Bændablaðið - 12.12.2006, Page 39
39Þriðjudagur 12. desember 2006
Nokkuð er til af upplýsingum og
þróunarverkefnum sem sérstak-
lega er ætlað að koma til móts
við þarfir kvenna. Eitt þeirra,
Tengslanet austfirskra kvenna
(TAK), er samtök kvenna á Aust-
urlandi en hlutverk þeirra er að
sameina konur á Austurlandi,
efla samstöðu, þekkingu og sam-
starf.
Með samtakamætti TAK er unnt
að styrkja hagsmuni kvenna og efla
konur persónulega og á hverjum
þeim vettvangi sem þær kjósa, eða
hafa kosið að hasla sér völl. TAK
mun beita sér fyrir því að hvetja
konur til áræðni, frumkvöðlastarfs
og samfélags- og stjórnmálaþátt-
töku á opinberum vettvangi. Sam-
tökin hafa að markmiði að auka
sýnileika og tækifæri kvenna, hvort
sem er á persónulegum eða opinber-
um vettvangi, og einnig að stuðla að
virðingu og verðskuldaðri athygli
samfélagsins á framlagi kvenna.
Samtökin standa fyrir fræðslufund-
um, námskeiðum, umræðu- og sam-
starfshópum um málefni er snerta
konur á Austurlandi. Félagsgjöld
eru 2.000 krónur á ári. Hægt er að
fylgjast með starfsemi samtakanna
á heimasíðunni www.tengslanet.is.
Félagsmálaráðuneytið hefur
undanfarin ár veitt styrki til atvinnu-
mála kvenna. Tilgangur styrkveit-
inga er einkum að auka fjölbreytni
í atvinnulífi, viðhalda byggð um
landið og efla atvinnutækifæri á
landsbyggðinni, auðvelda aðgang
kvenna að fjármagni og að draga úr
atvinnuleysi meðal kvenna.
Forgangs njóta nýsköpunarverk-
efni sem þykja líkleg til að fjölga
atvinnutækifærum kvenna. Hvorki
eru veittir rekstrarstyrkir né styrk-
ir til listiðnaðar en þó er tekið tillit
til nytjalistar. Stofnstyrki er heimilt
að veita að hámarki 25% af stofn-
kostnaði til véla- og tækjakaupa og
einnig vegna húsnæðis til hópa. Að
öðru jöfnu nemur framlag af hálfu
ríkisins ekki meira en 50% af heild-
arkostnaði við verkefnið.
Auglýst er eftir umsóknum í
janúar ár hvert og má þá nálgast
eyðublöð á vefsíðu Vinnumála-
stofnunar, www.vinnumalastofnun.
is. Þá veitir Þróunarfélag Austur-
lands þeim konum aðstoð sem vilja
sækja um ráðgjöf varðandi þróun
verkefna og mótun umsókna.
Konur í atvinnurekstri á Austurlandi:
Upplýsingasíða varðandi
ráðgjöf, styrki og samstarf
Mismunandi mögu-
leikar fyrir konur
Lánatryggingarsjóður kvenna:
Markmið sjóðsins er að styðja
konur til nýsköpunar í atvinnulíf-
inu með því að veita ábyrgðir á
allt að helmingi lána sem þær taka
hjá Landsbanka Íslands til að fjár-
magna tiltekið verkefni. Ábyrgðin
er veitt á grundvelli mats á arð-
semi viðskiptahugmyndar og er
eingöngu veitt vegna markaðssókn-
ar, vöruþróunar og nýrra leiða eða
aðferða í framleiðslu/framsetningu
á vöru eða þjónustu. Nánari upp-
lýsingar eru veittar á vef Vinnu-
málastofnunar og hjá Þróunarfélagi
Austurlands.
Máttur kvenna: Háskólinn á Bif-
röst býður upp á rekstrarnám í fjar-
námi fyrir konur sem hafa áhuga
á að bæta rekstrarþekkingu sína.
Máttur kvenna er þriggja mánaða
námskeið sem hefst með vinnu-
helgi á Bifröst. Kennsla fer svo
fram í fjarnámi og geta þátttakend-
ur hlustað á fyrirlestra á netinu og
unnið verkefni hvenær sem þeim
hentar. Náminu lýkur með vinnu-
helgi og formlegri útskrift.
Máttur kvenna II: Framhald nám-
skeiðsins Máttur kvenna I. Eins og
fyrr er um að ræða þriggja mánaða
rekstrarnám fyrir konur sem hefst
og lýkur með vinnuhelgi á Bifröst.
Námið sjálft er fjarnám sem fer
fram í gegnum fjarnámsvef Háskól-
ans á Bifröst. Náminu lýkur með
formlegri útskrift.
Brautargengi: Námskeið fyrir
konur á vegum IMPRU – Nýsköp-
unarmiðstöðvar Iðntæknistofnunar.
Námskeið fyrir konur sem vilja
hrinda viðskiptahugmynd í fram-
kvæmd og hefja eigin atvinnurekst-
ur.
Félag kvenna í atvinnurekstri:
Félag kvenna í atvinnurekstri var
stofnað 9. apríl 1999. Félagið er
opið öllum þeim konum sem eiga
og reka, reka eða hafa átt og rekið
fyrirtæki, einar eða með öðrum.
V E R K I N T A L A
Gylfaflöt 32 • 112 Reykajavík • Sími 580 8200 • Fax 580 8210 • velfang@velfang.is
Vélfang ehf óskar bændum og
landsmönnum öllum gleðilegra jóla
og farsældar á komandi ári.
Þökkum ánægjulegt samstarf
á árinu sem er að líða.
Starfsfólk Vélfangs ehf.