Bændablaðið - 02.05.2006, Qupperneq 32

32 Þriðjudagur 2. maí 2006
Skemmdir hafa verið unnar á uppgræðslu-
svæði Landgræðslunnar á Hólssandi á
Fljótsdalshéraði. Menn, bæði á jeppum og
mótorhjólum, hafa ekið yfir ofur viðkvæmt
land þar sem uppgræðsla hefur verið
stunduð í mörg ár.
Guðmar Ragnarsson, fyrrum bóndi á Hóli í
Hjaltastaðaþinghá, hefur ásamt Landgræðsl-
unni og fleirum, staðið fyrir uppgræðslu á
Hólssandi um áratuga skeið.
Hann sagði í samtali við Bændablaðið að
þetta umrædda uppgræðsl-usvæði væri lokað
fyrir allri umferð og skýrt frá því á skilti á
hliði á girðingunni að öll óviðkomandi umferð
væri bönnuð. Ökufantarnir tóku bara niður
girðinguna við hliðina á skiltinu og óku yfir.
Guðmar segir að alltaf hafi verið eitthvað um
að menn stelist til að aka um svæðið en í vetur
hafi keyrt um þverbak.
,,Menn hafa eyðilagt slóða sem þarna ligg-
ur um og þegar þeir voru búnir að því þá óku
þeir bara utan hans og bjuggu til nýja slóða.
Menn vita hverjir voru þarna að verki en að
þessu sinni hygg ég að ekkert verði gert í mál-
inu annað en að talað verður við mennina. Ég
lagði það til að minnsta kosti og ég held að
svo verði en jafnframt að taka mjög stíft á
málinu geri þeir þetta aftur,“ sagði Guðmar.
Hann segir að ekki hafi staðið til að dreifa
áburði á þetta svæði í vor en nú sé ljóst að
bera verði áburð á þessa slóða og hjólför á
uppgræðslusvæðinu og reyna þannig bæta
skaðann.
Skemmdir unnar á uppgræðslusvæði Landgræðslunnar á Hólssandi
Myndina hér að ofan tók Guðrún Schmidt, héraðsfulltrúi Landgræðslunnar á Austurlandi af uppgræðslusvæðinu sem um er rætt. Eins og sjá má þá
þarf lítið til að skemma jarðveginn. Raunar er það merkilegt að fullorðið fólk skuli flengjast á jeppum sínum yfir viðkvæm svæði, en því miður eru
mýmörg dæmi til um það.
Vilja hampa
staðbundnum
matarhefðum
ESB hefur hrint af stað
tveggja ára verkefni um að
vekja athygli á staðbundnum
matarhefðum innan sam-
bandsins til að hvetja til
framkvöðlastarfsemi á því
sviði. Meðal svæða þar sem
gera á átak í þessum efnum
er Rogaland í Noregi og Eyr-
arsundssvæðið, þ.e. austan-
verð Danmörk og syðsti hluti
Svíþjóðar.
Alls eru það átta svæði sem
taka þátt í þessu verkefni, sem
ber heitið „Food innovation
Network Europe“, skammstaf-
að FINE.
Markmiðið með verkefninu
er að stuðla að rannsókna- og
þróunarstarfi á sviði matvæla á
þessum svæðum, þar á meðal
að skrásetja ríkjandi matarhefð-
ir, með það að markmiði að
draga fram sérstöðu á hverjum
stað. Í framhaldinu á svo að
koma á framfæri sérkennum
hvers svæðis.
Svæðið Ostniederland i Hol-
landi stjórnar verkefninu, en
þar hefur þetta verkefni þegar
verið unið. Önnur svæði sem
þarna eiga aðild að eru Skot-
land, Flandern, Wielkopolska í
Póllandi, Emilia - Romagna á
Ítalíu og Kastalien - León á
Spáni.
Lítil athugasemd
Í Bændablaðinu hinn 14. mars
2006 er farið rangt með vísu eftir
síra Jón á Bægisá svo og öll til-
drög hennar. Síra Jón var ekki
þekktur fyrir nautgriparækt, eins
og látið er liggja í greininni, en
varð þjóðkunnur fyrir málrækt
og kveðskap sinn. Þessi tvíræða
vísa hans var til, þegar Jón Sig-
urðsson, fóstursonur síra Jóns,
fæddist og var fyrst prentuð í
ljóðasafni Bægisárskáldsins
„eptir þrem handritum“ eins og
þar segir. Vísan er rétt á þessa
leið:
Á Bæsá ytri borinn er
býsna valinn kálfur,
vænt um þykja mundi mér,
mætti' eg eiga' sjálfur.
Það var á allra vitorði, að
presturinn væri réttur faðir að
sveininum. Helga Magnúsdóttir
móðir hans, var bústýra síra Jóns
og drengurinn fóstursonur nafna
síns, prestsins. Maður Helgu var
Sigurður Hálfdánarson.
Síra Jón þótti kvenhollur og
dró ekki dul á. Ungur hafði hann
misst hempuna vegna barneigna-
brots.
Síðar orti síra Jón í gráglettni,
þegar rætt var „um, að fósturson-
ur skáldsins líktist ekki Sigurði
föður sínum“:
Hvað er á móti hann sé faðir
Helga þar sem móðir varð;-
báðir eru brattnefjaðir,
báðum er í höku skarð,
báðir hafa líka lund
lestrar báðir tíðka stund,
hár lítið á höfði bera,
hvorigur mun skarpur vera.
Jón yngri var lengst af prestur
í Reynisþingum og sat í Kálf-
holti. Hann á afkomendur.
(Heimildir: Íslenzk Ljóðabók
Jóns Þorlákssonar prests að
Bægisá. Síðari deild. Kaup-
mannahöfn ... 1843. Páll Eggert
Ólason: Íslenzkar æviskrár III
(undir Jón Sigurðsson og Jón
Þorláksson.)
Kristmundur Bjarnason