blaðið - 28.08.2007, Blaðsíða 6

FRETTIR
ÞRIÐJUDAGUR 28. AGÚST 2007
blaöið
Andlát
Björn Th.
Björnsson
Björn Th.
Björnsson,
listfræðingur
og rithöfundur,
andaðist á líkn-
ardeild Landa-
kotsspítala á
laugardag, nær
85 ára að aldri.
Björn fæddist í Reykjavík
1922. Hann lauk stúdents-
prófi frá MR1943 og nam
listasögu við Edinborgarhá-
skóla, Lundúnaháskóla og
Kaupmannahafnarháskóla.
Hann kenndi listasögu við
Háskóla íslands og fleiri skóla
um áratugaskeið. Hann var
m.a. fulltrúi í útvarpsráði
og í undirbúningsnefnd um
stofnun íslensks sjónvarps,
formaður og varaformaður
Rithöfundasambands íslands.
Björn var afkastamikill
rithöfundur og liggur eftir
hann fjöldi bóka. Eftirlifandi
eiginkona Björns er Ásgerður
Búadóttir myndlistarmaður.
Þau eignuðust þrjú börn, Bald-
vin, Björn Þránd og Þórunni,
sem öll lifa föður sinn.
STUTT
• Umferðaróhöpp 53 umferðaró-
höpp voru tilkynnt til lögregl-
unnar á höfuðborgarsvæðinu
um helgina en tvö þeirra mátti
rekja til ölvunaraksturs. Fjórir
voru teknir fyrir að aka undir
áhrifum fíkniefna um helgina
og lögreglan stöðvaði sjö aðra
ökumenn sem höfðu ýmist þegar
verið sviptir ökuleyfi eða aldrei
öðlast ökuréttindi.
Kennarar panta ritföng
og foreldrafélag rukkar
■ Engin samkeppni um pennaveski í Vesturbæjarskóla og foreldrar lausir við ritfangakaup
Eftir Ingibjörgu B. Sveinsdóttur
ingibjorg@bladid.net
í Vesturbæjarskólanum við
Sólvallagötu í Reykjavík er engin
samkeppni milli nemenda um
pennaveski og foreldrarnir þurfa
ekki að skunda í skólasetningarvik-
unni í bókaverslun til að kaupa rit-
föng, vasareikna, skæri, möppur og
annað slíkt. Kennararnir panta allt
slíkt frá heildsölum og hafa tilbúið í
skólanum þegar börnin koma og for-
eldrafélag skólans innheimtir kostn-
aðinn af foreldrum.
Koma bara með nestið
„Nemendur þurfa bara að koma
með nestið sitt í skólatöskunni
en ekkert annað, ekki einu sinni
pennaveski," segir Hildur Hafstað
skólastjóri.
„Það er þess vegna engin sam-
keppni um tveggja eða þriggja hæða
pennaveski en það er alveg ótrúlegt
hvað pennaveski geta brotið niður
sjálfsmyndina hjá börnum,“ bætir
skólastjórinn við.
Hildur segir foreldra mjög ánægða
með fyrirkomulagið á kaupum rit-
fanganna sem byrjaði í smáum stíl
þegar upp úr 1980. „Þetta hefur
komið vel út uppeldislega séð. Rit-
föngin eru sameign okkar allra sem
ganga þarfvel um. Við höfum getað
haldið verðinu verulega niðri með
Sameigínleg eign Nemendur í Vesturbæjarskóla þurfa
ekki að kaupa ritföng og annað efni til skólastarfsins í
verslunum á haustin. Kennararnir sjá um að panta slíkt.
þessu móti og ég er sannfærð um
að þetta er ódýrara fyrir foreldrana
þótt einhverjir kunni að hafa gert
góð kaup á sumrin eða á útsölum.
