blaðið - 12.09.2006, Qupperneq 18

blaðið*
mmm

Útgáfufélag: Árogdagurehf.
Stjórnarformaður: SigurðurG.Guðjónsson
Ritstjóri: Sigurjón M. Egilsson
Fréttastjórar: Brynjólfur Þór Guðmundsson og
Gunnhildur Arna Gunnarsdóttir
Ritstjórnarfulltrúi: Janus Sigurjónsson
Hálfur ráðherra
Valgerður Sverrisdóttir baðst einhverra hluta vegna undan helsta verk-
efni utanríkisráðherra þegar hún tók við embættinu. Valgerður Sverris-
dóttir er þess vegna aðeins hálfur ráðherra, en á fullum launum. Varnar-
málin eru á borði forsætisráðherra sem er manna snjallastur í að þegja
og fela upplýsingar. Nú hefur komið í ljós, nánast öllum að óvörum, að
enginn hefur fylgst með loftferðum við ísland í nokkurn tíma. Forsætis-
ráðherra hefur vonandi vitað af þessu, en þó kosið að segja ekki frá. Sú
krafa er ekki gerð til Valgerðar Sverrisdóttur utanríkisráðherra að hún
hafi vitað af varnarleysinu. Enda er það ekki á hennar borði. Hún afþakk-
aði stærsta verkefni ráðuneytisins.
Hvers vegna ætli það líðist að utanríkisráðherra fari ekki með varnar-
mál og hvers vegna gengur það í langan tíma að utanríkismálanefnd viti
ekki af varnarleysinu? Svörin eru augljós.
Til að byrja með sannar staða Valgerðar að í raun skiptir það eitt mál að
halda ríkisstjórninni saman. Ráðherrar koma og ráðherrar fara af meiri
krafti en dæmi eru um. Framsókn er svo illa leikin að flokkurinn hafði
engan til að gegna embætti utanríkisráðherra; bekkurinn er bara of þunnt
skipaður og þess vegna varð úr að Valgerður var sett í utanríkisráðuney tið
til að flokkurinn teldist halda því embætti, en þar sem hún treysti sér ekki
til verksins var fundin þessa sérstaka leið að fela öðrum að fara með eina
málið sem skiptir verulegu máli. Eftir situr Valgerður í embætti til þess
eins að vista það fyrir Framsóknarflokkinn, til að draga úr eða til að fela
niðurlæginguna.
Utanríkismálanefnd var ekki sett inn í stöðu varnarmála vegna þess
að hún skiptir engu máli, alla vega ekki miklu. Á Islandi er ráðherraræði
og það er í mesta lagi fyrir kurteisissakir sem þingnefndir eru settar inn í
mál, og þá helst ef einstaka þingmenn hafa kvartað sáran. Meiningin með
því að setja þingið inn í einstök mál er í sjálfu sér engin. Ekki nokkur. Það
er bara þannig að það þarf að gera ýmislegt til að halda friðinn, til að láta
hlutina líta sem best út. En í erli valdsins getur það svo sem gleymst og
lái forsætisráðherra hver sem vill þó hann upplýsi þingið ekki um þetta
mál. Það hefði engu breytt. Stjórnarandstæðingar hefðu kannski hrópað
á torgum. Ekki hafa þeir þingið til þess. Það er enn í sumarfríi og hefur
verið síðan snemma í vor. Stjórnarsinnar hefðu hvort eð er sagt þetta allt
í besta lagi, ráðherrana alla vera að gera rétt. Þannig er það og þannig
verður það. Þingmenn ganga oftast lengst allra í að lítillækka eigin störf
og eigin stöðu.
Staða þjóðarinnar væri örugglega ekki verri og ekki betri þó Valgerður
væri alvöru ráðherra og sinnti öllum störfum utanríkisráðherra. Það
skipti sennilega engu. Varðveisla hennar á embættinu fyrir Framsóknar-
flokkinn sýnir betur en flest annað að stjórnmálin eru fyrir flokkana og
ráðamennina en ekki öfugt.
