Fréttablaðið - 07.02.2012, Blaðsíða 34

7. febrúar 2012 ÞRIÐJUDAGUR26
sport@frettabladid.is
UNDANÚRSLITIN Í EIMSKIPSBIKAR KVENNA hefjast í kvöld þegar ÍBV tekur á móti
FH í Vestmannaeyjum. Leikurinn hefst klukkan 18.00. Á morgun fer seinni leikurinn fram en í honum
mætast Valur og Stjarnan. Leikið verður í Vodafonehöllinni og hefst sá leikur klukkan 20.00.
Laaaaaaaaaaaaaaaaaaaaaaaaaaaaaaangbestar?
NFL Eli Manning, leikstjórnanda
NY Giants, tókst að leggja Tom
Brady, leikstjórnanda New Eng-
land Patriots, aftur að velli í
úrslitaleik ameríska fótboltans,
Super Bowl, aðfaranótt mánudags.
Það gerði hann á heimavelli bróður
síns, Peytons, í Indianapolis.
Fyrir fjórum árum lagði Giants
lið Patriots mjög óvænt að velli
en Patriots hafði ekki tapað leik á
tímabilinu. Rétt eins og þá tryggði
Giants sér sigur með sókn undir
lokin sem var snilldarlega útfærð
af Manning. Hann var valinn
maður leiksins líkt og fyrir fjór-
um árum.
Sigursnertimark leiksins var
afar sérstakt því Patriots leyfði
Giants að skora. Giants var þá
komið í auðvelt vallarmarksfæri
sem hefði fært þeim forystu. Það
mark vildu þeir skora þegar nán-
ast enginn tími var eftir. Þá ákvað
Patriots að leyfa þeim að skora
snertimark svo liðið fengi ein-
hvern tíma til þess að reyna að
komast aftur yfir.
Ahmad Bradshaw, hlaupara
Giants, var því hleypt í gegn.
Hann áttaði sig of seint, reyndi
að snúa við og stoppa rétt áður en
hann skoraði. Það var of seint og
hann féll á afturendann og inn í
markið. Patriots fékk 57 sekúnd-
ur til þess að skora og komst ansi
nálægt því.
„Ég öskraði á hann: Ekki skora,
ekki skora. Hann reyndi að stoppa
en það var of seint,“ sagði Mann-
ing um þessa ótrúlega uppákomu
undir lok leiksins.
Eli hefur nú unnið tvo titla en
bróðir hans á einn titil. Þjálfari
Giants, Tom Coughlin, varð elsti
þjálfarinn í sögunni til þess að
vinna Super Bowl en hann er 65
ára gamall. - hbg
Eli Manning, leikstjórnandi NY Giants, kominn á stall með þeim bestu eftir dramatískan sigur í Super Bowl:
Giants ætlaði ekki að skora sigursnertimarkið
ÚPPS Bradshaw dettur hér nánast öfugur inn í endamarkið. Hann náði ekki að
hægja nóg á sér til að stoppa og skoraði. NORDIC PHOTOS/GETTY IMAGES
HANDBOLTI Danska ofurliðið AG frá
Kaupmannahöfn hélt sigurgöngu
sinni áfram um helgina er það
vann dönsku bikarkeppnina næsta
auðveldlega. Frá því að auðkýfing-
urinn Jesper Nielsen stofnaði þetta
ofurlið hefur það unnið alla bikara
sem eru í boði í heimalandinu og
aðeins tapað tveimur leikjum.
Íslenski landsliðsmaðurinn
Arnór Atlason er fyrirliði liðsins
og hann lyfti bikarnum þriðja árið
í röð um helgina.
„Undanúrslitaleikurinn var eig-
inlega erfiðari en úrslitaleikur-
inn. Við vorum með úrslitaleikinn
í höndunum allan tímann og leik
lokið þegar um fimmtán mínútur
voru eftir,“ sagði Arnór sigurreif-
ur í samtali við Fréttablaðið en AG
vann úrslitaleikinn með sex marka
mun, 32-26.
Það er búið að kosta miklu til í
uppbyggingu þessa liðs og heims-
klassamenn í öllum stöðum. AG
virðist hafa algjöra yfirburði í
Danmörku og er farið að bíta frá
sér í Meistaradeildinni.
„Við vitum að við erum bestir og
eigum að vinna. Álaborg, sem við
mættum í úrslitaleiknum, var eina
liðið sem við höfðum tapað fyrir
í vetur og þess utan á heimavelli.
Við bjuggumst við mjög erfiðri
keppni og þetta var áskorun fyrir
okkur sem við stóðumst með stæl,“
sagði Arnór og allir voru klárir að
þessu sinni.
„Við erum með lið sem tekur á
því þegar þarf að taka á því. Það
getur oft verið hættulegt og við
erum eiginlega slakastir á móti
litlu liðunum. Þá höfum við stund-
um verið tæpir. Það er hættulegt
að ætla að taka hlutina með vinstri
en það hefur sloppið hingað til.“
Þó svo að sigurganga AG hafi
verið samfelld þá leiðist fyrirlið-
anum aldrei að lyfta bikurum.
„Við erum búnir að vinna alla
bikara sem hafa verið í boði frá
því að félagið var stofnað. Það er
alltaf gaman að vinna og lyfta bik-
urum. Það er ekkert sjálfsagt að
vinna þetta allt þótt við séum með
frábært lið. Leikirnir gegn okkur
eru leikir ársins hjá andstæðing-
um okkar og þeir selja sig dýrt.“
Arnór hefur verið að glíma við
brjósklos en spilaði samt mikið á
EM og einnig um helgina. Ólafur
Stefánsson virðist síðan vera
búinn að hrista af sér hnémeiðslin
en hann spilaði mjög vel fyrir AG.
