Bændablaðið - 12.12.2006, Blaðsíða 19

19Þriðjudagur 12. desember 2006
Stemmning á Bændahátíð í Skagafirði
Undanfarin ár hefur verið haldin Uppskeruhátíð sauðfjárbænda í
Skagafirði. Í ár ákváðu menn að sameina kúa- og fjárbændur í hátíð-
arhaldinu og efndu því til Bændahátíðar í félagsheimilinu í Ljósheim-
um fyrir skömmu. Ekki er ólíklegt að þessi skipan haldist áfram því
hópurinn hristist vel saman og varð talsvert fjölmennari en áður, eða
um 130 manns.
Hátíðin þótti takast vel, maturinn sem Jón Daníel veitingamaður sá um
ásamt sínu fólki þótti frábær. Þá voru skemmtikraftar úr röðum bænda
ekki af lakara taginu. Björn Björnsson fyrrverandi skólastjóri var veislu-
stjóri og Geirmundur Valtýsson þandi nikkuna og sá um að koma liðinu í
stuð. Að loknu borðhaldi var stiginn dans. /ÖÞ
Agnar Gunnarsson á Miklabæ kom víða við og reyndi
m.a. að skilgreina muninn á sauðjár- og kúabændum.
Formenn félaganna hæstánægðir í lokin. Smári Borgars-
son sauðfjárbóndi t.v. og Valdimar Sigmarsson frá kúa-
bændum t.h.
Þrír hressir á góðri stund. Frá vinstri Magnús Gunnarsson Sveinsstöðum,Guðmundur Guðmundsson Lækjar-
brekku og Egill Örlygsson Daufá. Ljósmyndir ÖÞ
Hinn eini sanni Geirmundur var mættur og kom að vanda stuðinu í gang.