Sigurjón M. Egilsson
Auglýsingastjóri: Steinn Kári Ragnarsson Ritstjóm & auglýsingar. Hádegismóum 2,110 Reykjavík
Aðalsimi: 510 3700 Símbréf á fréttadeild: 510 3701 Símbréf á augiýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiöja Morgunblaðsins
HAROVIÐARVALS
Gulltryggð þjónmta!
Kiókhálsi 4*110 Reykjavík • Sími 567 1010 • www.parket
„Velferðarstjórn'"
Framsóknarflokksins
Á nýliðnu flokksþingi Fram-
sóknarflokksins hélt Halldór Ás-
grímsson sína síðustu yfirlitsræðu
sem formaður þess flokks. Orð
sem hann lét þar falla hafa staðið
nokkuð í mér. I ræðunni fullyrti
Halldór nefnilega að velferðarstjórn
væri réttnefni á stjórnarsamstarfi
Framsóknar- og Sjálfstæðisflokks.
Ekki veit ég hvort Halldór hefur
verið að slá á létta strengi svona í
lok ferils síns eða hvort framsóknar-
menn séu svona illa haldnir af rang-
hugmyndum því ekki hafa verk
ríkisstjórnarinnar gefið til kynna
að þar fari velferðarstjórn. Hið
síðara er öllu verra því það gefur
okkur fyrirheit um það sem koma
skal haldi samstarf þessara flokka
áfram - fyrirheit um áframhald-
andi misskiptingu.
Velferð hinna fáu
Mér þykir illa farið með hug-
takið velferðarstjórn þegar það er
notað í samhengi við ríkisstjórn
Sjálfstæðis- og Framsóknarflokks
því aldrei hefur ójöfnuðurinn verið
meiri í íslensku samfélagi en ein-
mitt nú eftir áralanga stjórnarsetu
þessara flokka eins og Ingibjörg
Sólrún Gísladóttir, formaður Sam-
fylkingarinnar, hefur ítrekað bent
á. Eftir þessa ríkisstjórn stendur
nefnilega samfélag þar sem ójöfn-
uðurinn er orðinn hrópandi og
getur ekki dulist nokkrum manni.
Afleiðingar stjórnvaldsaðgerða
þessarar ríkisstjórnar bera ekki vel-
ferðarstjórn nokkurt vitni nema þá
kannski velferð hinna fáu.
Misskiptingarstjórnin
Eftir þessa ríkisstjórn stendur
misskipting - misskiptingarstjórn
er því réttnefni yfir þessa ríkis-
stjórn. Misskiptingunni hefur að
Katrín Júlíusdóttir
stórum hluta verið stýrt í gegnum
skattkerfið en með markvissum að-
gerðum hefur ríkisstjórnin lækkað
skatta á þá sem hafa allra hæstu
tekjurnar á meðan skattbyrði á hin
90% heimilanna í landinu hefur
hækkað - þá allra mest hjá hinum
tekjulægstu. Þessar upplýsingar
liggja allar fyrir. Þá hafa vaxtabætur
og barnabætur verið skertar á sama
tíma. Þetta þýðir að sú aukning
kaupmáttar sem ríkisstjórnin hefur
barið sér á brjóst fyrir hefur mis-
skipst þannig að aukningin er 27%
hjá lágtekjuhópunum - jafnvel enn
lægri hjá lifeyrisþegum- en 78% hjá
þeim allra tekjuhæstu. Þetta eru
ekki ummerki velferðarstjórnar
heldur misskiptingarstjórnar.
Tvöfalt heilbrigðiskerfi
Afleiðingar verka þessarar ríkis-
stjórnar misskiptingar koma harka-
lega niður á fjölskyldum í landinu.
Aldrei hefur verið jafn dýrt að koma
sér upp þaki yfir höfuðið. Og nú er
verðbólgan í tæpum 9% vegna efna-
hagsmistaka þessarar ríkisstjórnar.
