Fréttablaðið - 07.02.2012, Blaðsíða 2

7. febrúar 2012 ÞRIÐJUDAGUR2
ALÞINGI Eygló Harðardóttir, þing-
maður Framsóknarflokksins,
mun á næstunni leggja fram
þingsályktunartillögu um að
Alþingi skipi rannsóknarnefnd
til að rannsaka starfsemi lífeyr-
issjóðanna frá árinu 1997 til 2011.
Í þingsályktun Alþingis um
viðbrögð við skýrslu rannsókn-
arnefndar þingsins var ályktað
um að sjálfstæð og óháð rann-
sókn á starfsemi lífeyrissjóða
skyldi fara fram. Þingsályktun-
artillaga Eyglóar er því í sam-
ræmi við þá ályktun. Eygló segir
að við afgreiðsl-
una hafi legið
fyrir að Lands-
samtök lífeyr-
issjóða hygð-
ust setja af
stað sjálfstæða
út tek t . „ Ég
byggði mína
afstöðu meðal
annars á því að
nefnd Lands-
samtaka lífeyrissjóðanna gæti
aldrei haft sömu valdheimild-
ir og rannsókn á vegum Alþing-
is.“ Eftirlitsstofnanir hafi getað
borið fyrir sig þagnarskyldu, ekki
hafi verið hægt að kveða fólk til
skýrslutöku eða gera rannsóknir
á starfsstöðum.
Samkvæmt tillögunni á rann-
sóknarnefnd að varpa sem skýr-
ustu ljósi á starfsemi lífeyrissjóð-
anna á tímabilinu og bera saman
umhverfi íslenska lífeyrissjóða-
kerfisins við það sem tíðkast í
nágrannalöndunum. Þá eigi hún
að leggja mat á ábyrgð og aðkomu
stjórnsýsluaðila og einstakra ráð-
herra. - þeb
HEILBRIGÐISMÁL Ljóst er að aðgerðir
vegna brottnáms PIP-sílikonpúða
geti hlaupið á tugum milljóna króna
fyrir Landspítalann (LSH). Um 200
konur af þeim tæplega 400 sem
fengið hafa boð um ómskoðun hafa
sett sig í samband við yfirvöld. Á
einkareknum læknastofum kost-
ar brottnám sílíkonpúða um 200
þúsund krónur en verið er að meta
kostnaðinn við aðgerðirnar á LSH.
Saga Ýrr Jónsdóttir, lögmað-
ur um hundrað kvenna sem ætla
að höfða málsókn á hendur Jens
Kjartanssyni lýtalækni vegna púð-
anna, segir það skjóta skökku við
að konunum sé ekki boðið að fá aðra
brjósta púða í sömu aðgerð, borgi
þær fyrir þá sjálfar.
„Enginn er að fara fram á að
ríkið greiði púðana,“ segir Saga.
„Krafan er sú að aðgerðin verði
nýtt svo þær þurfi ekki að gangast
undir aðra slíka til að fá nýja púða.“
Saga bendir á að fjöldi lækna á
LSH vinni og reki einkastofur á
sama tíma. Þar séu bein hagsmuna-
tengsl.
„Skiljanlega eru mínir umbjóð-
endur hræddir við að það ríki ekki
hlutleysi,“ segir hún og bætir við
að þeir umbjóðendur hennar sem
leitað hafa til einkarekinna lækna-
stofa fái ítrekað þau svör að þeir
geti fengið nýja púða í sömu aðgerð
og jafnvel sé mælt með því.
Þórdís Kjartansdóttir, lýtalæknir
á Dea Medica og LSH, tekur undir
það. „Yfirleitt er talið að vilji konur
vera áfram með sílíkon séu þær
betur settar með að fá nýja púða í
stað þeirra gömlu í sömu aðgerð,“
segir hún. „En þetta er mjög vand-
meðfarið og þarf að meta hvert til-
felli fyrir sig.“
Guðbjartur Hannesson velferð-
arráðherra útilokar ekki að nýir
púðar verði settir inn í einhverj-
um tilfellum, en slíkt muni senni-
lega heyra til undantekninga. Hann
segir fyllstu aðgátar verða gætt
varðandi hagsmuni þeirra lýta-
lækna á LSH sem meta konurnar
og framkvæma aðgerðirnar.
„Þarna verður enginn sem vísar
á sjálfan sig,“ segir Guðbjartur.
