blaðið - 17.03.2007, Blaðsíða 18

18
LAUGARDAGUR 17. MARS 2007
blaftiö
Fötlun eða hvað?
Sú umræða sem kann að hafa
áhrif fer að mestu fram á fundum,
í hópum og í fjölmiðlum. Eins
og dropinn holar steininn getur
einstaklingur komið málefni á
framfæri og haft áhrif til fram-
dráttar einu eða öðru málefni. Til
þess þarf hann að hafa aðgang að
almenningi og í því efni eru fjöl-
miðlar árhrifaríkasta tækið. Hér
áður fyrr voru dagblöðin opinn
og virkur vettvangur almennings
til þess að kynna og koma á fram-
færi hugmyndum sínum og afla
„ Ég hefi valið
i £■ mér að vilja ekki
kosta til 4000
krónum á mán-
uði til að vera
nettengclur.“
Umrœðan
Kristinn Snæland
þeim fylgis. Stjórnmálaskoðanir
viðkomandi einstaklings gátu þó
ráðið því hvar hann fékk inni með
það málefni sem á honum brann.
Með sjónvarpinu breyttist staða
hins almenna borgara í þessu efni
næsta lítið enda sjaldnast hleypt
inn á þann ljósvakamiðil utan þá
þess að hafa helst sprænt yfir aðra
manneskju, beint eða óbeint. Ekki
má gleyma að geta þess að Ríkisút-
varpið hélt lengi úti þætti þar sem
einstaklingar gátu komist að og
rabbað um daginn og veginn. Sá
þáttur var vel opinn og frjálslegur
en er nú aflagður. Innhringingar-
þættir á öldum ljósvakans hafa nú
um árabil verið opinn vettvangur
á nokkrum útvarpsstöðvum og fer
nú fremst í flokki Útvarp Saga sem
ver nær tveimur klukkutímum á
dag í slíkt efni. Dagblöðum hefur
fækkað en Morgunblaðið sem lengi
hefur verið öflugasti og frjálslegasti
miðill almennings er nú búið að
loka aðgangi að blaðinu fyrir hluta
almennings. Sama hefur Frétta-
blaðið gert og nú er þess beðið í of-
væni að Blaðið feti í fótspor þeirra.
Sá sem þetta ritar er einn í þeim
hópi sem verið er að hrekja frá
aðgangi að dagblöðunum og með
þeirri einföldu aðgerð að neita að
taka við skrifum hans nema um
Netið. Ég er sumsé ekki nettengdur
og sú „fötlun“ mín veldur því að
hvorki Morgunblaðið né Frétta-
blaðið vilja taka við efni frá mér,
jafnvel þótt ég geti fært þeim það
inn á ritstjórn á diskettu eða diski.
Ég hefi valið mér að vilja ekki kosta
til 4000 krónum á mánuði til að
vera nettengdur. Til er fólk sem
ekki getur, kann eða vill nýta sér
tölvu, með öllu sem þeirri tækni
fylgir, en það er afar óviðfelldið að
dæma slíkt fólk frá þátttöku í um-
ræðum á vettvangi dagblaða. Mikil
fjárhagsleg fátækt á ritstjórnum
þeirra hlýtur að valda þessari af-
stöðu. Vera kann að mín skrif velti
ekki við neinum steinum eða hafi
þýðingarmikil áhrif en sannfærður
er ég um að meðal þeirra sem nú
eru lokaðir frá vettvangi almennrar
umræðu vegna lokunaraðferða
þeirra sem nú eru stundaðar af
virtum fjölmiðlum býr vit og frjóar
athugasemdir sem að gagni gætu
komið fengi hið „fatlaða“ fólk pláss
á síðum virtra dagblaða, án þess að
þurfa að vera nettengt.
Höfundur er leigubflstjóri
Vinaleiðindi í uppsiglingu
Allt frá því að svokölluð Vinaleið
trúfélagsins Þjóðkirkjunnar hefur
komist í framkvæmd í grunnskólum
Garðabæjar hefur nokkur styr staðið
um fyrirbærið. Sem betur fer sér
fyrir endann á þessum deilum. Áður
en ég kem að þeirri ánægjulegu nið-
urstöðu langar mig til að fara aðeins
í gegnum hvernig þessar deilur hafa
þróast.
Stuðningur?
Andstæðingar Vinaleiðar Þjóð-
kirkjunnar hafa bent á að trúboð eigi
ekki heima í opinberum skólum en
þeim svarað jafnharðan að ekki sé
um trúboð að ræða, heldur sé um
„trúarlega gildishlaðna þjónustu” að
ræða (trúboð er bannað í aðalnám-
skrá grunnskóla). Þessu hugtaki
var síðar breytt og Vinaleið kölluð
„stuðningur”. Þetta er augljóst yfir-
varp. Jóna Hrönn Bolladóttir, helsti
hvatamaður Vinaleiðar Þjóðkirkj-
unnar, sagði beinum orðum á fundi
á dögunum að í Vinaleið fælist viss
Augljóst er að
skilningur bisk-
ups gengurþvert
á grunnskólalög
og siðareglur
kennara.
