blaðið - 09.09.2006, Blaðsíða 22

22 LAUGARDAGUR 9. SEPTEMBER 2006
blaöiA
Orn Arnarson, leikari
Haustið er gengið í garð og þess er sennilega ekki langt að bíða að
laufin fölni og blóm visni. Þó að haustið geti verið drungalegt hefur
það sinn sjarma eins og aðrar árstíðir og í hugum margra er það
tími umskipta í lífi og starfi. Blaðið fékk fimm þjóðþekkta einstak-
linga til að segja sérfrá því hvernig haustið legðist í þá. ^
Eins og gömul díselvél
Haustið hjá leikara- og skemmtikrafta-
stéttinni þýðir fyrst og fremst annir því
að þá er alltaf mest að gera. Þá er kannski
verið að æfa upp leikrit sem hafa verið
sýnd áður, fólk er að bóka skemmtanir
og nýjar leiksýningar eru settar á fjalirn-
ar. Það getur því oft verið mikið púsl að
koma deginum saman en þetta hefst allt
saman.
Það þarf smáátak að komast í gang
á haustin. Þetta er eins og gömul dísil-
vél. Það tekur smátíma að ræsa hana en
þegar hún er komin í gang þá lullar hún
ágætlega. Ég er fljótur að trekkja mig upp
á haustin og svona rigningarveður eins
wmmmm
og núna hefur engin áhrif á mig. Ég verð
bara blautur.
Vissulega hafa veðrabreytingar einhver
áhrif á mann. Maður er ekkert undanskil-
inn því en eigum við ekki að segja að ef
manni finnst þokkalega gaman í vinn-
unni þá vegur það upp á móti því.
Áhugamálið mitt er jafnframt vinnan
mín sem er að skemmta og gera fólk glatt
í sinni og reyna að gleðja það með því sem
ég kann og get.
Að öðru leyti er ég ekki mikill áhuga-
málamaður. Ég keypti mér til dæmis golf-
kort í sumar og ég held að það komi bara
því miður til með að fara í rarama.
Svolítill djass
í haustinu
Haustið er fínt maður. Það leggst bara vel í
mig eins og allar aðrar árstíðir. Hver árstíð hef-
ur sinn sjarma.
Ég get ekki sagt að það hafi mikil áhrif á
skapið enda er ég nokkuð jafnlyndur.
Ég fer stundum í eins konar menntagír á
þessum árstíma. f fyrra fór ég til dæmis í
spænskunám og ætla að halda því áfram núna.
Það er svolítið nýtt fyrir mér enda hef ég ekki
farið í skóla lengi. Ég kann mjög vel við það
enda er spænskan að verða svo stórt tungu-
mál í heiminum, til jafns við enskuna eða því
sem næst. Það er því gott að kunna hana. Það
skemmir alla vega ekki fyrir.
Það er mikið að gera í tónlistinni allt árið en
haustið er ágætistími til að semja lög og texta.
Það er minni erill í ferðalögum en til dæmis á
sumrin og svo er þetta frjór tími. Litirnir eru
oft svo fallegir á haustin og þeir hafa áhrif á
mann.
Þá er djassfestival nú á haustdögum sem er
vel við hæfi enda er svolítill djass í haustinu.
Ég hlusta reyndar á tónlist allan ársins hring
en það getur verið að sumir hlusti á ólíka tón-
list eftir árstíðum. Það er önnur stemning þeg-
ar það er sól og hlýja en þegar það er rigning
og myrkur.
Fjölskylduferð
og urriði
f raun og veru breytir hið eiginlega haust
ekki lifnaðarháttum og lífsstíl mikið að öðru
leyti en því að þegar skólarnir hefjast breytist
allur ryþmi. Það gerist reyndar síðla sumars
núorðið þannig að þegar haustið hellist yfir
með sínum fölu og rauðu laufum og nætur-
frostum hefur það ekki mikil áhrif á þennan
daglega ryþma.
