blaðið - 10.03.2007, Blaðsíða 4

4 LAUGARDAGUR 10. MARS 2007
blaöiö
INNLENT
AKUREYRI
Farþegum í strætó snarfjölgar
Farþegum með Strætisvögnum Akureyrar fjölgaði um rúmlega
78 prósent í febrúar miðað við sama tíma í fyrra. Fjölgunin í
janúar var um 60 prósent. Þessa miklu fjölgun má að mestu
leyti rekja til þess að fargjaldið hefur verið ókeypis frá áramótum.
Fjölguninni varð vart á öllum leiðum og öllum tímum dags.
MOSFELLSBÆR
Bæjarstjórn kærir ekki úrskurð
Bæjarstjóm Mosfellsbæjar fagnar niðurstöðu Skipulags-
stofnunar um að skila verði umhverfisskýrslu vegna
deiliskipulags tengibrautar í landi Helgafells. Bæjarstjórnin
hefur hafið undirbúningsvinnu. Varmársamtökin segja
úrskurðinn sýna ólögmæti deiliskiþulagsins.
MARGRÉT SVERRISDÓTTIR
Framboðið kynnt í næstu viku
„Við fundum stíft um helgina," segir Margrét Sverrisdóttir
um nýja stjórnmálaflokkinn sem hún vinnur að því að
stofna ásamt Ómari Ragnarssyni, Ástu Þorleifsdóttur
jarðfræðingi og jarðverkfræðingi, Guðrúnu Ásmundsdóttur
leíkkonu og fleirum. Bjóða á fram í öllum kjördæmum.
Náttúruverndarsamtökin um Heiðmörk:
Kæra leyfisveitingu
„Ég býst við því að við munum
kæra leyfisveitinguna. Mér sýnist
vera full ástæða til,“ segir Árni
Finnsson, formaður Náttúruvernd-
arsamtaka íslands.
í vikunni veitti skipulagsráð
Reykjavíkurborgar Kópavogsbæ
framkvæmdaleyfi fyrir vatns-
lögnum í Heiðmörk eftir að bær-
inn hafði grafið skurði
og fellt tré í leyfisleysi.
Skipulagsstofnun
hefur efasemdir um pg
réttmætileyfisinsþar Sr-jg
sem breytingar hafi
ekki verið gerðar á aðalskipu-
lagi svæðisins en því eru lögmenn
borgarinnar ósammála.
Árni segist undrandi á ferli máls-
ins. „Það
er eitthvað
bogið við
þetta dæmi.
Bæjarstjóri
Kópavogsbæjar virðist hafa eitt-
hvert tak á stjórnendum borgar-
innar,“ segir Árni.
Borgin ósammála
“-■^c.nrs
Evropusambandið:
Draga úr mengun
Leiðtogar Evrópusambandsríkj-
anna samþykktu á fundi í Brussel
í gær að draga úr losun gróður-
húsalofttegunda um tuttugu pró-
sent fram til ársins 2020, miðað
við mengunina eins og hún var
árið 1990. Þá er stefnt að því að
fimmtungur orku í öllum aðildar-
ríkjum sambandsins komi frá end-
urnýtanlegum orkugjöfum, svo
sem vind- og sólarorku, árið 2020.
Tony Blair, forsætisráðherra
Bretlands, lýsti yfir mikilli
ánægju með samninginn og sagði
samninginn vera stórt skref til
að gera Evrópusambandið leið-
andi í loftslagsmálum heimsins.
Talið er að Evrópusambandið
muni bjóðast til þess að hækka
takmarkið úr tuttugu í þrjátíu pró-
Tímamótasamningur Angela
Merkel og Tony Blair fögnuðu
bæði undirritun loftslagssamnings
Evrópusambandsins.
sent, ákveði mestu mengunarríki
heims, Bandaríkin, Indland og
Kína, að gera slíkt hið sama.