Teitur Atlason
(trújboðun! Svona hringlandaháttur
með hugtök hefur síðan einkennt alla
orðræðu Þjóðkirkjunnar um Vina-
leið. Prestur átti að fara inn í bekki.
Prestur átti ekki að fara inn í bekki.
Vinaleið átti að vera framkvæmd án
samráðs við foreldra og síðar í sam-
Mismunun „Siðareglur kennara eru
einnig afar skýrar hvað þetta varðar en «
þær kveða á um að mismunun vegna
trúar nemenda sé bönnuð. “
o*
ráði við foreldra. Umræðan var læst
í herkví hugtakabrenglunar og það
var allaf eins og aðstandendur Vina-
leiðar væru í einskonar feluleik með
tilgang og ástæður Vinaleiðar og mót-
uðu starfsreglur jafnharðan og þeir
mættu andstöðu.
Mismunun vegna trúar bönnuð
Andstæðingar Vinaleiðar hafa ít-
rekað bent á að í grunnskólalögum
er kveðið á um að mismunun vegna
trúar er bönnuð. Fylgjendur Vina-
leiðar hafa á móti bent á að ekki sé
um mismunun að ræða vegna þess
að þjónustan sé valkvæð og þar fyrir
utan sé Vinaleið alls ekki trúarlegs
eðlis heldur einungis til stuðnings.
Umræðan tók á sig kómískar myndir;
eitt sinn var fráfall gæludýrs tiltekið
sem kjörinn vettvangur fyrir Vina-
leið. Öll þessi ólga út af bráðkvöddum
páfagauk gæti einhver hugsað. Það
var svo á sunnudaginn 18. febrúar
sem umræðan fór loksins upp úr
skilgreiningahjólförum og komst eitt-
hvað áleiðis. Það var æðsti maður trú-
félagsins Þjóðkirkjunnar, Karl Sigur-
björnsson biskup (og ábyrgðarmaður
Vinaleiðar), sem í umræðuþættinum
Kompási ýtti Vinaleiðardeilunni upp
á þurrt. Það var í umfjöllun um Vina-
leiðina að biskup tók öll tvímæli af
um að Vinaleið er þjónusta fyrir börn
í Þjóðkirkjunni. Ég endurtek: Fyrir
börn í trúfélaginu Þjóðkirkjunni.
Bannaðl
Núna lítur dæmið svona út: Trúfé-
lagið Þjóðkirkjan starfar í opinberum
skólum innan um alla nemendur skól-
ans, en bara fyrir börn í því tiltekna
trúfélagi. Heyr á endemi! Þetta er álíka
og ef islamskur Mullah (trúarkenn-
ari) starfaði innan grunnskólanna
en bara fyrir þá krakka sem tilheyra
söfnuði múhameðstrúarmanna!
Þetta, lesendur góðir, er bannað. Það
er beinlínis bannað að fulltrúi eins
trúfélags starfi fyrir sóknarbörn sín
inni í opinberum grunnskólum. Siða-
reglur kennara eru einnig afar skýrar
hvað þetta varðar en þær kveða á um
að mismunun vegna trúar nemenda
sé bönnuð. Með orðum sínum sýn-
ist mér að æðsti maður trúfélagsins
Þjóðkirkjunnar hafi drepið Vinaleið
þvi augljóst er að skilningur biskups
gengur þvert á grunnskólalög og siða-
reglur kennara. Sveitarstjórnarfólk
og skólastjórnendur geta ekki horft
framhjá þessum skilningi biskups
trúfélagsins Þjóðkirkjunnar og ættu
að hafa þessi orð hans í huga þegar
ákvörðun verður tekin um framhald
Vinaleiðar.
Höfundur er með BA í guðfræði
ASKJA • I^ugavftgl 170 ■ 105 Reykjavík • Síml 590 2100- www.askja.Js • ASKJA - Atvinnubflar • Skútahraunl 2a • 220 Hafnarflrðl • Slml 590 2100.
Mercedes-Benz
©
ASKJA

Ný fyrirmynd í flutningum
í fjölmörgum útfærslum
Nýr Mercedes-Benz Sprinter setur nýjan gæðastaðal fyrir sendibíla. Hann er rúmbetri
og öruggari en nokkru sinni fyrr og í farþegarými tekur öll hönnun mið af því að
ökumanninum líði sem best á langri keyrslu. Sprinter er framleiddur í fjölmörgum
útfajrslum, m.a. sérstökum sendibfla-, pallbfla-, fólksflutninga- og leigubflaútfærslum.
Pá er hægt að fá Sprinter með fóstum palli og sturtu, bæði með einfóldu eða tvöfóldu
húsi. Og eins og með aðrar gerðir af Mercedes-Benz bifreiðum gefsl kostur á að fá
sérsniðið eintak af Sprinter eftir þörfum hvers og elns. Komdu og gerðu þína sérpöntun
á nýjum Sprinter.