Bændablaðið - 24.02.2006, Blaðsíða 2

2 Þriðjudagur 28. febrúar 2006
Fræðsluskilti um
fugla við strönd
Melrakkasléttu
Landbúnaðarráðherra hefur
ákveðið að veita sveitarstjórn
Öxarfjarðarhrepps styrk til að
setja upp fræðsluskilti um fugla
og fuglalíf meðfram strönd Mel-
rakkasléttu.
Elvar Árni Lund, sveitarstjóri
Öxarfjarðarhrepps, sagði að um
yrði að ræða í það minnsta þrjú
skilti og var ákveðið að hafa þau
færri og stærri en mörg lítil. Nú er
unnið að hönnun skiltanna á Húsa-
vík. Á skiltunum verða myndir af
fuglunum og upplýsingatexti um á
hvaða árstíma þeir halda sig á
svæðinu. Það er Náttúrustofa
Norð-austurlands á Húsavík sem
hannar skiltin. Myndirnar koma
frá Jóhanni Óla fuglaljósmyndara.
Skiltagerðin er í samvinnu við At-
vinnuþróunarfélag Þingeyinga.
Stefnt er að því að setja skilin upp
í byrjun maí.
Við strönd Melrakkasléttu er
mjög fjölskrúðugt fuglalíf og
margir fuglar af hverri tegund að
sögn Elvars Árna. Endur eru þar
áberandi sem og allar tegundir
vaðfugla sem til eru á Íslandi, auk
mófugla.
Ferðaþjónusta í dreifbýli er ekki
með sérstakt atvinnugreina-
númer hjá Hagstofu Íslands.
Þetta gerir það að verkum að
ferðaþjónusta í dreifbýli er ekki
opinberlega viðurkennd sem
sérstök atvinnugrein. Því munu
ferðaþjónustubændur leita lið-
sinnis Búnaðarþings, sem haldið
verður dagana 5. til 8. mars nk.,
í þessu máli.
Marteinn Njálsson, formaður
Félags ferðaþjónustubænda, sagði
í samtali við Bændablaðið að
ferðaþjónusta í dreifbýli og þétt-
býli væri að mörgu leyti mjög
svipuð. Báðar eru undir sömu
reglugerð og sömu kröfur gerðar
til þeirra. Þær markaðssetja sig
svipað en þegar kemur að því að
menn vilja vita hver sé verðmæta-
aukning í ferðaþjónustu í dreif-
býli, borið saman við ferðaþjón-
ustu í þéttbýli, og hver séu þjóð-
hagsleg áhrif ferðaþjónustu í
dreifbýli, þá vantar nokkuð upp á
að hægt sé að fletta því upp hjá
Hagstofunni. Marteinn segir að
hagtölum fyrir ferðaþjónustu í
dreifbýli sé ekki haldið til haga
sérstaklega.
Okkur vantar svör
„Á þetta höfum við bent síðustu
árin og fengið góðar undirtektir en
engar aðgerðir. Þetta er vinna sem
Hagstofan verður að fara að sinna
því öll frumgögn eru til. Við höf-
um ekki fengið svör við því hvers
vegna þetta er ekki gert enda þótt
við séum að reyna að hafa á borð-
inu tölur um starfsemi okkar í
sveitunum. Við höfum bent á hvar
sé um verðmætaaukningu og verð-
mætasköpun að ræða í þjónust-
unni. Staðreyndin er sú að það eru
næstum óendanlegir vaxtamögu-
leikar í ferðaþjónustu með tilliti til
umhverfissjónarmiða og verð-
mætasköpun ferðaþjónustu í dreif-
býli er vanmetin. Þjóðhagsstofnun
reiknaði út árið 2004 að gjaldeyr-
istekjur allrar ferðaþjónustu á Ís-
landi námu þá 35 milljörðum
króna og að teknu tilliti til marg-
feldisáhrifa eru þetta um 96 millj-
arðar króna. Við viljum vita hvað
ferðaþjónustubændur eru að skila
miklu inn í þjóðarbúið en það er
ekki hægt vegna þess að atvinnu-
greinarnúmer vantar og hagtölu-
söfnun er ekki fyrir hendi nema
hvað varðar gistináttatölur, þær
liggja fyrir. Allt annað vantar,“
sagði Marteinn.
Lagt fyrir Búnaðarþing
Fyrir Búnaðarþingi liggur þessi
tillaga frá Félagi ferðaþjónustu-
bænda: „Félag ferðaþjónustu-
bænda óskar eftir ályktun Búnað-
arþings um að Hagstofan kanni
umfang gistingar hjá bændum, og
að þróun síðustu ára komi þar
fram. Lögð er áhersla á að ferða-
þjónusta í dreifbýli verði opinber-
lega viðurkennd sem atvinnugrein
og fái sérstakt atvinnugreinar-
númer hjá Hagstofunni.