Starfsgreinasambandið:
Skoðar Katsouris
„Við munum að sjálfsögðu
skoða málið. Við leggjum mikla
áherslu á að passa upp á að íslensk
fyrirtæki hegði sér eins og við
viljum að þau geri,“ segir Skúli
Thoroddsen, framkvæmdastjóri
Starfsgreinasambandsins.
Ensk verkalýðshreyfing, GMB,
gagnrýnir harðlega aðbúnað og
hreinlæti í verksmiðjum dótturfyrir-
tækis Bakkavarar á Englandi.
Starfsgreinasambandið tengist
evrópusamtökum í matvælaiðnaði
og Skúli telur liklegt að í gegnum
þau verði farið við eftirgrennslan.
Hann segir mikilvægt að fá úr því
skorið hvort gagnrýnin eigi rétt á
sér. „Orð eru til alls fyrst og mikil-
vægt að islensk fyrirtæki hafi á sér
gæðastimpil erlendis. Þessu máli er
ekki lokið og við munum skoða það,“
segir Skúli.
Það sem hafa ber í huga varðandi andlát og útför
Sverrir Einarsson
Hcrmann Jónasson
Geir Harðarson Bryndís Valbjamardóttir
ÚTFARARSTOFA ÍSLANDS
Suðurhlið 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tílkynningar f fjölmióla • Landsbyggðarþjónusta • Líkflutningar

mm.

Foreldri í vanda með bankaviðpkipti un0ingsins:
#r 1 * I
Ahorfandi að
eyðslu unglings
Ráða sjálf yfir launum og gjafafé Lét ekki skra sig sem prókúruhafa
Eftir Trausta Hafsteinsson
trausti@bladid.net
„Ég get í raun ekkert gert og það er
rosalega skrítið. Þetta er hennar reikn-
ingur og hennar peningur. Hún þarf
að samþykja mig sem prókúruhafa
og á meðan hún samþykkir það ekki
stend ég utan við,“ segir Steinunn
Helga Oskarsdóttir, móðir fjórtán
ára stúlku sem nýverið fékk afhent
debetkort hjá Glitni.
Hægt er að stofna debetreikning
hjá Glitni þegar barn verður tólf ára
gamalt og við fjórtán ára aldur fær
unglingurinn debetkort. Lögum
samkvæmt ræður ófjárráða einstak-
lingur þeim fjármunum sem hann
vinnur sér inn sjálfur eða hlýtur að
Í;jöf, þar með taldar dánargjafir. Á
slandi verður einstaklingur hins
vegar fjárráða við átján ára aldur og
á þeim tímapunkti ræður hann yfir
öllum sínum fjármunum.
Foreldrar misnota fé
Sigríður Anna Ellerup, lögfræð-
ingur hjá embætti umboðsmanns
barna, segir lögin alveg skýr í þá
veru að unglingar ráði sínu sjálfsafla-
og gjafafé. Hún segir lögin jafnframt
koma í veg fyrir að foreldrar misnoti
fé barna sinna.
„I rauninni mega unglingarnir
ráðstafa launum sínum og gjafafé
að vild. Ef foreldrar ætla sér að hafa
aðgang að reikningi þarf það að vera
í samráði við barnið og gera bank-
anum það ljóst við stofnun reikn-
ingsins," segir Sigríður. „Við megum
heldur ekki gleyma því að í sumum
tilvikum hafa foreldrar misnotað fé
barna sinna og það höfum við fengið
inn á borð til okkar. Mikilvægast er
að foreldrarnir leiðbeini börnum
sínum að fara með fé sitt.“
Upplýsingaskylda bankanna
María Kristín Gylfadóttir, for-
maður Heimilis og skóla, segir for-
eldra berskjaldaða gagnvart banka-
viðskiptum barna sinna. Hún telur
bankana of aðgangsharða gagnvart
ófjárráða einstaklingum. „Mér
finnst að skoða verði löggjöfina.
