Fréttablaðið - 13.01.2012, Page 16

16 13. janúar 2012 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
V
andinn sem skapast hefur vegna PIP sílíkonfyllinga sem
settar hafa verið í brjóst um 440 kvenna hér á landi er
nokkuð stór. Óþægindin sem konurnar sem um ræðir
verða fyrir eru mikil og fjárhagslegt tjón er talsvert
þótt ekki sé komið í ljós hver mun á endanum bera það.
Embætti landlæknis og Lyfjastofnun hafa brugðist við málinu
og sent frá sér ítarlega yfirlýsingu þar sem greint er frá helstu
þáttum málsins. Þar er réttilega lögð áhersla á að við gerð þessara
tilteknu sílíkonpúða voru ekki gerð mistök og varan er ekki gölluð.
Glæpur var framinn. Hins vegar má velta upp þeim spurningum
hvort á öðrum stöðum hafi ekki verið gerð mistök, til dæmis í
eftirlitskerfinu.
Málið er þó ekki bara lög-
reglumál, heldur er það til
dæmis líka heilbrigðismál og
neytendamál.
Embætti landlæknis rannsak-
ar nú umfang þessara aðgerða
hér á landi, engar nákvæmar
tölur liggja fyrir um það hversu
margar íslenskar konur hafa fengið sílíkon í brjóstin þó ljóst sé
að fjöldinn hlaupi á mörgum þúsundum. Tölur um annars konar
fegrunaraðgerðir liggja þá ekki heldur fyrir, þó er það í verka-
hring embættisins að halda utan um tölfræði af þessu tagi.
Taka verður fram að ástæður sem konur hafa fyrir aðgerðunum
eru mjög ólíkar. Nokkrar þeirra hafa þurft að fara í brjóstnám og
fengið uppbyggingu á brjósti með þessum hætti. Þá eru mörg dæmi
um annars konar slys eða lýti sem verða til þess að konur fara í
aðgerðir af þessu tagi. Sumar vilja láta laga brjóstin sem hafa
breyst mikið eftir brjóstagjöf og aðrar eru með minnimáttarkennd
yfir þessum hluta líkama síns. Ekki á að áfellast neinar af þessum
konum fyrir að hafa tekið þessa ákvörðun.
Aðgerðir fela alltaf í sér einhverja áhættu og konur sem taka
ákvörðun um að fá sílíkon þurfa yfirleitt að fara í margar slíkar, til
að endurnýja púðana. Þá geta púðarnir sprungið og þeir valdið tals-
verðum óþægindum. Sumar konur meta það sem svo að áhættan og
þjáningin vegi ekki eins þungt og ávinningur af stærri eða öðruvísi
laga brjóstum. Þetta gildir auðvitað um aðrar fegrunaraðgerðir
líka, þær eru áhættusamar og geta verið sársaukafullar. Nú berast
jafnvel fréttir af því í Bretlandi að minniháttar fegrunaraðgerðir,
eins og efni sem sprautað er í andlit til að fjarlægja hrukkur, geti
valdið sýkingum og afskræmingu.
Talið er að 90 prósent allra fegrunaraðgerða séu framkvæmd
á konum. Karlar auka hlut sinn þó hægt og bítandi. Áætlað er að
á bilinu fimm til tíu milljónir kvenna séu með sílíkon í brjóstum
í heildina. Aðgerðin er sú vinsælasta víða á Vesturlöndum, en í
öðrum heimshlutum brýst útlitsdýrkunin út í öðrum aðgerðum.
Í Kína, Japan og á Indlandi benda tölur til þess að þar sé fitusog,
nefaðgerðir og breytingar á augnlokum vinsælla en brjóstaaðgerð-
ir. Þannig er það breytilegt hvað telst eftirsóknarverðast og með
hvaða líkamshluta fólk er óánægt með.
Það er því tímabært í þeirri umræðu um sílíkon sem nú fer fram
víða á Vesturlöndum, að minna á og velta fyrir sér hversu mikil
áhrif útlitsdýrkun hefur á óánægju þúsunda kvenna hér á landi og
milljóna um allan heim með þennan mikilvæga hluta líkama síns.
HALLDÓR
SKOÐUN
Þórunn Elísabet
Bogadóttir
thorunn@frettabladid.is
Borgarstjóri, hinn sami og bauð sig fram undir slagorðunum „Gefum
fávitunum frí“ og sagði um borgarfull-
trúa annarra flokka að þeir væru með
svarta beltið í einelti, hélt því fimm sinn-
um fram í Kastljósi Sjónvarps í fyrra-
kvöld að munurinn á sér og öðrum stjórn-
málamönnum væri sá að hann talaði ekki
illa um fólk. Ef fyrrnefnd ummæli eru
dæmi um gott umtal, er vissulega nokkuð
á sig leggjandi til að forðast illt umtal
hjá þeim manni, sem nú gegnir embætti
borgarstjóra í Reykjavík.