Jafnframt er óskað eftir því að
Búnaðarþing álykti um að frekari
söfnun hagtalna í ferðaþjónustu í
landbúnaði fari fram, t.d. hvað
varðar veitingar og afþreyingu.“
Í greinargerð með tillögunum
segir: „Nauðsynlegt er að framlag
ferðaþjónustu í dreifbýli verði
metið með tilliti til atvinnusköp-
unar, einkum ef horft er til þess
að hér er um gjaldeyrisskapandi
atvinnugrein að ræða. Engar upp-
lýsingar eru fyrirliggjandi um
hversu miklu þessi tegund ferða-
mennsku er að velta á hverju ári.
Áætlað er að gestir ferðaþjónustu-
bænda séu ca. 85% útlendir ferða-
menn og í þeirri umræðu, sem nú
fer fram um uppstokkun í land-
búnaðargeiranum, er forsvars-
mönnum bænda mikill styrkur í
að hafa slíkar upplýsingar hand-
bærar.“
Söluhorfur á kjöti eru mjög
góðar að sögn Sigurðar Jóhann-
essonar, formanns Landssam-
taka sláturleyfishafa. „Salan í
janúar var góð en í því sam-
bandi verður að hafa í huga að
talað er um birgðaaukningu hjá
mörgum kjötvinnslum sem hafa
verið að byrgja sig upp fyrir
sumarið,“ sagði Sigurður og
bætti því við að hvað sauðfjár-
bændur varðar þá væri a.m.k.
ástæðulaust að fækka fé.
Gengisþróunin
eyðileggur útflutninginn
Hann sagði að útflutningur á
dilkakjöti til Evrópu og Banda-
ríkjanna gengi ljómandi vel en
gengisþróunin hafi aftur á móti
verið á þann veg að ekki sé hægt
að eiga við útflutninginn af neinu
viti og að hann skili mönnum
engu. Það sé útilokað að ætla að
hækka verðið erlendis til að bæta
upp hátt gengi krónunnar.
Mikill samruni hefur átt sér
stað hjá afurðarstöðvunum.
Kjarnafæði og Sölufélagi A.-Hún-
vetninga stofnuðu nýtt félag,
SAH afurðir ehf., sem Sölufélag
A.-Húnvetninga á 51% í, Kjarna-
fæði 36% og bændur og starfs-
menn hafa forgang að þeim 13%
sem eftir eru. KS og Kaupfélagi
V.-Húnvetninga stofnuðu nýtt fé-
lag og frekari samruni gæti verið
í farvatninu.
Aðspurður hvort hann ætti
von enn frekari samruna hjá af-
urðarstöðvunum sagði Sigurður
að ef þróunin á matvörumarkaði
síðustu misserin væri skoðuð,
væri ljóst að fyrirtækin
sameinuðust til að efla sig. Hann
sagðist hafa þá trú að innan til-
tölulega fárra ára yrðu bara eftir
tveir til fjórir heildsalar á kjöti í
landinu.
Kjötverð ekki of hátt
Sigurður var spurður hvort hann
teldi að verð á dilkakjöti væri
orðið of hátt. „Miðað við kjötsöl-
una undanfarið er verðið ekki of
hátt og við megum ekki gleyma
því að verð á öðrum kjöttegund-
um en dilkakjöti hefur hækkað
mjög mikið. Verð á nautakjöti er
nú það hæsta sem verið hefur síð-
an ég fór að vinna í þessari grein
um aldamótin. Verð á svínakjöti
er líka hátt. Ég tel því að það sé
komið á ákveðið jafnvægi á kjöt-
markaði nema hvað nú skortir
orðið nautakjöt. Það er áhyggju-
efni vegna þess að skorturinn
kallar á aukinn innflutning og þær
raddir verða háværari sem heimta
hann. Þá gæti innflutningur á
nautakjöti verið kominn til að
vera,“ sagði Sigurður Jóhannes-
son.
Sigurður Jóhannesson, formaður
Landssamtaka sláturleyfishafa
Ákveðið jafnvægi ríkir
nú á kjötmarkaðnum
Ferðaþjónusta í dreif-
býli verði viðurkennd
atvinnugrein
„FOOD AND FUN“
Hin árlega matarhátíð Food and fun, sem Icelandair og íslenskur landbúnaður standa fyrir og er styrkt af
Iceland Naturally sem er sameiginlegur kynningarvettvangur íslenskra stjórnvalda og fyrirtækja í
Bandaríkjunum var haldin dagana 22. til 26. febrúar sl. Veislurnar voru haldnar á 12 veitingahúsum í
Reykjavík. Hátíðinni lauk með keppni milli 6 kokka frá Evrópu og 6 kokka frá Bandaríkjunum. Dómnefndina
skipuðu erlendir meistarakokkar en alls komu 30 erlendir kokkar til landsins ásamt mörgum gestum í tilefni
hátíðarinnar. Hér á myndinni sjást þeir Guðni Ágústsson landbúnaðarráðherra og Jón Karl Ólafsson,
forstjóri Icelandair, bragða á góðgæti við opnun hátíðarinnar.