Markaðssetning bankanna hefur
aukist og foreldrar óttast það hversu
aðgangsharðir þeir eru,“ segir María
Kristin. „Flestir foreldar eru skyn-
samir og eru þeirrar skoðunar að
bankarnir skuli standa að aukinni
fræðslu til barna um þessi mál. Þar
að auki er spurning um upplýsinga-
skyldu bankanna ef eyðsla ungling-
anna er um of eða óhóflega mikið
er tekið út hverju sinni. Mér finnst
eðlilegt að hugsa út í einhverja
þröskulda.“
Ráða engu
Pétur Óskarsson, upplýsingafull-
trúi Glitnis, tekur undir orð Sigríðar
Önnu og segir bankann starfa eftir
skýrum lögum. Hann telur lítið um
vandræði vegna þessa. „Lögráða-
maður hefur alltaf rétt á uppflett-
ingum á reikningi unglingsins og
þannig á hann ávallt að geta fylgst
með. Hins vegar hefur hann hvorki
ráðstöfunarrétt né úttektarheimild
af reikningunum,“ segir Pétur. „Það
gilda mismunandi reglur í lögum
eftir því um hvaða fjármuni er að
ræða. Ef unglingurinn hefur sjálfur
aflað sér fjárins eða fengið að gjöf
ráða foreldrarnir engu.“
Ekki að virka
Steinunn Helga segir dóttur sína
nýverið hafa tæmt reikninginn, sem
á voru tugir þúsunda króna, yfir
helgi og jafnframt týnt kortinu sínu.
Hún telur mikilvægt að bankarnir
setji strangari siðareglur varðandi
reikninga hjá þeim sem ekki eru fjár-
ráða. „Hún labbaði niður í banka og
fékk um hæl afhent nýtt kort, engrar
undirskriftar foreldra var krafist og
enginn látinn vita. Þetta er ekki að
virka svona,“ segir Steinunn Helga.
„Neysla unglinga byrjar oft snemma
og miðað við þetta geta þeir stjórnað
sínum fjármálum sjálfir. Mistökin
sem ég gerði voru þau að láta ekki
skrá mig strax sem prókúruhafa
því mig óraði ekki fyrir þvi að þetta
væri svona.“
LÖGRÆÐISLÖG:
75. gr.
Ófjárráöa maður ræður sjálfur sjálfsaflafé
sínu sem hann hefur þegar unniö fyrir.
Ófjárráða maöur ræður sjálfur gjafafé sínu.
Seinheppnir innbrotsþjófar:
Læstu sig inni
Tveir grímuklæddir menn brut-
ust í fyrrinótt inn í verslun Bræðr-
anna Ormsson í Síðumúla með því
að spenna upp útidyrahurð. Þegar
inn var komið skelltist hurðin í lás
og ræningjarnir læstust því inni.
Fljótlega fór þjófavarnarkerfið
verslunarinnar í gang og innbrots-
þjófarnir þurftu að brjóta sér leið
út aftur með hraði. Það gerðu þeir
með því að henda flatskjá í gegnum
rúðu og yfirgáfu síðan svæðið
tómhentir.
„Þeir voru læstir inni og panikker-
uðu líklega þegar kerfið fór í gang.
Menn sem standa í svona eru ekk-
ert klárir í kollinum. Þetta náðist
allt saman á myndband og hægt að
greina á hvaða bíl þeir voru,“ segir
Valur Kristófersson, deildarstjóri
hjá Bræðrunum Ormsson.
Valur segir innbrot sem þessi
vera orðin alltof tíð. „Auðvitað
bregður manni alltaf en þetta er
nánast orðið daglegt brauð. Þetta
er núna í annað skipti á níu dögum
sem farið er þarna inn og skemmd-
irnar eru verstar,“ segir Valur.
Brutust út Tveir grímuklæddir
innbrotsþjófar læstu sig inn í
verslun Bræðranna Ormsson i
Síðumúla 9. Gripu þeir til þess
ráðs að kasta flatskjá í rúðu til
að komast út eftirað þjófavarnar-
kerfi verslunarinnar fór í gang.