„Matið er byggt á ráðleggingum
frá því fólki sem flest kann. Það er
viðbragðshópur sem fundar nánast
daglega og það er verið að vinna í
þessum málum.“
Guðbjartur mun leggja til við
ríkisstjórnina í dag að ríkið bjóð-
ist til að láta fjarlægja púða úr
öllum þeim konum sem fengið hafa
púðana hér á landi. Er þetta gert í
ljósi þess að rúm 80 prósent þeirra
kvenna sem farið hafa í ómskoðun
eru með leka púða.
sunna@frettabladid.is
Séra Gunnar, ert þú sterkasti
frambjóðandinn?
„Það mætti velja biskup eftir því
hvað hann tekur í bekk en það væri
ekki sanngjarnt.“
Séra Gunnar Sigurjónsson, sóknar-
prestur í Digranessókn, gefur kost á sér
í komandi biskupskjöri. Séra Gunnar
stundar kraftlyftingar og hefur verið talinn
sterkasti prestur í heimi.
AÐGERÐ Velferðarráðherra vill að ríkið bjóðist til þess að láta fjarlægja alla PIP-
sílíkonpúða úr konum hér á landi. MYND/ÚR SAFNI
Brottnám PIP-púða
kostar tugi milljóna
Velferðarráðherra mælist til að allar konur með PIP-púða geti látið fjarlægja þá
á Landspítalanum. Hópur kvenna vill nýta aðgerðina til að fá nýja púða. Gætt
verður að hagsmunatengslum og enginn mun vísa á sjálfan sig, segir ráðherra.
SVÍÞJÓÐ Endurtaka þarf réttarhöld
í Gautaborg í Svíþjóð vegna þess
að dómari í málinu dottaði meðan
á þeim stóð.
Bæði verjandi og saksóknari
eru sammála um að dómarinn hafi
dottað. Dómarinn neitar því hins
vegar, en viðurkennir að hann geti
ekki lengur dæmt í málinu.
„Venjulega þegar manneskja
sofnar eru ákveðnar vísbendingar
um það. Þú byrjar á því að loka
augunum og svo fellur höfuðið
fram,“ sagði Margareta Esplund
hjá saksóknara við TV4 í Svíþjóð.
„Það er mikilvægur hluti af rétt-
arkerfinu að þeir sem dæma séu
viðstaddir.“ - þeb
Sænskur dómari vanhæfur:
Dómari sofnaði
í réttarhöldum
UNDIRRITA SÁTTASAMNING Mahmoud
Abbas, leiðtogi Fatah, og Khaled
Meshaal, leiðtogi Hamas, á blaðamanna-
fundi í Katar. Katarski sjeikinn Tamim Bin
Hamad Al Thani er á milli þeirra.
FRÉTTABLAÐIÐ/AP
KATAR, AP Tvær helstu fylkingar
Palestínumanna hafa náð sam-
komulagi um myndun bráða-
birgðastjórnar eftir langar og
erfiðar samningaviðræður.
Mahmoud Abbas, sem er for-
seti Palestínustjórnar og leiðtogi
Fatah, verður jafnframt forsætis-
ráðherra stjórnarinnar, en nánar
verður upplýst um ráðherraskip-
an síðar í mánuðinum.
Ísraelsstjórn brást illa við
þessum tíðindum og segir að
samstarf fylkinganna jafngildi
brotthvarfi frá friðarviðræðum,
sem reyndar hafa legið niðri að
mestu árum saman. - gb
Niðurstaða náðist í Katar:
Hamas í stjórn
með Fatah
EYGLÓ
HARÐARDÓTTIR
Eygló Harðardóttir leggur fram tillögu um rannsóknarnefnd á vegum Alþingis:
Vill rannsókn á lífeyrissjóðum
Verið er að meta umfang og fjölda þeirra aðgerða sem framkvæmdar verða
á Landspítalanum vegna PIP-púðanna. Björn Zoëga, forstjóri LSH, segir
málið líta út fyrir að verða nokkuð yfirgripsmikið, en nú sé verið að skoða
hvert tilfelli fyrir sig. Ekki er vitað hvenær byrjað verður að gera aðgerðirnar.
Varðandi það hvort konurnar geti fengið nýja púða í sömu aðgerð, segir
Björn að öryggi sjúklingsins sé algert forgangsatriði og verið sé að vega og
meta hvort slíkt teljist fýsilegur kostur óski konurnar eftir því.
„Nýir púðar verða settir inn í sömu aðgerð ef það er talið öruggt fyrir
sjúklinginn. Það verður ákveðið í samráði við helstu sérfræðinga í þessum
efnum,“ segir hann.
Málið verður umfangsmikið fyrir LSH
FJÁRMÁL Franek Rozwadowski,
fastafulltrúi Alþjóðagjaldeyris-
sjóðsins á Íslandi, neitar því alfar-
ið að sjóðurinn
hafi á sínum
tíma gert til-
lögu um að loka
ríkis reknum
menningarstofn-
unum í sparnað-
arskyni.
