Bændablaðið - 12.12.2006, Síða 51

51Þriðjudagur 12. desember 2006
Askalind 6, 201 Kópavogur
Sími: 534 6050 - www.hysi.is
30 fermetrar
5 x 6 metrar, hæð 3,15 m.
Auðveld uppsetning.
Kr. 270.000 m/vsk
Færanlegt bogahýsi
Á undanförnum árum hefur fólk
víða um land verið að vakna til
meiri meðvitundar um þær auðlind-
ir náttúru og mannlífs sem eru til
staðar umhverfis það og hvernig
nýta megi betur þær auðlindir og
sérstöðu sem héruðin búa yfir til
atvinnusköpunar. Nauðsynlegt er
að stuðla að nýjum tekjumöguleik-
um sem geta fallið að núverandi
búsetu.Víða eru ríkulegir möguleik-
ar á silungsveiði, bæði stangveiði
og hefðbundnar nytjar. Samt er það
svo að aðeins hluti veiðivatna er
nýttur að einhverju marki, auk lax-
veiðiánna.
Vatnaklasar og silungsveiði
Í sumum tilvikum háttar þannig til
að fjölda vatna er að finna á sama
svæði eins og heiðarvötnin á Stein-
grímsfjarðarheiði, Skaga,Melrakka-
sléttu og Arnarvatnsheiði. Fá svæði
á landinu eiga viðlíka möguleika á
að byggja enn frekar upp ferðaþjón-
ustu í tengslum við stangveiði og
útivist og einmitt þau héruð sem
heiðalöndin tilheyra. Þeir möguleik-
ar felast ekki síst í samvinnu ferða-
þjónustuaðila og því að flétta stang-
veiði saman við aðra afþreyingu.
Laxveiði er ómetanleg tekjulind
fyrir íbúa víða á landinu, ekki síst á
Vesturlandi og í Húnavatnssýslum,
og laxveiðin á landsvísu skilar millj-
örðum króna í beinar tekjur til veiði-
réttarhafa og þá eru ótalin margfeld-
isáhrif og tekjur af silungsveiði.
Tiltölulega markvisst starf hefur
verið unnið í markaðsstarfi og upp-
byggingu á laxveiði sem búgrein.
Veiðifélög og leigutakar laxveiði-
ánna hafa þróað árangursríkt sölu-
kerfi laxveiðileyfa og hótelrekstur í
kringum veiðina. Má þess m.a. sjá
stað á Vesturlandi, í Húnavatnssýsl-
um og Þingeyjarsýslum. Slíkt kerfi
skortir enn í silungsveiðinni nema
helst þar sem veiði á sjávarsilungi
fer fram í vatnakerfum sem fóstra
eftirsótta laxveiði, svo sem Mið-
fjarðará, Víðidalsá og Vatnsdalsá.
Mikil sóknarfæri felast hins vegar
í ferðaþjónustu í tengslum við sil-
ungsveiði og að tengja hana annarri
ferðaþjónustu og afþreyingu. Hér
hafa Arnarvatnsheiðin, Steingríms-
fjarðarheiðin, Skagi á milli Austur-
Húnavatnssýslu og Skagafjarðar,
með öllum sínum vötnum, og Mel-
rakkasléttan mikla sérstöðu.
Ósnortin votlendissvæði
og heiðalönd
Arnarvatnsheiðin er stærsta
ósnortna votlendissvæði Evrópu
og svæðið er landfræðilega vel stað-
sett með tilliti til frekari nýtingar og
þróunarmöguleika. Enn fremur hef-
ur Arnarvatnsheiðin sterka ímynd
í hugum fólks vegna veiði, sem
afréttur og söguslóð. Steingríms-
fjarðarheiðin er enn sem komið er
lítt uppgötvuð á meðal veiðimanna
og annarra ferðamanna þótt mikil
upbygging hafi átt sér stað í ferða-
þjónustu í næsta nágrenni. Skaga-
vötnin eru orðin vinsæll áfangastað-
ur stangveiðimanna, Skagaheiðin
og ströndin laða að fólk ásamt því
að mannlífssaga og fjölbreytt hlunn-
indanýting á svæðinu býður upp á
margvísleg tækifæri í tengslum við
ferðaþjónustu. Takmörkuð þjónusta
eða afþreying fyrir ferðamenn er þó
enn í boði á Skaga, nema sú sem
tengist stangveiðinni. Hugmyndir
eru uppi um að gera hluta svæðis-
ins að þjóðgarði vegna sérstæðrar
náttúru, en slíkt myndi skapa mik-
il sóknarfæri fyrir ferðaþjónustu.
Vötn á Melrakkasléttu eru mikið
nýtt af heimamönnum en svæðið er,
enn sem komið er, ekki fjölsótt af
lengra að komnum stangveiðimönn-
um eða ferðamönnum sem vilja
njóta útivistar þar. Tækifærin eru
því margvísleg til að nýta þessi fjöl-
breyttu votlendis- og vatnasvæði
en hætturnar sem steðja að þessum
heiðasvæðum eru einnig til staðar
ef ekki er vel að gætt í umgengni
við viðkvæma náttúru þeirra.