Met í aðgerðaleysi
Eftir mikla snjókomu í Reykjavík undan-
farinn mánuð var hálkan um síðustu helgi
fyrirsjáanleg. Veðurfræðingar spáðu þíðu
og vatnsveðri með margra daga fyrirvara.
Í einfeldni sinni bjuggust Reykvíkingar
við því að borgaryfirvöld myndu hálku-
verja götur og gönguleiðir í borginni eftir
föngum við slíkar aðstæður. Stjórnendur
borgarinnar ákváðu hins vegar að hafast
ekki að og slógu þar með met í aðgerða-
leysi. Sendu reyndar þau skilaboð til fjöl-
miðla að ekki væri ómaksins virði að
salta gönguleiðir og bregðast þannig við
hættunni.
Ekki fengust betri skýringar hjá borgar-
stjóra vegna vinnubragða við álagningu
fæðisgjalds á þroskahamlaða og fatlaða
einstaklinga en að gjaldtaka þessi bygg-
ist á fjárhagsáætlun borgarinnar fyrir
árið 2012. Hvað eftir annað hefur komið
fram að notendur þjónustunnar eru ósátt-
ir við upphæð gjaldsins, sem þeir telja
ósanngjarna.
Í Kastljósinu fullyrti borgarstjóri fyrst
að þessi pólitíska ákvörðun hefði ekkert
með pólitík að gera. Síðan sagði hann að
ákvörðun um þessa gjaldtöku hefði verið
tekin þar sem notendurnir hefðu vilj-
að borga meira. Þrátt fyrir að umrædd
ákvörðun hafi nú verið dregin til baka,
harðneitaði borgarstjóri því að um mistök
hefði verið að ræða.
Þetta er svo erfitt
Viðtalið leiddi í ljós að borgarstjóra skortir
yfirsýn og er ófær um að viðurkenna eigin
mistök, hvað þá að bæta úr þeim. Borgar-
stjóri afsakaði reyndar getuleysi meiri-
hlutans ítrekað með því að það væri svo
mikið að gera, það væri svo mikið álag
og að þetta væri allt gríðarlega umfangs-
mikið og erfitt. Verður varla með skýrari
hætti komið orðum að því að borgarfulltrú-
ar meirihlutans hafa tekið að sér verkefni,
sem þeir ráða ekki við.
Borgarstjóri á hálum ís
Stjórnmál
Kjartan
Magnússon
borgarfulltrúi
Bílabúð Benna - Vagnhöfða 23 - 590 2000 - benni@benni.is - www.benni.is
Nesdekk - Fiskislóð - sími 561 4110 / Nesdekk - Reykjanesbæ - sími 420 3333
NJARÐARBRAUT 9 - REYK
JAN
ES
BÆ
FIS
KIS
LÓÐ
3 - REYKJAVÍK
Skal fá mest
Már Guðmundsson, bankastjóri
Seðlabankans, telur laun sín hafa
verið lækkuð að honum forspurðum.
Hann hefur nokkuð til síns máls, við
hann var samið um ákveðin laun en
þeim samningum breytt einhliða eftir
á. Rót þeirra breytinga er sú stefna
að enginn ríkisstarfsmaður skuli hafa
hærri laun en forsætisráðherra. Vel
má vera að fólk jesúsi sig yfir
upphæðinni sem Már vill fá,
um hana var þó samið og
það eftir hrun. Hann er að
biðja um að staðið verði við
gerða samninga, óháð því hvað
Jóhanna Sigurðardóttir fær
útborgað.
Skörp skil á milli
Vaðlaheiðargöng hf. er hlutafélag
sem vinnur að undirbúningi og
framkvæmd ganga undir Vaðlaheiði.
Vegagerðin á 51 prósent í félaginu,
þrátt fyrir að göngin séu aftar á
samgönguáætlun, sem Vegagerðin
starfar eftir, en mörg önnur göng.
Fréttatilkynning stjórnar hluta-
félagsins barst fjölmiðlum í
gær, send af upplýsinga-
fulltrúa Vegagerðarinnar
og úr netfangi hans hjá
ríkisstofnuninni. Er ekki
skynsamlegra að hafa
skarpari skil á
milli hlut-
verkanna?
Sá það í bíó
Björn Bjarnason, fyrrum dómsmála-
ráðherra, vill styrkja lögregluna til
að bregðast við skipulagðri glæpa-
starfsemi. Hann styður þá skoðun
sína ágætum rökum í nýlegum pistli.
Helst þó með kvikmyndinni Borgríki.
„Ekki þarf annað en að horfa á hana
til að átta sig á því hvert stefnir í
íslenskum undirheimum.“ Nú er
að sjá hvort Björn kallar eftir enn
harðari aðgerðum þegar hann
sér næstu íslensku kvikmynd;
Svartur á leik. Vonandi nær þessi
hugsun um að kvikmyndir stýri
stefnunni í dómsmálum þó
ekki inn í ráðuneyti þeirra
mála. kolbeinn@frettabladid.is
Taka verður ástæður fyrir fegrunaraðgerðum
með í reikninginn þegar gallað sílíkon er rætt:
Fegrunaraðgerðir