Unga fólkið sem öllu var lofað fyrir
síðustu kosningar horfir því upp
á húsnæðislánin bólgna út dag
frá degi með tilheyrandi lífskjara-
rýrnun. Vextir eru margfalt hærri
hér en í nágrannalöndunum og verð-
lag á nauðsynjavörum er tugum pró-
senta hærra hér en í nágrannalönd-
unum eftir 11 ára stjórnarsamstarf
Framsóknar- og Sjálfstæðisflokks.
Stór hluti eldri borgara og öryrkjar
þarf að lifa á skammarlega lágum
launum sem hann í ofanálag þarf
að greiða skatt af vegna þess að
misskiptingastjórnin frysti skatt-
leysismörkin á meðan hún lækkaði
skattana á þá sem hafa allra hæstu
tekjurnar í landinu. Og nú hefur rík-
isstjórnin með Siv Friðleifsdóttur
heilbrigðisráðherra í broddi fylk-
ingar staðfest með reglugerð vísi
að tvöföldu heilbrigðiskerfi. Því nú
eru hjartalæknar utan samninga og
geta sjúklingar borgað sig fram fyrir
og sloppið við tafsamt tilvísanakerfi
hafi þeir efni á því. Þetta eru ekki
ummerki velferðarstjórnar heldur
misskiptingarstjórnar.
Af þessu er ljóst að Framsókn-
arflokkurinn er stefnulaust
rekald og alls ekki til þess bær
að vera við stjórnvölinn áfram.
Höfundur er þingmaður
Samfylkingarinnar í Suðvesturkjördæmi.
Klippt & skorið
Neðanmáls í Lesbók MorgunblaÖsins
mátti lesa nokkur almælt tíðindi um
baráttuna gegn hryðjuverkum eftir
Þröst Helgason, ritstjóra Lesbókarinnar.
Hannteluraðtil hernaðar
í Irak hafi verið stofnað
sem fjölmiðlasjónarspils,
sem út af fyrir sig er ekki
óvænt kenning í þessu
helsta málgagni póstmó-
dernismans. En hitt var sérkennilegra að sjá
Flóabardagana tvo nefnda Golfstrfðin. Golf-
stríðin?! Kanarnir hefðu sjálfsagt betur sent
Tiger Woods og menn hans heldur en þennan
Tommy Franks. En stríð og íþróttir geta verið
skyld, því hver man ekki eftir fótboltastrfði El
Salvadors og Hondúras árið 1969? Eða boxara-
uppreisninni í Kína árið 1899?
Toshiki Toma, presti innflytjenda, eru
ekki vandaðar kveðjurnar í aðsendum
greinum í Morgunblaðinu í gær, en þar
stinga þeir Albert Jensen trésmiður og Pétur
Jónsson, framkvæmdastjóri
og fyrrverandi borgarfulltrúi
krata, niður penna til varnar
málfrelsinu. Tilefnið vargrein
Toshiki í Mogga fyrir viku, þar
sem presturinn tók svari músl-
íma vegna efasemda um íslam og íslamista að
undanförnu. I lok greinar sinnar kvaðst Toshiki
meta tjáningarfrelsið mikils, en taldi að greinar,
þar sem ódæðum (slamskra hryðjuverkahópa
væri lýst sem verknaði múslíma, væru tilraun
til að vekja haturá múslímum yfirleitt. Spurði
hann hvort Morgunblaðiö ætti að leyfa fólki að
viðra slíkt á síðum blaðsins.
BjörnlngiHrafnsson
bloggar um öryggis-
mál i gær og finnst
pólitíkin hér smáleg þegar
þau snúast helst um skitkast
gegn Birni Bjarnasyni.
„Islenskt samfélag er sem betur fer enn
tiltölulega öruggt og friðsælt. En því miður
eru óveðursský áhimnumog ábyrgðarlaust að
virða þau að vettugi. Efsvo færi, að eitthvað
voðaverk yrði, myndi að sjálfsögðu verða
kallað eftirþvl hvort stjórnvöld hafi brugðist
skyldum slnum, hvort eftirliti hafi verið ábóta-
vant og svo framvegis. Gæti þá ekki verið gott
að hafa unnið heimavinnuna slna?"
WWW.BJORNINGI.IS
andres.magnusson@bladid.net