Mikilvæg margfeldisáhrif
fyrir byggðarlög
Heiðalöndin með öllum sínum vötn-
um bjóða upp á mikil tækifæri til
frekari atvinnusköpunar fyrir þau
byggðarlög sem eru svo lánsöm að
geta notið þeirra. Til þess þarf mark-
visst og samhent starf heimamanna,
ásamt því að afla og koma á fram-
færi margvíslegri þekkingu á nátt-
úru heiðanna og sérkennum sem
gefa þeim gildi. Ef tekst að auka
straum ferðamanna um heiðalöndin
til útivistar og stangveiði skilar það
ekki einungis tekjum af veiðileyf-
um, heldur einnig gistingu ásamt
margvíslegri annarri afþreyingu
eins og hestaferðum, gönguferðum
og fuglaskoðun, leiðsögn og þjón-
ustu sem renna til margra aðila.
Ónefnd eru þá þau margfeldisáhrif
sem slík starfsemi hefur fyrir aðra
íbúa héraðanna. Það er mikilvægt
að gera sér grein fyrir því að í sil-
ungsveiði eru mestu fjármunirnir í
kringum alla aðra þá þjónustu sem
veiðimenn sækja en tekjur af veiði-
leyfum einum saman og fjölbreytt-
ir útivistarmöguleikar eru helsta
aðdráttarafl ósnortinna heiðalanda.
Hér er á ferðinni krefjandi verkefni
fyrir byggðarlög að takast á við, að
nýta fjölbreytt tækifæri tengd vot-
lendis og heiðalöndum til vistvænn-
ar atvinnusköpunar, ferðaþjónustu
í tengslum við silungsveiði og að
tengja hana annarri ferðaþjónustu
og afþreyingu. Mörg svæði bjóða
upp á slíka möguleika. Hér eiga
Arnarvatnsheiðin, Steingrímsfjarð-
arheiðin, Skagi, með öllum sínum
vötnum, og Melrakkasléttan hins
vegar einstaka möguleika.
Bjarni Jónsson
Norðurlandsdeild
Veiðimálastofnunar
Afmælisstyrkir
FL 1966-2006
Í tilefni 40 ára starfsafmælis auglýsir Framleiðnisjóður landbúnaðarins
tvo styrki til rannsókna og greiningar innan eftirtalinna sviða:
a) Frá haga til maga: Notkun landsins til framleiðslu vegna
frumþarfa/vöru og þjónustu – staða, skipulag og möguleikar í
b) Fjölþættur landbúnaður: Atvinnugrundvöllur dreifbýlis – faglegar,
Í ljósi þess hve sviðin eru víðfeðm er gert ráð fyrir að umsækjendur
afmarki viðfangsefni sín eftir þörfum en þó þannig að heildarsýn sé
höfð að leiðarljósi við lausn þeirra fremur en hlutsýn.
Hvor styrkur nemur allt að 5,0 mkr. á ári í tvö ár en verkum má skipta
á þrjú ár með vel skilgreindum áföngum. Við mat á umsóknum verður
einkum tekið tillit til eftirfarandi þátta:
- hve heildrænt, markvisst og hnitmiðað verkefnið er
- í hvaða mæli verkefni felur í sér þverfaglega samvinnu
stofnana/einstaklinga
- annarrar (eigin) fjármögnunar á verkefninu
- líklegs notagildis og áætlaðs árangurs verkefnisins
Umsóknarfrestur er til 31. janúar nk. og skal senda umsóknirnar til
Framleiðnisjóðs landbúnaðarins, Hvanneyrargötu 3, 311 Borgarnes.
Sérstök þriggja manna matsnefnd mun fjalla um umsóknirnar og gera
tillögur til stjórnar Framleiðnisjóðs er tekur ákvörðun um ráðstöfun
styrkfjárins fyrir 20. febrúar 2007. Í nefndinni sitja fulltrúar Rannís,
Bændasamtaka Íslands og Framleiðnisjóðs landbúnaðarins.
Áskilinn er réttur til að taka hvaða umsókn sem er eða hafna öllum;
einnig til að skipta styrkupphæð á milli tveggja verkefna á hvoru sviði
ef jafnbrýn þykja.
21. nóvember 2006
Framleiðnisjóður landbúnaðarins
Verð kr. 957.000 m/vsk
Burðargeta 14 tonn
Stærð palls = 2,50x9,0m
ATH! 50.000 kr. afsláttur
H. Hauksson ehf.
Suðurlandsbraut 48
Sími: 588-1130. Fax. 588-1131.
FLATVAGNAR
2500
2040
Möguleikar til eflingar silungs-
veiða og útivistar á ósnortnum
votlendis- og heiðalöndum
Feðgar að
veiðumniður
um ís: Gísli
Sigurðsson
og Mikael
Snær sonur
hans.