Katrín
Jakobs dóttir,
mennta- og
menningarmála-
ráðherra, sagði á Alþingi á föstu-
dag að slíkar tillögur hefðu verið
uppi á borðum. Þjóðleikhúsið var
nefnt sérstaklega. Tillagan um að
leggja menningarstofnanir niður
hafi komið frá AGS en því hafi
stjórnvöld hafnað.
Í tilkynningu Rozwadowski
segir að hornsteinn áætlunarinn-
ar hafi verið sú að að ríkisstjórn-
inni væri í sjálfsvald sett hvernig
minnka skyldi fjárlagahallann. Það
sé rangt að AGS hafi mælt með
einstökum aðgerðum til að ná þeim
markmiðum fram. - shá
Rengir orð ráðherra:
Neita tillögum
um niðurskurð
FRANEK
ROZWADOWSKI
ELDSVOÐI Eldur kom upp í húsi
í Eikjuvogi í Reykjavík um
klukkan hálf átta í gærkvöld.
Þegar slökkvilið kom á stað-
inn voru tveir íbúar í húsinu
komnir út. Slökkviliðið var
fljótt að ná tökum á eldinum.
Oddur Hallgrímsson, varð-
stjóri hjá slökkviliðinu, segir að
tjón sé vegna elds og reyks en
unnið var að því að reykræsta
húsið í gærkvöldi.
Engan sakaði en eldsupptök
eru ókunn.
Eldur í Eikjuvogi:
Íbúar flúðu
brennandi íbúð
Bændur óttast kal í túnum
Bændur í Árneshreppi eru farnir að
óttast kal í túnum í vor. Mikil svellalög
eru á túnum og hafa verið nánast
samfleytt frá því í haust. Frá þessu er
greint á vefnum Litla hjalla.
LANDBÚNAÐUR
Vilja í aðra markaskrá
Nokkrir sauðfjárbændur í Grýtubakka-
hreppi hafa skráð nöfn sín á undir-
skriftarlista þar sem þeir fara fram
á að hreppurinn verði í markaskrá
fyrir kvikfénað með Þingeyingum en
ekki Eyfirðingum eins og ákveðið
var. Sveitarstjórnin segist ekki breyta
afstöðu sinni nema landbúnaðar-
nefnd hreppsins óski þess.
VIÐSKIPTI „Starfsmennirnir sem fóru í þessar ferðir
– þeir voru ekki að þiggja neitt boð. Það er meg-
inatriði og þess vegna voru þetta engar boðsferð-
ir,“ sagði Haukur Hafsteinsson, framkvæmdastjóri
LSR, í viðtali við Kastljós RÚV í gærkvöldi.
Helgi Seljan spurði hann um ferðir sem starfs-
menn lífeyrissjóðsins fóru í á kostnað fyrirtækja
fyrir bankahrun. Hann sagðist ekki líta svo á að
starfsmennirnir hefðu þegið boð, heldur einfald-
lega farið í ferð að beiðni yfirmanna sinna. „Þeir
voru að fara í vinnuferð og höfðu enga fjárhagslega
hagsmuni af því hvort fyrirtækið sem var að kynna
starfsemina borgaði eða lífeyrissjóðurinn,“ sagði
Haukur.
Hann sagði aðspurður að skýrsla rannsóknar-
nefndar um lífeyrissjóðina gæfi ekki tilefni til þess
að hann segði af sér. Lífeyrissjóðirnir hafi verið
að glíma við afleiðingar alvarlegrar, alþjóðlegrar
fjármálakreppu sem skýrði tap hjá sjóðum upp á
rúma hundrað milljarða við hrun bankakerfisins.
Öll gagnrýni sem fram kæmi í skýrslunni yrði þó
tekin til greina.
Haukur sagði menn geta velt fyrir sér hvort sjóð-
irnir hafi fjárfest um of í fyrirtækjum tengdum
Baugi og Existu. Hins vegar hafi þau félög verið
fyrirferðarmikil á íslenskum hlutabréfamarkaði og
menn hafi í öllum tilvikum verið langt innan við þau
fjárfestingarmörk sem lög kváðu á um. - sh
Framkvæmdastjóri LSR kallar utanlandsferðir á vegum fyrirtækja ekki boðsferðir:
Vinnuferðir en ekki boðsferðir
ÆTLAR EKKI AÐ HÆTTA Haukur Hafsteinsson segir skýrslu
rannsóknarnefndarinnar ekki gefa honum tilefni til að segja af
sér. FRÉTTABLAÐIÐ/ARNÞÓR
SPURNING DAGSINS