blaðið - 15.05.2006, Blaðsíða 8

8IFRÉTTIR
MÁNUDAGUR 15. MAÍ 2006 blaftió
Heimspeki friðar og manngæsku
Dadi Janki hefur um áratuga skeið beitt sér fyrir friði í heiminum. Von er á henni hingað til lands.
Indverska konan Dadi Janki er nú á
leið hingað til lands í vikunni en hún
er talin í hópi merkustu andlegra og
trúarlegra leiðtoga heimsins. Hún
hefur í tæpa sjö áratugi helgað líf sitt
baráttu fyrir betri heimi og beitt sér
mjög í þágu friðar og barnahjálpar
á vettvangi Sameinuðu þjóðanna.
Fyrir vikið hefur hún verið tilefnd
af Sameinuðu þjóðunum sem einn
af tíu gæslumönnum vísdóms og
þekkingar í heiminum. Hún heldur
áfram að ferðast á milli landa þrátt
fyrir háan aldur og má með sanni
segja að koma hennar hingað til
lands sé merkisviðburður.
Hittirforseta íslands
Dadi Janki fæddist á Indlandi árið
1916. Árið 1937, aðeins 21 árs að aldri,
gekk hún til liðs við Brahma Kuma-
ris-samtökin sem hafa það að mark-
miði að berjast fyrir bættum heimi
m.a. með hugleiðslu og jákvæðri
hugsun. Segja má að hún sé einn af
aðalstofnendum þessara samtaka
sem nú teygja anga sína til 84 landa
víðs vegar um heiminn, þar á meðal
til íslands.
Árið 1974 yfirgaf Dadi Indland og
settist að á Englandi, nánar tiltekið
í Lundúnum, þar sem hún hafði
yfirumsjón með stofnun Brahma
Kumaris-skóla þar í borg. Þar setti
hún ennfremur upp miðstöð sína og
frá Englandi hefur hún hjálpað fólki
í yfir 129 löndum á siðastliðnum 32
árum. Það var svo árið 1990 sem
framlag Dadi til heimsfriðar var sér-
staklega viðurkennt af Sameinuðu
þjóðunum þegar henni var boðið að
verða einn af tíu gæslumönnum vís-
dóms og þekkingar i heiminum.
Þrátt fyrir háan aldur heldur Dadi
áfram að ferðast um heiminn og
boða frið og innri íhugun. Þann 18.
maí næstkomandi er von á henni
hingað til lands en þetta er í fyrsta
skipti sem hún sækir ísland heim.
Mun hún m.a. hitta forseta íslands
að máli og halda fyrirlestur i Salnum
í Kópavogi
Boðarfrið
Sigrún Olsen, forstöðumaður Lót-
ushússins í Kópavogi, stendur fyrir
komu Dadi Janki hingað til lands.
Hún segir mikinn heiður af heim-
sókn Dadi og segir íslendinga geta
lært margt af heimspeki hennar.
,Hún heldur fyrirlestra um frið og
innri frið og hvernig við eigum að
hugleiða og snúa hugsunum okkar
inn á við. Boðskapur hennar og
kennsla snýst ekki um líkamlegar
æfingar heldur einungis huglæga
þætti. Fólk lærir að hugsa jákvætt
og með hugleiðingum komast dýpra
inn í sjálfan sig. Ég held að við íslend-
ingar getum lært mikið af henni.
Við gefum okkur of lítinn tíma til
að slaka á og spyrja okkur þessara
grundvalla spurninga um tilvist
okkar og tilgang."
Lítur á sig sem kennara
Sigrún segir heimspeki Dadi
eiga lítið sameiginlegt með trúar-
brögðum og að Dadi sjálf líti á sig
sem kennara frekar en leiðtoga.
,Hún er ekki tilbeðin sem slík. Hún
er bara í Brahma Kumaris-skól-
anum og hefur gengið lengst af
þeim sem hann sækja. Hún er að
þessu leyti fyrirmynd því hún hefur
Sigrún Olsen, forstöðumaður Lótushússins í Kópavogi. Blatit/SleinarHugi
gengið þann veg sem hún boðar.
Það er fólk úr öllum trúarbrögðum
sem sækir þennan skóla og því ekki
hægt að segja að skólinn sé tengdur
sérstaklega einum trúarbrögðum
umfram önnur.“
Sigrún segir hugleiðslukerfi eiga
mjög mikið erindi til samtímans
því það hjálpi fólki að berjast gegn
streitu sem fylgir gjarnan hvers-
deginum. „Fólk sem leitar til Lótus-
hússins hér í Kópavoginum kvartar
gjarnan yfir áreiti og streitu í hinu
daglega lífi. Það er margt í nútím-
anum sem er streituvaldandi og fólk
er misjafnlega í stakk búið til að
takast á við hana. Bara það að gefa
sér tíma á hverjum degi til að vera
með sjálfum sér í frið og ró getur
algerlega breytt líðan manns. Fólk
fer allt öðruvísi í gegnum daginn ef
það gefur sér reglulega nokkrar sek-
úndur þar sem það bara stoppar og
beitir hugleiðslu."
Grunnnám á Indlandi
Lótushúsið í Kópavogi er útibú
Brahma Kumaris-skólans og hefur
verið starfandi síðan árið 2000 en
það var einmitt Dadi Janki sem
hvatti til stofnun hans. Skólann stofn-
aði Sigrún ásamt eiginmanni sínum
eftir að þau bæði höfðu klárað grunn-
f
f
f
Dadi Janki
nám í höfuðstöðvum Brahma Kuma-
ris á Indlandi. „Dadi er minn aðal-
kennari og ég hef hitt hana reglulega
fjórum sinnum á ári síðastliðin níu
ár. Hún hvatti okkur hjónin til að
standa fyrir þessu starfi hér heima
og má segja að hún hafi ýtt þessu úr
vör á sínum tíma. Við hófum starfið
árið 1997 en skólinn var síðan opn-
aður formlega árið 2000“
I Lótushúsinu í Kópavogi gefst
fólki tækifæri til að leggja stund
á hugleiðslu og kynna sér helstu
tækni hennar í anda Brahma Kuma-
ris-skólans. Sigrún segir ekki mikið
mál fyrir fólk að læra hugleiðslu-
tæknina sjálfa en mesti tíminn fari
í það að kunna nota hana rétt. „Það
er hægt að kenna stafrófið en siðan
verður hver og einn að læra að lesa.
Hjá okkur er kennd mjög einföld að-
ferð sem allir geta nýtt sér til að læra
meira. Þetta er einfalt því það byggir
á náttúrulegum þáttum en síðan er
það undir hverjum og einum komið
hversu mikið hann leggur stund á
hugleiðsluna."
Fyrirlestur Dadi Janki fer fram
eins og áður sagði í Salnum í Kópa-
vogi þann 19. maí næstkomandi
klukkan 20.
hoskuldur@bladid.net
Upplýsingar og skróning ó netinu:
www.ulfljotsvafn.is
- Kassaklifur - &P5 ratleikir - Batasiglingar - Vatnaleikir - Frumbyggjastöi/r -
Fyrir stráka og stelpur 8-1 2 ára - skipt í hópa eftir aldri
Krassandi útilífsœvintýri - fjör og hópeflisandi!
%%
INNRITUN ER HAFIN - Opið virka daga kl. 10-16 - sími 550 9800 - sumarbudir@ulfljotsvatn.is