Þar að auki vilja flestir skólar hafa
eins stíla- og reikningsbækur fyrir
alla.“
Greidd er ákveðin upphæð vegna
innkaupanna, 4000 krónur vegna
yngri nemenda og 5500 vegna þeirra
eldri. Verði afgangur að vori gera
nemendurnir eitthvað skemmtilegt
fyrir peningana.
I Austurbæjarskóla og Háteigs-
skóla eru einnig sameiginleg inn-
kaup á ritföngum.
ÞEKKIRÞÚTIL?
Hringdu í síma 510 3700 eða
sendu póst á bladid@bladid.net
STAÐREYNDIR
► Flestir skólar afhenda for-
eldrum innkaupalista yfir
ritföng.
► Auk pennaveskis með
tilheyrandi innvolsi þarf
oftast vasareikni, möppur
og stílabækur.
GARDINUBUÐIN
Þorabokka 3 • Mjóddinni • Reykjavik • Simi 553-5677
Skipagötu 18 • Akureyri • Simi 461-7878
Opnunartimi: mónud. - föstud. 10-18 • laugard. 11-14
Lýðheilsustöð trúir sölutölum varlega
Meiri tóbakssala
ekki marktæk
„Þessari niðurstöðu verður að taka
með miklum fyrirvara enda aðeins
um tvo mánuði að ræða en ég ítreka
að reykingabannið á veitingastöðum
var ekki sett á til að minnka al-
mennar reykingar,” segir Viðar Jens-
son, verkefnisstjóri tóbaksvarna hjá
Lýðheilsustöð. Sölutölur frá Áfengis-
og tóbaksverslun ríkisins sýna að
sala á tóbaki hefur aukist um fimm
prósent í sumar samanborið við
sama tíma fyrir ári þrátt fyrir reyk-
ingabann á veitinga- og skemmti-
stöðum landsins frá því í júní.
Tölur frá Bretlandi sýna þveröfug
áhrif síðan sams konar reykinga-
bann gekk þar í gildi í byrjun ágúst.
Mældist strax samdráttur í sölu tób-
aks en því er ekki að heilsa hér. Viðar
bendir á að landsmönnum sé að
fjölga og neysla sé almennt að aukast
en tekur fram að mælingar sýni óum-
deilanlega á ársgrundvelli að færri
reyki en áður. „Bannið á skemmti-
og veitingastöðunum var sett til að
vernda þá sem þar starfa en ekki til
að sporna við reykingum eða fækka
reykingafólki. En tveir mánuðir
segja ósköp lítið og við spyrjum að
leikslokum þegar skoðaður verður
lengri tími í einu.”
albert@bladid.net
Mjólkurfélög fá
flýtimeðferð
Hæstiréttur íslands hefur lagt
fyrir Héraðsdóm Reykjavíkur að
gefa út stefnu til flýtimeðferðar í
máli sem Mjólkursamsalan ehf.,
Auðhumla svf. og Osta- og smjör-
salan sf. hyggjast höfða á hendur
Samkeppniseftirlitinu. Krefjast
stefnendur þess að forstjóri og aðrir
starfsmenn eftirlitsins víki sæti við
rannsókn, sem hófst með húsleit
hjá stefnendum í júní sl., á ætluðum
brotum gegn samkeppnislögum.
1 beiðni stefnenda um flýtimeð-
ferð, sem héraðsdómur hafði visað
frá, kom fram að mjólkurframleið-
endurnir teldu að með ummælum
og framkomu forstjóra Samkeppn-
iseftirlitsins fyrir og eftir húsleitina
hafi hann orðið vanhæfur til að
taka málið til meðferðar.
Fram kemur í dómsorði beggja
dómstóla að skilyrði flýtimeðferðar
einkamáls séu þau að það sé höfðað
vegna ákvörðunar eða athafnar
stjórnvalds. Héraðsdómur mat það
sem svo að ákvörðun starfsmanna
Samkeppniseftirlitsins væri ekki
stjórnvaldsákvörðun, en Hæsti-
réttur var ósammála því.
hlynur@bladid.net