„Það var æðislegt að sjá Óla
aftur í formi og hann var virkilega
flottur um helgina,“ sagði Arnór
en Íslendingarnir í herbúðum AG
eru fjórir – Arnór, Ólafur, Guðjón
Valur Sigurðsson og Snorri Steinn
Guðjónsson.
Fram undan hjá AG eru spenn-
andi leikir í Meistaradeildinni þar
sem liðið er í harðri baráttu við
þýska liðið Kiel og franska liðið
Montpellier.
„Við setjum markið hátt í Meist-
aradeildinni og stefnan er að vinna
riðilinn að sjálfsögðu,“ sagði Arnór
en sigur gegn annaðhvort Kiel
eða Montpellier í lokaumferðun-
um tryggir liðinu annað af efstu
sætum riðilsins.
henry@frettabladid.is
Vitum að við erum bestir
Arnór Atlason, fyrirliði danska ofurliðsins AG, segir að það verði aldrei þreyt-
andi að lyfta bikurum en AG vann dönsku bikarkeppnina þriðja árið í röð um
helgina. Ólafur Stefánsson virðist hafa hrist af sér meiðslin og spilaði vel.
DAGLEGT BRAUÐ Arnór er orðinn ansi vanur því að lyfta bikurum fyrir AG. Hann lyftir
hér meistarabikarnum síðasta vor. MYND/AG
FÓTBOLTI Fabio Capello, landsliðs-
þjálfari Englands, hefur lýst sig
andvígan ákvörðun enska knatt-
spyrnusambandsins að taka fyrir-
liðabandið af John Terry. Þetta
kemur fram í viðtali Capello við
ítalska ríkisfjölmiðilinn RAI.
„Ég hef rætt málið við stjórn-
arformann enska knattspyrnu-
sambandsins og sagt mína skoð-
un, þ.e. að ekki sé rétt að refsa
John Terry fyrr en dómstólar
hafa tekið hans mál fyrir,“ sagði
Capello.
Þetta er í annað skiptið á tveim-
ur árum sem Terry er sviptur
fyrirliðabandinu. Í fyrra skiptið
var það hegðun Terry utan vallar
sem varð til þess að hann þótti
ekki hæfur til þess að leiða landa
sína út á völlinn.
Enska knattspyrnusamband-
ið hefur neitað að bregðast við
ummælum Capello. Ítalinn er
væntanlegur á fund með forráða-
mönnum sambandsins í höfuð-
stöðvum þess í dag.
Upphaflega átti að taka mál
Terry fyrir í upphafi febrúar en
því var frestað fram yfir EM. Það
var mjög umdeild ákvörðun. - ktd
Fabio Capello:
Rangt að taka
bandið af Terry
BANDIÐ FARIÐ Á NÝ Terry gengur illa að
halda fyrirliðastöðunni.
NORDIC PHOTOS/GETTY IMAGES
FÓTBOLTI Sir Alex Ferguson, knatt-
spyrnustjóri Manchester United,
var ósáttur með frammistöðu
annars aðstoðardómarans í 3-3
jafntefli liðsins gegn Chelsea.
Þrátt fyrir tvær vítaspyrnur í
þágu síns liðs taldi Ferguson að
vísa hefði átt Gary Cahill, varn-
armanni Chelsea, af velli í fyrri
hálfleik er hann virtist brjóta á
Welbeck.
„Þessi sami aðstoðardómari
dæmdi víti á okkur gegn Liver-
pool í fyrra þrátt fyrir að vera
í um 40 metra fjarlægð,“ sagði
Ferguson og var hneykslaður á
ákvörðun aðstoðardómarans að
lyfta ekki flaggi sínu.
„Ég kenni ekki Howard Webb
[dómara leiksins] um. Hann
þurfti aðstoð í þetta skiptið en
fékk hana ekki,“ segir Ferguson
sem sagði vítaspyrnurnar tvær
sem hans menn fengu hafa verið
réttmætar.
„En vítaspyrnurnar hefðu átt
að vera fjórar,“ sagði Ferguson
sem leit á niðurstöðuna sem tvö
stig töpuð í stað þess eina sem
þeir fengu út úr leiknum. - ktd
Ferguson um Chelsea-leikinn
Áttum að fá
fjögur víti
SIR ALEX Vildi hvorki fleiri né færri en
fjögur víti gegn Chelsea.
NORDIC PHOTOS/GETTY IMAGES
FÓTBOLTI Enn eitt hneykslið skek-
ur asíska knattspyrnu en átján
knattspyrnumenn og einn þjálf-
ari í Malasíu hafa verið settir í
bann vegna hagræðingu úrslita
í leikjum. Reuters-fréttastofan
fjallar um málið.
„Ég mun fela lögregluyfir-
völdum að rannsaka og komast
til botns í málinu,“ segir íþrótta-
málaráðherra Malasíu sem
segir málið skammarlegt fyrir
malasíska knattspyrnu.
Leikmennirnir átján, sem allir
eru ungir að árum skv. Reuters,
fengu tveggja til fimm ára bann
en þjálfarinn var settur í ævi-
langt bann frá knattspyrnu.
Ímynd knattspyrnuhreyfing-
anna í Asíu er í molum. Ekki er
langt síðan upp komst um spill-
ingu í Kína og Suður-Kóreu og
þá standa knattspyrnuyfirvöld
í Indónesíu í stappi við Alþjóða-
knattspyrnusambandið, FIFA. - ktd
Úrslitum hagrætt í Malasíu:
Átján leikmenn
í leikbann