Maður fagnar í sjálfu sér haustinu ef það
kemur á réttum tíma því að haustið er fallegur
árstími og birtan er sérstaklega falleg. Það býð-
ur upp á mjög marga möguleika til öðruvísi
útivistar og skemmtilegra gönguferða.
Ég hef yfirleitt alltaf reynt að fara eina helgi
með fjölskylduna út úr bænum á þessum
dæmigerða hausttíma upp úr miðjum sept-
ember, meðal annars til að upplifa betur þenn-
an tærleika, kalda morgna og jafnvel snjó efst
í fjöllum.
Það er kannski ein hefð sem hefur orðið til
hjá mér og tilheyrir haustinu. Ég hef ákaflega
gaman af því að fara á Þingvöll, ekki til að
skoða haustlitina heldur til að líta á urriðann.
Stóri urriðinn er í klaki í október og Össur
Skarphéðinsson kenndi mér það einu sinni að
ef maður fer í þriðju vikunni í október þá sér
maður alltaf stóra urriðann í rigningu.
Ég tek með gleði á móti haustinu og vetrin-
um. Mér finnst alltaf gaman að árstíðaskipt-
unum og skemmtilegt þegar fer að dimma á
kvöldin. Maður setur sig í annan gír og fer að
undirbúa sig fyrir veturinn. í þingstarfinu er
maður að undirbúa þingmálin núna þannig
að tíminn fer að mestu í það.
Þar sem ég er í sveit tilheyra náttúrlega göng-
ur og réttir haustverkunum og að undirbúa
búrið fyrir veturinn. Ég er búin að fara í berja-
mó og sulta sem er einnig hluti af haustverkun-
um hjá mér. Þetta er nokkuð sem ég geri alltaf
og finnst mjög skemmtilegt.
Ég fer í Reyðarvatnsréttir á Rangárvöllun-
um sem eru frekar stórar réttir. Þar hittast all-
ir úr sveitinni og einnig koma margir frá Hellu
og brottfluttir sveitungar.
Þetta eru skemmtileg mannamót og það er
óskaplega gaman að hitta fólkið sem snýst í
kringum þetta. Þetta er mjög skemmtilegur
dagur en það er reyndar ekki jafnmikið um
réttarböll og þess háttar í dag eins og áður fyrr.
Það gera sér margir dagamun og ég elda alltaf
kjötsúpu og fæ marga í mat.
Fólk hefur afskaplega gaman af því að koma
í réttir og upplifa þessa stemningu þó að féð sé
Tími til
uppbyggingar
Núorðið finnst mér haustið vera mjög góður
tími. Einu sinni vildi ég alltaf hafa eilíft sum-
ar með glampandi sól og skærgrænu grasi en
núna kann ég vel við rökkrið og haustlitina.
Haustið er tími uppbyggingar. Þá vinnur
maður úr uppsafnaðri orku eftir sumarið og
undirbýr sig fyrir góðan vetur. Þetta er góður
tími til að skipuleggja veturinn og koma strúk-
túr á tilveruna eftir flakk sumarsins, hreinsa
út úr fataskápunum og gera eitthvað fyrir
heimilið.
Svo finnst mér haustið alltaf besti tíminn til
að byrja á bók eða klára bók og svo hlakka ég
til að kveikja upp í kamínunni heima hjá mér
en reyni að treina mér það fram í október.
Ég ferðast mikið um landið á sumrin og mér
finnst ég ná í rosalega orku úr landinu sem síð-
an nýtist manni allan veturinn.
Áður en ég eignaðist dóttur mína fyrir tveim-
ur árum reyndi ég alltaf að fara i fjallaferðir á
haustin. Þetta er svo góður tími vegna þess að
þá eru eiginlega allir túristarnir farnir og mað-
ur hefur landið út af fyrir sig.
Mér datt einnig í hug einn brandari sem
tengist haustinu. Vinkona mín hefur verið að
kenna dóttur sinni Faðirvorið og eftir nokkur
kvöld spurði sú litla: „Hvenær eigum við eigin-
lega að fara að byrja á Faðirhausti?“