blaðið - 09.09.2006, Blaðsíða 19

LAUGARDAGUR 9. SEPTEMBER 2006 19
Leiðsögn um sýningu
Á morgun ki. 14 mun Rakel Pétursdóttir leiða gesti um sýninguna Landslagið
og þjóðsagan í Listasafni íslands. Hún mun velta upp spurningum um merkingu
íslenskrar myndlistar og hlutverk hennar í sjálfsmynd þjóðar. Áhugamenn um
íslenska myndlist ættu ekki að láta leiðsögn Rakelar fram hjá sér fara.
Angela Gilbert syngur í Óperunni
Óperuunnendur hafa ástæðu til
að kætast þessa dagana en nú er
ljóst að Angela Gilbert, sópransöng-
kona frá Suður-Afríku, mun taka
þátt í uppfærslu fslensku óperunn-
ar á Brottnáminu úr kvennabúrinu
eftir Mozart sem frumsýnd verður
29. september nk. Gilbert mun fara
með krefjandi hlutverk Konstönzu
í óperunni góðkunnu sem Mozart
samdi þegar hann var 25 ára gamall.
Brottnámið úr kvennabúrinu samdi
Mozart í Vín þegar hann var 25 ára
gamall og varð óperan fljótlega vin-
sælasta ópera Mozarts utan Vínar-
borgar.
Angela Gilbert er aðeins 32 ára göm-
ul en hefur hvarvetna vakið mikla
athygli fyrir sína ótrúlegu rödd og
er óhætt að fullyrða að hún eigi fram-
tíðina fyrir sér á sviðinu. í febrúar
síðastliðnum hlaut Gilbert heljar-
innar lof gagnrýnenda og virtustu
tónlistarspekúlanta fyrir frammi-
stöðu sína í hlutverki Luciu í Lucia di
Lammermoor eftir Donizetti í San
Diego-óperunni í Bandaríkjunum.
Gagnrýnandi NC Times hafði það
meðal annars á orði að hæfileikar
Gilbert væru þvílíkir að hún gæti
vel orðið Lucia sinnar kynslóðar.
Gilbert hefur fengist við fjölbreytt
verkefni síðan hún lauk prófi frá
Suðurafríska tónlistarháskólanum
í Höfðaborg og hefur hún unnið til
fjölda viðurkenninga á sínum stutta
ferli. Það er því ljóst að það er mikill
hvalreki fyrir íslenska óperuunnend-
ur að fá þessa ungu söngkonu hingað
til að hefja upp raust sína.
blaöiö
Róttækar túlkanir
á trúarbrögðum
Mánudaginn 11. september mun
Magnús Þorkell Bernharðsson
flytja fyrirlesturinn „Róttækar túlk-
anir á trúarbrögðum og hugsan-
legar pólitískar afleiðingar þeirra“
en þennan dag verða einmitt 5 ár
liðin frá hryðjuverkaárásunum í
Bandaríkjunum. Magnús Þorkell
er að góðu kunnur fyrir rannsóknir
sínar á málefnum Mið-Austurlanda
en hann býr og starfar í Banda-
ríkjunum. Fyrirlesturinn fjallar um
hin nýju tengsl á milli trúarbragða
og stjórnmála þar sem athyglinni
verður beint að íran og Bandaríkj-
unum, sem deila nú opinberlega
á alþjóðavettvangi. Sérstaklega
verður fjallað um hugmyndir um
endalok heimsins meðal sjíta í íran
og bókstafstrúarmanna í Bandaríkj-
unum og hugsanleg áhrif þeirra á
ráðamenn þessara ríkja. Fyrirlesari
ber saman þessar hugmyndir um
endalok heimsins og veltir fyrir sér
hvaða afleiðingar þær gætu haft á
stjórnmál líðandi stundar. Alþjóða-
málastofnun stendur að fyrirlestr-
inum sem er öllum opinn. Hann
verður haldinn í Öskju, stofu 132,
og hefst kl. 17.
Líf í sjálfstæðu
leikhúsunum
Að vanda verður líf í tuskunum hjá
sjálfstæðu leikhúsunum í vetur en
um 26 leiksýningar verða frum-
sýndar á vegum aðildarfélaga
sjálfstæðu leikhúsanna. Sjálfstætt
starfandi leikhúsin hafa verið í
töluverðri sókn síðustu misserin
og á siðasta leikári frumsýndu þau
um 60 leiksýningar um allt land.
Áhorfendafjöldinn hefur aukist
jafnt og þétt og Ijóst er að það eru
ekki bara stofnanaleikhúsin sem
blómstra þessa dagana enda fátt
skemmtilegra en að sjá góða sýn-
ingu á sviði.
Verkefnaskráin hjá sjálfstæðu leik-
húsunum í vetur verður fjölbreytt
að vanda og munu söngleikir,
klassísk verk og ný íslensk verk
verða sett á svið svo fátt eitt sé
nefnt. Innan samtakanna eru einnig
starfandi öflug barna- og brúðu-
leikhús sem ferðast um landið og
bjóða leikskólum og grunnskólum
upp á farandsýningar. Óhætt er því
að fullyrða að spennandi vetur er
í vændum hjá leikhúsunnendum á
öllum aldri.
YfSA
Spurðu um VISA Lán
Nánari upplýsingar á www.visa.is/visalan
eöa í sima 525 2000
Dreifðu staðgreiðslunni
VISA Lán er hagstæð leið til greiðsludreifingar
við kaup á vörum eða þjónustu.
+ Staðgreiðsluverð
+ Lægri vextir
+ Lægri kostnaður
+ Til allt að 36 mánaða
+ Framlengdur ábyrgðartími
+ Flutningstrygging
+ Vildarpunktar