auðvelda eftirlit
og gera allt svindl og falsanir
erfiðari. Ekki er ráð nema í tíma
sé tekið og er miðað að því að
nýja skírteinið taki gildi árið 2032.
I Evrópusambandslöndunum 25
og í löndum Evrópska efnahags-
svæðisins; Islandi, Noregi og
Sviss, eru þessa stundina í gildi
alls um 110 gerðir ökuskírteina.
Jepparnir
menga
Ný írsk rannsókn bendir til þess
að aukinn fjöldi jeppa, jepplinga
og stórra bíla almennt, hafi auk-
ið mengun þar í landi talsvert á
umliðnum árum. Er rætt um að
herða á mengunarkröfunum af
þessum völdum eða að stærri
bílar verði skattlagðir af meiri
hörku en fram til þessa.